కలవరము యొక్క ప్రమాదాలు

అలవాట్లు మన అనుదిన జీవితంలో శయ్య బండలాంటిది. మనము మన అనుదిన కార్యక్రమాలను నిర్మించుకుంటాము మరియు చివరికి మన అలవాట్లు మరియు నిత్యకృత్యాలు మనలను రూపముగా చేస్తాయి మరియు మనల్ని మనంగా మారుస్తాయి. కలవరము మీ దృష్టిని లక్షల దిశల్లోకి లాగుతుంది. కలవరానికి లొంగిపోవడం మీకు అలవాటు అయితే, దాని పర్యవసానాల గురించి నేను మిమ్మల్ని హెచ్చరిస్తాను.

1. కలవరము మీ అభివృద్ధికి ఆటంకం కలిగిస్తుంది

మనము అపొస్తలుల కార్యములు 3 చదివినట్లైతే, ఒక మధ్యాహ్నం అపొస్తలులైన, పేతురు మరియు యోహాను ప్రార్థన కోసం దేవాలయానికి వెళ్లారు. అందమైన ద్వారం అని పిలిచే ప్రవేశద్వారం వద్ద. అక్కడ పుట్టినది మొదలుకొని కుంటివాడైన ఒక బిచ్చగాడు ఉన్నాడు. పేతురు, యోహాను దేవాలయంలోకి వెళ్లడం గమనించి డబ్బు కోసం వారిని వేడుకున్నాడు.

⁴పేతురును యోహానును వానిని తేరి చూచి "మాతట్టు చూడుమనిరి." ⁵వాడు వారి యొద్ద ఏమైన దొరుకునని కనిపెట్టుచు వారియందు లక్ష్యముంచెను. (అపొస్తలుల కార్యములు 3:4-5)

మీరు జాగ్రత్తగా గమనించాలని నేను కోరుకుంటున్నాను, పేతురు కుంటి బిచ్చగాడితో, "మాతట్టు చూడు" అని చెప్పాడు మరియు బిచ్చగాడు పేతురుపై దృష్టి పెట్టాడు. అప్పుడే ఆ అద్భుతం జరిగింది.
మీ అభివృద్ధిని పొందుకోవడానికి మీరు సరైన విషయాలపై దృష్టి పెట్టాలని ఇది నాకు తెలియజేస్తుంది. కలవరము మీ అభివృద్ధిని దోచుకుంటుంది.

2. కలవరము మన జీవితంలో మరియు లోకంలో దేవుని కార్యమును చూడకుండా నిరోధిస్తుంది

అప్పటికా దోనె దరికి దూరముగ నుండగా గాలి యెదురైనందున అలల వలన కొట్టబడుచుండెను. రాత్రి నాలుగవ జామున ఆయన సముద్రము మీద నడుచుచు వారి యొద్దకు వచ్చెను. ఆయన సముద్రము మీద నడుచుట శిష్యులు చూచి తొందరపడి, "భూతమని" చెప్పుకొని భయముచేత కేకలువేసిరి. (మత్తయి 14:24-26)

సైన్స్‌లో ఎంతో అభివృద్ధి సాధించినా సముద్రముపై నడవలేకపోతున్నాం. ఇక్కడ యేసు సముద్రము మీద నడుస్తున్నాడు. వారి కళ్ల ముందు ఒక గొప్ప అద్భుతం జరుగుతోంది మరియు గాలి, తుఫాను మరియు అలల కారణంగా, యేసు సముద్రముపై నడవడం వారు చూడలేకపోయారు. గాలి మరియు తుఫాను అనే కలవరము వారి జీవితంలో, వారి లోకంలో కార్యము చేస్తున్న యేసయ్యను చూడకుండా వారిని అడ్డుకున్నాయి.