देवाच्या मंदिरातील स्तंभ

“जो विजय मिळवतो त्याला मी माझ्या देवाच्या मंदिरातील स्तंभ करीन; तो तेथून कधीही बाहेर जाणार नाही; त्याच्यावर माझ्या देवाचे नाव, स्वर्गातून माझ्या देवापासून उतरणारे नवे यरुशलेम, म्हणजे माझ्या देवाची नगरी, हिचे नाव, आणि माझे ‘नवे नाव’ लिहीन.” (प्रकटीकरण ३:१२)

प्रकटीकरण ३:१२ मध्ये, ते जे विजय मिळवणारे आहेत त्यांच्यासाठी प्रभू येशू सुंदर आश्वासन देत आहे : “त्याला मी माझ्या देवाच्या मंदिरातील स्तंभ करीन.” स्तंभ हे शक्ती, स्थिरता आणि सहनशक्तीचे प्रतिक आहेत. देवाच्या आध्यात्मिक मंदिरात स्तंभ असणे म्हणजे काय याचे स्पष्टीकरण पाहू या.

जुन्या करारात, यरुशलेमेतील मंदिर हे विविध स्तंभांनी सुशोभित केलेली भव्य रचना होते. हे स्तंभ व्यवहारिक आणि प्रतीकात्मक उद्देश पूर्ण करत होते. ते रचनेसाठी आधार देत होते आणि त्याच्या लोकांमध्ये देवाच्या उपस्थितीचा स्थिर स्वभाव देखील प्रतिनिधित करत होते. १ राजे ७:२१ मध्ये आपण दोन स्तंभांबद्दल वाचतो, त्यांची नांवे, याखीन (तो स्थापील) आणि बवाज (त्याच्या ठायी सामर्थ्य).

विश्वासणारे म्हणून, आपण आता जिवंत देवाचे मंदिर आहो (१ करिंथ. ३:१६). आपण जिवंत धोड्यासारखे आध्यात्मिक मंदिर असे रचले जात आहोत” (१ पेत्र. २:५). जेव्हा प्रभू येशू देवाच्या मंदिरातील विजय मिळवणारे स्तंभ करण्याचे आश्वासन देतो, तेव्हा त्याच्या राज्यातील आपली सार्वकालिक सुरक्षा आणि महत्वाबद्दल तो बोलत आहे. स्तंभांना सहजपणे हलवले किंवा हादरवले जाऊ शकत नाही. अगदी प्रतिकूल परिस्थितीत देखील ते स्थिर असतात.

देवाच्या मंदिरात स्तंभ असणे हे जबाबदारी देखील सुचविते. स्तंभ म्हणून, आपल्याला विश्वासातील इतरांना साहाय्य आणि प्रबळ करण्यास बोलावले आहे. आपल्याला स्थिरता आणि सहनशीलतेचे आदर्श झाले पाहिजे, इतरांना ख्रिस्ताच्या अढळ आधारपायाजवळ इशारा केला पाहिजे. गलती. २:९ याकोब, केफा, आणि योहान यांच्याबद्दल प्रारंभीचे चर्च मधील स्तंभ म्हणून बोलते, सुवार्तेचे सत्य टिकवून ठेवण्यात त्यांची महत्वाची भूमिका ओळखते.

आज तुम्ही देवाच्या मंदिरात एक स्तंभ कसे होऊ शकता? प्रभू येशू ख्रिस्ताच्या भक्कम पायावर तुमचे जीवन बनवलेले आहे याची खात्री करत सुरुवात करा. त्याच्या वचनात वेळ घालवा, त्याने तुम्हांला प्रबळ आणि स्थापित करू द्या. इतरांच्या विश्वासातील प्रवासात त्यांना प्रोत्साहन आणि साहाय्य देण्याची संधी पाहा. सचोटी आणि सातत्य असलेले व्यक्ती बना, तुमचा विश्वास शब्द आणि कृतीमध्ये जगा.

देवाच्या मंदिरातील स्तंभ

Most Read