ആത്മീകമായ ദീര്‍ഘദൂരയാത്ര

യേശുവിനെ അനുഗമിക്കുന്ന ഓരോരുത്തരും ശിഷ്യത്വത്തിനു മുന്‍ഗണന കൊടുക്കുന്നു എന്നു ഉറപ്പുവരുത്തണം. യേശുവിനെ അനുഗമിക്കുന്നതില്‍ ഒരു വില കൊടുക്കേണ്ടതുണ്ട് എന്ന് ദൈവവചനം വ്യക്തമായി നമ്മെ പഠിപ്പിക്കുന്നു (വലിയ വിലയുള്ള മുത്ത്‌).

²⁸നിങ്ങളില്‍ ആരെങ്കിലും ഒരു ഗോപുരം പണിവാന്‍ ഇച്ഛിച്ചാല്‍ ആദ്യം ഇരുന്ന് അതു തീര്‍പ്പാന്‍ വക ഉണ്ടോ എന്നു കണക്കു നോക്കുന്നില്ലയോ? ²⁹ അല്ലെങ്കില്‍ അടിസ്ഥാനം ഇട്ടശേഷം തീര്‍പ്പാന്‍ വകയില്ല എന്നു വന്നേക്കാം; കാണുന്നവര്‍ എല്ലാം: ³⁰ ഈ മനുഷ്യന്‍ പണിവാന്‍ തുടങ്ങി, തീര്‍പ്പാനോ വകയില്ല എന്നു പരിഹസിക്കുമല്ലോ. ³¹ അല്ല, ഒരു രാജാവ് മറ്റൊരു രാജാവിനോടു പട ഏല്പാന്‍ പുറപ്പെടുംമുമ്പേ ഇരുന്ന്, ഇരുപതിനായിരവുമായി വരുന്നവനോട് താന്‍ പതിനായിരവുമായി എതിര്‍പ്പാന്‍ മതിയോ എന്ന് ആലോചിക്കുന്നില്ലയോ? ³² പോരാ എന്നു വരികില്‍ മറ്റവന്‍ ദൂരത്തിരിക്കുമ്പോള്‍തന്നെ സ്ഥാനാപതികളെ അയച്ചു സമാധാനത്തിനായി അപേക്ഷിക്കുന്നു. ³³അങ്ങനെതന്നെ നിങ്ങളില്‍ ആരെങ്കിലും തനിക്കുള്ളതൊക്കെയും വിട്ടുപിരിയുന്നില്ല എങ്കില്‍ അവനു എന്‍റെ ശിഷ്യനായിരിപ്പാന്‍ കഴികയില്ല. (ലൂക്കോസ് 14:28-33).

ഒരിക്കലും ഇനി വില കൊടുക്കേണ്ടതില്ല എന്ന് ഇപ്പോള്‍ തെറ്റായി പഠിപ്പിക്കുന്ന ചിലരെങ്കിലും കാണുമായിരിക്കും. അതേ! രക്ഷ സൌജന്യമാണ്, നമ്മുടെ രക്ഷ നേടുവാന്‍ നമുക്ക് ഒന്നുംതന്നെ ചെയ്യുവാന്‍ കഴിയുകയില്ല. എന്നിരുന്നാലും, അപ്പോസ്തലനായ പൌലോസ് വ്യക്തമായി പറഞ്ഞു, "നിങ്ങളുടെ രക്ഷയ്ക്കായി പ്രവര്‍ത്തിപ്പിന്‍". (ഫിലിപ്പിയര്‍ 2:12).

നാം ഇത് ചെയ്യുന്നത് ശുദ്ധീകരണ പ്രക്രിയയില്‍ സജീവമായി അനുസരണത്തെ പിന്‍പറ്റുന്നതിനാലാണ്. അവന്‍ തന്നെത്തന്നെ വിശദീകരിക്കുന്നത് ക്രിസ്തുവിനെപോലെ ആകുന്നതിനു

"ആയാസപ്പെടുന്നു" അതുപോലെ "ആഞ്ഞുംകൊണ്ട്" ഓടുന്നു എന്നാണ്. (ഫിലിപ്പിയര്‍ 3:13-14).

ഒരു കൊച്ചുകുട്ടി ആയിരിന്നപ്പോള്‍ ടെലിവിഷനില്‍ ഞാന്‍ ചില സമയങ്ങളില്‍ കണ്ടുകൊണ്ടിരുന്ന ശാസ്ത്രീയ കല്പിതകഥയുടെ ഒരു പരമ്പരയുണ്ടായിരുന്നു. അതിന്‍റെ പേര് 'സ്റ്റാര്‍ ട്രെക്ക്' എന്നായിരുന്നു, ഈ ആളുകള്‍ എങ്ങനെ ഇത്രയും ദൂരം ശൂന്യാകാശത്തില്‍ സഞ്ചരിക്കുന്നു എന്ന് പലപ്പോഴും ഞാന്‍ ആശ്ചര്യപ്പെട്ടിട്ടുണ്ട്. ഈ അടുത്ത കാലത്ത് ഞാന്‍ അതിനെകുറിച്ച് ചിന്തിക്കുകയും എന്നോടുതന്നെ ഇങ്ങനെ പറയുകയും ചെയ്തു; ആത്മീക മണ്ഡലത്തില്‍ വളരെ ദൂരത്തില്‍ നാം സഞ്ചരിക്കേണ്ടതും സൂക്ഷ്മനിരീക്ഷണം നടത്തേണ്ടതും ആവശ്യമാണ്‌; കാരണം കാണുവാനും, കേള്‍ക്കുവാനും, അനുഭവിക്കുവാനും അവിടെ ധാരാളം ഉണ്ട്.

ആത്മാവിന്‍റെ മണ്ഡലത്തില്‍ അത്ഭുതകരമായ വെളിപ്പാടുകള്‍ ഉണ്ട്, എന്നാല്‍ അത് ഉപയോഗിക്കുവാന്‍ നമുക്ക് വില കൊടുക്കേണ്ടത് ആവശ്യമാണ്‌. അപ്പോസ്തലനായ പൌലോസ് കര്‍ത്താവുമായുള്ള തന്‍റെ ആദ്യത്തെ കൂടികാഴ്ചയ്ക്ക് ശേഷം ഈ ആത്മീക മണ്ഡലത്തില്‍ ആഴമായി പ്രവേശിക്കേണ്ടതിനു അറേബ്യയിലെ മരുഭൂമിയില്‍ സമയം ചിലവഴിക്കുവാന്‍ താന്‍ ബുദ്ധിയോടെ തീരുമാനിച്ചു.(ഗലാത്യര്‍ 1:7).

കൃപയുടെ സിംഹാസനത്തില്‍ നിന്നും പ്രാപിക്കുവാനായി കാത്തിരിക്കുന്ന കൃത്യമായ പദ്ധതികളും, ആലോചനകളും, പ്രാവചനീക വചനങ്ങളും, കൂടുതല്‍ ആത്മീക ഗീതങ്ങളും, വലിയ അഭിഷേകങ്ങളും, ആത്മാവിന്‍റെ വരങ്ങളും ഉണ്ട്.

ലൂക്കോസ് 1:37 പറയുന്നു, "ദൈവത്തിന് ഒരു കാര്യവും അസാധ്യമല്ലല്ലോ". ശ്രദ്ധിക്കുക, "ദൈവത്തിലേക്ക് ഒരു കാര്യവും അസാധ്യമല്ല" എന്നല്ല ഇത് പറയുന്നത്, പിന്നെയോ ഇത് പറയുന്നത്, "ദൈവത്തിന് ഒരു കാര്യവും അസാധ്യമല്ലല്ലോ" എന്നാണ്. അതുകൊണ്ട് ഇത് അര്‍ത്ഥമാക്കുന്നത് ദൈവത്തോടുകൂടെ നടക്കുന്നവര്‍ക്ക്, ഒന്നുംതന്നെ അസാധ്യമാകുകയില്ല എന്നാണ്. (ലൂക്കോസ് 1:37). നമുക്ക് ആവശ്യമുള്ളത് ആത്മീക മണ്ഡലത്തില്‍ ഒരു ദീര്‍ഘദൂര യാത്രയാണ്. പരിശുദ്ധാത്മാവിന്‍റെ മണ്ഡലത്തില്‍ സഞ്ചരിക്കുവാനുള്ള ഉദ്യമത്തിനായി നാം ധൈര്യമായി ഇറങ്ങുകയും ആ ദൈവമഹത്വത്തിന്‍റെ ആഴമായ മണ്ഡലത്തില്‍ വെളിപ്പെടുകയും വേണം. ആ വിളി നിങ്ങള്‍ ശ്രദ്ധിക്കുമോ?

Bible Reading: Isaiah 57-60

പിതാവേ, ഞാനും എന്‍റെ കുടുംബവും ഞങ്ങള്‍ ആ വില മതിക്കുന്നു. അങ്ങയുടെ ആത്മാവിന്‍റെ ആഴമായ മണ്ഡലത്തില്‍ ഇറങ്ങുവാന്‍ ഞങ്ങളെ സഹായിക്കേണമേ. യേശുവിന്‍റെ നാമത്തില്‍, ആമേന്‍.