അനുദിന മന്ന
1
0
99
കര്‍ത്താവില്‍ നിങ്ങളെത്തന്നെ ഉത്സാഹിപ്പിക്കുന്നത് എങ്ങനെ?
Saturday, 12th of July 2025
1
0
99
Categories :
വികാരങ്ങള്‍ (Emotions)
1 ശമുവേല്‍ 30ല്‍, ദാവീദും അവന്‍റെ ആളുകളും പാളയത്തിലേക്ക് മടങ്ങിവന്നപ്പോള്‍ അമാലേക്ക് വന്ന് പാളയം കൊള്ളയടിക്കയും തങ്ങളുടെ ഭാര്യമാരേയും മക്കളേയും കൊല്ലാതെ അടിമകളാക്കി പിടിച്ചുകൊണ്ടുപോയി എന്ന് മനസ്സിലാക്കുകയും ചെയ്തു.
ദാവീദും അവന്‍റെ ആളുകളും ആ നാശം കാണുകയും തങ്ങളുടെ കുടുംബങ്ങള്‍ക്ക് എന്ത് സംഭവിച്ചുവെന്ന് തിരിച്ചറിയുകയും ചെയ്തപ്പോള്‍, അവര്‍ക്ക് ബലമില്ലാതാകുവോളം അവര്‍ കരയുവാന്‍ ഇടയായി.
അവന്‍റെ വേദന വര്‍ദ്ധിപ്പിച്ചുകൊണ്ട് തന്‍റെ കൂടെയുണ്ടായിരുന്ന പുരുഷന്മാര്‍ തങ്ങളുടെ പുത്രന്മാരേയും പുത്രിമാരേയും നഷ്ടപ്പെട്ട വേദനയില്‍ അവനെ കല്ലെറിയണമെന്നുകൂടെ പറയുകയുണ്ടായി. എന്നാല്‍ ദാവീദോ തന്‍റെ ദൈവമായ യഹോവയില്‍ ധൈര്യപ്പെട്ടു. (1 ശമുവേല്‍ 30:6).
നിരാശകള്‍ തന്നെ തളര്‍ത്തിക്കളയുവാന്‍ ദാവീദ് അനുവദിച്ചില്ല എന്ന കാര്യം ശ്രദ്ധിക്കുക. മറിച്ച്, ദൈവത്തില്‍ തന്നെത്തന്നെ ഉത്സാഹിപ്പിക്കാനും ബലപ്പെടുത്തുവാനും അവന്‍ തീരുമാനിച്ചു. നിങ്ങളെ സാഹായിക്കുവാനും നിങ്ങളുടെ കരങ്ങളില്‍ പിടിക്കുവാനും ആരുതന്നെ ഇല്ലാതിരിക്കുന്ന സമയങ്ങള്‍ ഉണ്ടാകും; അങ്ങനെയുള്ള സന്ദര്‍ഭങ്ങളിലാണ്, ഒരിക്കലും എഴുന്നേല്‍ക്കുവാന്‍ കഴിയാത്ത നിലയിലേക്ക് അനേകരും വീണുപോയിട്ടുള്ളത്. നിങ്ങളുടെ കഥ ഇങ്ങനെ ആയിരിക്കുകയില്ല എന്ന് ഞാന്‍ പ്രവചിക്കുന്നു. എഴുന്നേല്‍ക്കുക! നിങ്ങളെത്തന്നെ കര്‍ത്താവില്‍ ബലപ്പെടുത്തുക.
ദാവീദ് തന്നെത്തന്നെ കര്‍ത്താവില്‍ ബലപ്പെടുത്തിയപ്പോള്‍ തന്‍റെ ആളുകള്‍ അവനിലേക്ക്‌ വന്നു എന്നത് പ്രധാനപ്പെട്ട കാര്യമാകുന്നു. എപ്പോഴും ഓര്‍ക്കുക, നിങ്ങള്‍ നിങ്ങളെത്തന്നെ കര്‍ത്താവില്‍ ബലപ്പെടുത്തുമ്പോള്‍, ആ ബലം വ്യാപിക്കുവാനായി തുടങ്ങും. അത് നിങ്ങള്‍ക്ക് ചുറ്റുമുള്ള സകലരേയും സകാരാത്മകമായി ബാധിക്കുകയും ചെയ്യും.
ദാവീദ് എങ്ങനെയാണ് കര്‍ത്താവില്‍ ബലപ്പെട്ടത്‌ എന്നതിനെക്കുറിച്ച് വേദപുസ്തകം വ്യക്തമാക്കുന്നില്ല. ഒരുപക്ഷേ, അവന്‍ തന്‍റെ വീണ എടുത്തുകൊണ്ട് ഏകാന്തമായ ഒരു സ്ഥലത്തേക്ക് പോയി സ്തുതി ഗീതങ്ങള്‍ ആലപിച്ചുകൊണ്ട് കര്‍ത്താവിനെ ആരാധിച്ചു കാണും. ആ സമയത്ത് പാട്ടുകള്‍ പാടുവാന്‍ ദാവീദിന് തോന്നിയില്ലായിരിക്കാം, എന്നാല്‍ എന്തായാലും അവന്‍ അങ്ങനെ ചെയ്തു.
നിങ്ങള്‍ക്ക് ചുറ്റുമുള്ള നകാരാത്മകമായ സാഹചര്യങ്ങളെ പുകഴ്ത്തുന്നതിനെ നിരസിക്കണം. പകരം, കര്‍ത്താവിനെ ഉയര്‍ത്തണം. ഒരു ഹെഡ്ഫോണ്‍ ഉപയോഗിച്ചു ചില ആരാധനാ ഗാനങ്ങള്‍ പാടുകയും, അവന്‍റെ നാമത്തെ ഉയര്‍ത്തുകയും ചെയ്യുക. അല്ലെങ്കില്‍ നിങ്ങള്‍ക്ക് നിങ്ങളുടെ വേദപുസ്തകം തുറന്ന് അതില്‍നിന്നും നിങ്ങളെ ശക്തീകരിക്കുന്ന ഒരു വചനഭാഗം വായിക്കുവാന്‍ സാധിക്കും. ദൈവവചനം വായിക്കുമ്പോള്‍ നിങ്ങളുടെ ആത്മീക മനുഷ്യന്‍ നിങ്ങളുടെ സ്വരം പിടിച്ചെടുക്കും, അങ്ങനെ നിങ്ങളുടെ ആത്മീക മനുഷ്യനില്‍ വിശ്വാസം വര്‍ദ്ധിക്കുവാന്‍ ഇടയായിത്തീരും. (റോമര്‍ 10:17).
ഒരു വലിയ ദൈവമനുഷ്യന്‍ ഒരിക്കല്‍ ഇങ്ങനെ പറഞ്ഞു, "നിങ്ങള്‍ ദൈവത്തെ വലിയതാക്കുമ്പോള്‍, നിങ്ങള്‍ നിങ്ങളുടെ പ്രശ്നങ്ങളെ ചെറുതാക്കുകയാണ് ചെയ്യുന്നത്.". അത് ശക്തിയേറിയതാണ്, ശരിയല്ലേ? ഈ രീതിയില്‍ നിങ്ങള്‍ക്ക് നിങ്ങളെത്തന്നെ കര്‍ത്താവില്‍ ബാലപ്പെടുത്തുവാന്‍ സാധിക്കും. വിജയം വേഗത്തില്‍ നിങ്ങളുടേതായിത്തീരും! നിങ്ങളുടെ സാക്ഷ്യം കേള്‍ക്കുവാന്‍ വേണ്ടി ഞാന്‍ കാത്തിരിക്കയാണ്‌.
Bible Reading: Palms 134-142
പ്രാര്‍ത്ഥന
കൃപയുള്ള പിതാവേ, അങ്ങ് മാത്രം എന്‍റെ പ്രത്യാശയും ബലവും ആകുന്നതിനാല്‍ ഞാന്‍ നന്ദി പറയുന്നു. അവിടുന്ന് എന്നെ ഒരിക്കലും കൈവിടുകയില്ല എന്ന് അറിഞ്ഞുകൊണ്ട് ഞാന്‍ അങ്ങയില്‍ ചാരുന്നു. യേശുവിന്‍റെ നാമത്തില്‍ ആമേന്‍.
Join our WhatsApp Channel
Most Read
● സ്ഥിരതയുടെ ശക്തി● ഇന്നത്തെ സമയങ്ങളില്‍ ഇതു ചെയ്യുക
● ഒരു പുതിയ ഗണം
● ദൈവം എങ്ങനെയാണ് കരുതുന്നത് #1
● മഹത്വത്തിന്‍റെയും ശക്തിയുടേയും ഭാഷ - അന്യഭാഷ
● യൂദയുടെ ജീവിതത്തില്‍ നിന്നുള്ള പാഠങ്ങള്‍ - 1
● ആരുടെ വിവരണമാണ് നിങ്ങള്‍ വിശ്വസിക്കുന്നത്?
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2025 Karuna Sadan, India.