ദുഷ്ട ചിന്തകളിന്മേലുള്ള പോരാട്ടം ജയിക്കുക

അവരുടെ ചിന്തകളുടെ ഫലം (യിരെമ്യാവ് 6:19). ദൈവം നമ്മുടെ ചിന്തകളെക്കുറിച്ച് വളരെയധികം കരുതല്‍ ഉള്ളവനാണ്. പ്രധാനപ്പെട്ട കാരണങ്ങളില്‍ ഒന്ന് നാം ചെയ്യുന്ന സകലത്തിന്‍റെയും പിമ്പില്‍ ഒരു ചിന്തയുണ്ട് - അത് നല്ലതായാലും ദോഷമായാലും.

#1: ചിന്തകള്‍ നമ്മുടെ ജീവിതത്തെ നിയന്ത്രിക്കുന്നു.

"സകലജാഗ്രതയോടുംകൂടി നിന്‍റെ ഹൃദയത്തെ കാത്തുകൊള്ളുക; ജീവന്‍റെ ഉത്ഭവം അതിൽനിന്നല്ലയോ ആകുന്നത്". (സദൃശ്യവാക്യങ്ങള്‍ 4:23).

നിങ്ങൾ ഒരു കൊച്ചു കുട്ടിയോ, യ്യൗവ്വനപ്രായത്തിലോ ആയിരുന്നപ്പോൾ, നിങ്ങൾ ഒരു പരാജയമാണെന്ന്, ഒന്നിനും കൊള്ളാത്തവർ ആണെന്ന് ചിലർ നിരന്തരമായി പറഞ്ഞിട്ടുണ്ടാകാം. നിങ്ങൾ ആ ചിന്ത സ്വീകരിച്ചിട്ടുണ്ടെങ്കിൽ, അത് തെറ്റായിരുന്നു എങ്കിൽ പോലും അത് നിങ്ങളുടെ ജീവിതം രൂപപ്പെടുത്തിയിട്ടുണ്ട്.

#2. നമ്മുടെ മനസ്സാണ് യഥാർത്ഥ യുദ്ധഭൂമി.
ആരോ ഒരാൾ കൃത്യമായി പറഞ്ഞു, "ക്രിസ്തീയ ജീവിതം ഒരു കളിസ്ഥലമല്ല മറിച്ച് ഒരു യുദ്ധക്കളമാണ്". ഈ യുദ്ധക്കളം ഏതെങ്കിലും ഒരു രാജ്യത്തിലല്ല മറിച്ച് നമ്മുടെ മനസ്സിന്‍റെ അകത്താണ്. അനേകരും മാനസീകമായി ക്ഷീണിച്ചവരും തളര്‍ന്നവരും ആകുന്നു, തീവ്രമായ മാനസീക പിരിമുറുക്കത്തിലൂടെ അവര്‍ കടന്നുപോകുന്നതുകൊണ്ട്‌ കൈവിട്ടു കളയുന്നതിന്‍റെ വക്കില്‍ എത്തിനില്‍ക്കുകയാണ് പലരും. നിങ്ങളുടെ മനസ്സ് മഹത്വകരമായ സമ്പത്താണ്‌, സാത്താന്‍ ആ മഹത്വകരമായ സമ്പാദ്യത്തെ കവരുവാന്‍ ആഗ്രഹിക്കുന്നു. 

ശ്രദ്ധിക്കുക, മനുഷ്യരുടെ ഹൃദയങ്ങളില്‍ നിന്നും പുറപ്പെടുന്ന ദോഷകരമായ ചിന്തകളാണ് മനുഷ്യരെ അശുദ്ധമാക്കുന്നതെന്ന് കര്‍ത്താവായ യേശു പ്രസ്താവിച്ചിട്ടുണ്ട്.

അകത്തുനിന്ന്, മനുഷ്യരുടെ ഹൃദയത്തിൽനിന്ന് തന്നേ, ദുശ്ചിന്ത, വ്യഭിചാരം, പരസംഗം, കുലപാതകം, മോഷണം, അത്യാഗ്രഹം, ദുഷ്ടത, ചതി, ദുഷ്കാമം, വിടക്കുകണ്ണ്, ദൂഷണം, അഹങ്കാരം, മൂഢത എന്നിവ പുറപ്പെടുന്നു. ഈ ദോഷങ്ങൾ എല്ലാം അകത്തുനിന്ന് പുറപ്പെട്ടു മനുഷ്യനെ അശുദ്ധനാക്കുന്നു” എന്നും അവൻ പറഞ്ഞു. (മര്‍ക്കൊസ് 7:21-23).

#3 : സമാധാനത്തിലേക്കുള്ള പ്രധാന മാര്‍ഗ്ഗം നിങ്ങളുടെ മനസ്സാണ്.
സ്ഥിരമാനസൻ നിന്നിൽ ആശ്രയം വച്ചിരിക്കുകകൊണ്ടു അവിടുന്നു അവനെ പൂർണ്ണസമാധാനത്തിൽ കാക്കുന്നു. (യെശയ്യാവ് 26:3). നമ്മുടെ ചിന്തകള്‍ സാഹചര്യങ്ങളില്‍ അര്‍പ്പിക്കാതെ ദൈവത്തില്‍ ഉറപ്പിക്കുമ്പോള്‍ പൂര്‍ണ്ണസമാധാനം നമ്മില്‍ യാഥാര്‍ത്ഥ്യമായി മാറും എന്ന് മനസ്സിലാക്കുക. പ്രാര്‍ത്ഥനയിലൂടെയും ആരാധനയിലൂടെയും നിങ്ങളുടെ മനസ്സിനെ ദൈവത്തില്‍ ഉറപ്പിക്കുവാന്‍ കഴിയും.

അതുപോലെ, മനസ്സിന്‍റെ യുദ്ധം ജയിക്കുവാന്‍, ദൈവത്തെ പ്രസാദിപ്പിക്കുന്ന കാര്യങ്ങള്‍കൊണ്ട് നിങ്ങളുടെ മനസ്സിനെ നിറയ്ക്കുക. ഇതുകൊണ്ടാണ് ദൈവവചനം വായിക്കയും ധ്യാനിയ്ക്കയും ചെയ്യുന്നത് വളരെ പ്രധാന്യമായിരിക്കുന്നത്. ആരോ എന്നോടു ചോദിച്ചു ഒരു ദിവസം ഞാന്‍ എത്ര അദ്ധ്യായം വായിക്കണം? രുചികരമായ ആഹാരം ഉണ്ടെങ്കില്‍, നമ്മില്‍ ഭൂരിഭാഗം പേരും വയറു നിറയുന്നതുവരെ അത് കഴിയ്ക്കും. അതുപോലെതന്നെയാണ് നിങ്ങള്‍ ദൈവവചനവും ധ്യാനിക്കേണ്ടത്. ആത്മാവില്‍ സംതൃപ്തി അനുഭവിക്കുന്നതുവരെ നിങ്ങള്‍ വചനം വായിക്കുക.

നിങ്ങളുടെ ജീവിതം യേശുക്രിസ്തുവിനായി പൂര്‍ണ്ണമായി സമര്‍പ്പിച്ചുകൊണ്ട് - മനസ്സ് ഉള്‍പ്പെടെ - ഇന്നുതന്നെ അത് ആരംഭിക്കുക. നിങ്ങള്‍ ജയത്തില്‍ നടക്കും.

Bible Reading: Jeremiah 46-48

യേശുവിന്‍റെ രക്തത്താല്‍ ഞാന്‍ എന്‍റെ ചിന്തകളെ മറയ്ക്കുന്നു. ദുഷ്ട ചിന്തകളെ ശ്രദ്ധയില്‍ കൊണ്ടുവരുവാന്‍ ശ്രമിയ്ക്കുന്ന സകല ശക്തികളേയും യേശുവിന്‍റെ നാമത്തില്‍ ഞാന്‍ ബന്ധിക്കുന്നു. എന്നെ അശുദ്ധമാക്കുവാന്‍ ശ്രമിക്കുന്ന എല്ലാ ശക്തികളും യേശുവിന്‍റെ നാമത്തില്‍ അഗ്നിയാല്‍ കരിഞ്ഞുപോകട്ടെ. ഞാന്‍ അനുദിനവും ദൈവവചനം ധ്യാനിയ്ക്കും. ദൈവവചനം എന്‍റെ മനസ്സില്‍ നിറയ്ക്കുവാന്‍ ഞാന്‍ അനുവദിക്കും. യേശുവിന്‍റെ നാമത്തില്‍. ആമേന്‍.