ദൈവവചനത്തിനു നിങ്ങളില്‍ ഇടര്‍ച്ച വരുത്തുവാന്‍ കഴിയുമോ?

ശിഷ്യന്മാര്‍ അതിനെച്ചൊല്ലി പിറുപിറുക്കുന്നതു യേശു തന്നില്‍ത്തന്നെ അറിഞ്ഞ് അവരോട്: "ഇത് നിങ്ങള്‍ക്ക്‌ ഇടര്‍ച്ച ആകുന്നുവോ?" (യോഹന്നാന്‍ 6:16)

യോഹന്നാന്‍ 6-ാം അദ്ധ്യായത്തില്‍, യേശു തന്നെത്തന്നെ സ്വര്‍ഗ്ഗത്തില്‍ നിന്നു വന്ന അപ്പം എന്ന് പറയുന്നു. തന്‍റെ മാംസവും രക്തവും ഒരു വ്യക്തിയെ നിത്യജീവനുവേണ്ടി പോഷിപ്പിക്കും എന്നും യേശു പറഞ്ഞിട്ടുണ്ട്. ഇത് പരീശന്മാരും സദൂക്യരും കേട്ടപ്പോള്‍ അവര്‍ക്ക് അത് അംഗീകരിക്കുവാന്‍ കഴിഞ്ഞില്ല, മാത്രമല്ല അത് അവരെ വല്ലാതെ വ്രണപ്പെടുത്തി. യേശുവിനെ അവര്‍ തെറ്റായ കാര്യങ്ങള്‍ പഠിപ്പിക്കുന്ന മതവിദ്വേഷി ആയി മുദ്രകുത്തി.

ആ സമയത്ത്, അവന്‍റെ ശിഷ്യന്മാര്‍ പലരും അതു കേട്ടിട്ട്: "ഇത് കഠിനവാക്ക്; ഇത് ആര്‍ക്കു കേള്‍പ്പാന്‍ കഴിയും എന്നു പറഞ്ഞു?" അന്നുമുതല്‍ അവന്‍റെ ശിഷ്യന്മാരില്‍ പലരും പിന്‍വാങ്ങിപ്പോയി, പിന്നെ അവനോടു കൂടെ സഞ്ചരിച്ചില്ല എന്നും വചനം പറയുന്നു. (യോഹന്നാന്‍ 6: 60, 66)

അവന്‍റെ ഏറ്റവും അടുത്ത ശിഷ്യന്മാര്‍ പോലും ഇടര്‍ച്ചയുടെ വക്കില്‍ എത്തുവാന്‍ ഇടയായി. അതുകൊണ്ടാണ് യേശു അവരോടു ചോദിച്ചത്, "ഇത് നിങ്ങള്‍ക്ക്‌ ഇടര്‍ച്ച ആകുന്നുവോ?" എന്ന്.

നിങ്ങള്‍ക്ക്‌ ഇടര്‍ച്ച എന്ന് തോന്നുന്ന എന്തെങ്കിലും ഒക്കെ ദൈവവചനത്തില്‍ എപ്പോഴും ഉണ്ടാകും എന്നുള്ളതാണ് സത്യം. ഞാന്‍ ഒരിക്കല്‍ ക്ഷമിക്കുന്നതിനെ കുറിച്ച് പ്രസംഗിച്ചപ്പോള്‍ ആളുകളുടെ ഇടയില്‍ ഉണ്ടായിരുന്ന ഒരു വ്യക്തി എന്നെ കളിയാക്കിയത് ഞാന്‍ ഓര്‍ക്കുന്നു. എന്നിരുന്നാലും, ആ ദിവസം ഞാന്‍ പ്രസംഗിച്ച വചനം അദ്ദേഹത്തെ കുറ്റപ്പെടുത്തികൊണ്ടിരുന്നു, അങ്ങനെ തന്‍റെ ജീവിതം കര്‍ത്താവിനായി താന്‍ സമര്‍പ്പിച്ചു. ഇന്ന് ആ മനുഷ്യന്‍ ഞങ്ങളുടെ സഭയിലെ ഒരു അംഗമാണ്.

നമ്മുടെ പാരമ്പര്യങ്ങള്‍ക്കും വികാരങ്ങള്‍ക്കും അനുസൃതമല്ലാത്ത സത്യങ്ങള്‍ ആരെങ്കിലും നാമുമായി പങ്കുവെക്കുമ്പോള്‍, അത് നമ്മെ മുറിപ്പെടുത്തുകയും ഇടര്‍ച്ച ഉണ്ടാക്കുകയും ചെയ്യുന്നു. ഇത് ദൈവവചനത്തില്‍ ഉള്ളതാണെന്ന് കണ്ടുകൊണ്ട് കൂടുതല്‍ മനസ്സിലാക്കുന്നതിനായി പരിശുദ്ധാത്മാവിനോട് ചോദിക്കേണ്ടതിനു പകരം നാം പലപ്പോഴും ഇടറിപ്പോകുന്നു.

വചനം ജഡമായി തീര്‍ന്നതാണ് യേശു, അവന്‍ പറഞ്ഞിരിക്കുന്നത് ശ്രദ്ധിക്കുക, "എന്നാല്‍ എങ്കല്‍ ഇടറിപ്പോകാത്തവന്‍ എല്ലാം ഭാഗ്യവാന്‍ എന്നുത്തരം പറഞ്ഞു" (മത്തായി 11:6). ദൈവവചനം നിങ്ങളെ ഇടറിപോകുവാന്‍ നിങ്ങള്‍ അനുവദിക്കരുത് പകരം ദൈവവചനം നിങ്ങളെ രൂപപ്പെടുത്തുന്നതിനു അനുവദിക്കുക, അപ്പോള്‍ നിങ്ങള്‍ അനുഗ്രഹിക്കപ്പെടും.

Bible Reading: Hosea 11-14; Joel 1