അനുദിനവും യേശു കണ്ടുമുട്ടിയിരുന്ന അഞ്ചു തരത്തിലുള്ള ആളുകള്‍ #3

ഒരുവന്‍ ശ്രദ്ധയോടെ ദൈവവചനം വായിക്കുമെങ്കില്‍, കൂട്ടംകൂടി യേശുവിനോട് ചേര്‍ന്നുനിന്നവരും ശിഷ്യന്മാരും തമ്മിലുള്ള അന്തരത്തെക്കുറിച്ച് വേദപുസ്തകം വ്യക്തമായി പറയുന്നു എന്ന് കാണുവാന്‍ സാധിക്കും. യോഗത്തില്‍ സംബന്ധിക്കുന്ന എല്ലാവരും ഒരു ശിഷ്യനായിരിക്കണമെന്നില്ല. 

താഴെ പറയുന്ന വചനഭാഗങ്ങള്‍ ഈ വ്യത്യാസങ്ങളെ വ്യക്തമായി നമ്മെ കാണിക്കുന്നു:
എന്നാൽ യേശു തന്‍റെ ശിഷ്യന്മാരെ അടുക്കെ വിളിച്ചു; ഈ പുരുഷാരം ഇപ്പോൾ മൂന്നു നാളുകളായി എന്നോടുകൂടെ പാർക്കുന്നു; അവർക്ക് ഭക്ഷിക്കുവാൻ ഒന്നും ഇല്ലാത്തതുകൊണ്ട് അവരെക്കുറിച്ച് എനിക്ക് മനസ്സലിവു തോന്നുന്നു; (മത്തായി 15:32).

അനന്തരം യേശു പുരുഷാരത്തോടും തന്‍റെ ശിഷ്യന്മാരോടും പറഞ്ഞത്. (മത്തായി 23:1).

അതിനിടെ ആയിരക്കണക്കിന് ജനങ്ങൾ യേശുവിന് ചുറ്റും തിങ്ങി കൂടി. പരസ്പരം ചവിട്ടേൽക്കത്തക്ക നിലയിൽ പുരുഷാരം തിക്കിത്തിരക്കുകയായിരുന്നു. അവൻ ആദ്യം ശിഷ്യന്മാരോട് പറഞ്ഞു തുടങ്ങിയത്: പരീശരുടെ പുളിച്ചമാവായ കപടഭക്തി സൂക്ഷിച്ചുകൊള്ളുവിൻ. (ലൂക്കോസ് 12:1).

ഈ വിഭാഗത്തിലുള്ള ആളുകളെ കുറിച്ചും ഒരു ശിഷ്യനായിരിക്കുക എന്നാല്‍ എന്താണ് എന്നതിനെ കുറിച്ചും ധാരാളം കാര്യങ്ങള്‍ പറയുവാന്‍ കഴിയും. എന്നിരുന്നാലും, മുന്തിനില്‍ക്കുന്ന ചുരുക്കം ചില കാര്യങ്ങളുണ്ട്:

1. ഈ വിഭാഗത്തില്‍പ്പെട്ട ആളുകള്‍ മറ്റെല്ലാ വിഭാഗങ്ങളില്‍ നിന്നും വ്യത്യസ്തമായ ഒരു ബന്ധം യേശുവുമായി അവര്‍ പങ്കുവെച്ചു. അവര്‍ക്ക് കര്‍ത്താവിനോടു നേരിട്ട് പ്രവേശനം ഉണ്ടായിരുന്നു.

2. ഉപദേശങ്ങളിലേക്കും മറ്റുള്ളവര്‍ക്ക് ഇല്ലാത്ത വിവരങ്ങളിലേക്കും അവര്‍ക്ക് അനുമതി ഉണ്ടായിരുന്നു. 

ഞാന്‍ പലപ്പോഴും ചോദിക്കുന്ന ഒരു ചോദ്യം എന്തെന്നാല്‍, "ഞാന്‍ മുടങ്ങാതെ യോഗങ്ങളില്‍ പങ്കെടുക്കുന്നുണ്ട്; ആള്‍ക്കൂട്ടത്തിന്‍റെ ഒരു ഭാഗമായിരിക്കുന്നതില്‍ നിന്നും ഒരു ശിഷ്യനിലേക്ക് എനിക്ക് എങ്ങനെ മാറുവാന്‍ സാധിക്കും?"

എന്നോടുകൂടെ ലൂക്കോസ് 8:19 നോക്കുക, "അവന്‍റെ അമ്മയും സഹോദരന്മാരും അവനെ കാണുവാനായി അടുക്കൽ വന്നു. എന്നാൽ പുരുഷാരം കാരണം അവന്‍റെ അടുക്കലേക്ക് വരുവാൻ കഴിഞ്ഞില്ല". (ലൂക്കോസ് 8:19).

ശ്രദ്ധിക്കുക, അവരെല്ലാവരും ആള്‍ക്കൂട്ടത്തിന്‍റെ ഭാഗമായിരുന്നു. ഇപ്പോള്‍ ആള്‍ക്കൂട്ടത്തില്‍ നിന്നും വ്യത്യസ്തരായി തങ്ങളെത്തന്നെ വേര്‍തിരിച്ചറിയണം എന്ന് അവര്‍ ആഗ്രഹിക്കുന്നു. യേശുവിനെ മുഖാമുഖം കണ്ടുമുട്ടുവാന്‍ അവര്‍ ആഗ്രഹിച്ചു.

നിന്‍റെ അമ്മയും സഹോദരന്മാരും നിന്നെ കാണ്മാൻ ആഗ്രഹിച്ചുകൊണ്ട് പുറത്തു നില്ക്കുന്നു എന്നു ചിലർ അവനോട് അറിയിച്ചു.(ലൂക്കോസ് 8:20).

കര്‍ത്താവായ യേശുവിന്‍റെ മറുപടി ശ്രദ്ധിക്കുക. മറ്റെല്ലാ വിഭാഗങ്ങളില്‍ നിന്നും മുമ്പോട്ടു പോയി ഒരു ശിഷ്യനായി മാറുവാന്‍ ഇത് പ്രധാനപ്പെട്ട ഒരു കാര്യമാണ്. ഇത് കര്‍ത്താവായ യേശുക്രിസ്തുവുമായുള്ള ബന്ധത്തില്‍ പ്രവേശിക്കുവാനും വളരുവാനുമായി ഇത് പ്രധാനപ്പെട്ട വസ്തുതയാണ്. 

എന്നാല്‍ അവന്‍ അവരോടു ഇങ്ങനെ മറുപടി പറഞ്ഞു, "അവരോട് അവൻ: ദൈവവചനം കേട്ട് അനുസരിക്കുന്നവർ എല്ലാം എന്‍റെ അമ്മയും സഹോദരന്മാരും ആകുന്നു എന്ന് ഉത്തരം പറഞ്ഞു". (ലൂക്കോസ് 8:21). 

നിരന്തരമായി ദൈവവചനം കേള്‍ക്കുന്നതും അത് നമ്മുടെ അനുദിന ജീവിതത്തില്‍ അനുഷ്ഠിക്കുകയും പ്രായോഗീക ജീവിതത്തില്‍ കൊണ്ടുവരികയും ചെയ്യുന്നത് നമ്മളെ കര്‍ത്താവുമായി ശരിയായതും ഏറ്റവും അടുത്തതുമായ ബന്ധത്തിലേക്ക് കൊണ്ടെത്തിക്കയും ചെയ്യും. ഇതാണ് നിങ്ങളെ ഒരു ശിഷ്യനാക്കി മാറ്റുന്നത്.