ഒരു സ്വപ്നം ദൈവത്തിങ്കല്‍ നിന്നാണോ എന്ന് എങ്ങനെ അറിയാം

രാജാവ് പ്രധാനപൂജാഗിരിയായ ഗിബെയോനിൽ യാഗം കഴിക്കുവാൻ പോയി; അവിടെയുള്ള യാഗപീഠത്തിന്മേൽ ശലോമോൻ ആയിരം ഹോമയാഗം അർപ്പിച്ചു. ഗിബെയോനിൽവെച്ച് യഹോവ രാത്രിയിൽ ശലോമോന് സ്വപ്നത്തിൽ പ്രത്യക്ഷനായി; “നിനക്ക് എന്ത് വേണമെന്ന് ചോദിച്ചു കൊൾക” എന്ന് ദൈവം അരുളിച്ചെയ്തു. (1 രാജാക്കന്മാര്‍ 3:4-5).

ദൈവം നമ്മോടു സംസാരിക്കുന്ന മാര്‍ഗ്ഗങ്ങളില്‍ ഒന്ന് സ്വപ്നങ്ങള്‍ ആകുന്നു. യിസ്രായേലിന്‍റെ രാജാക്കന്മാരില്‍ മഹാനായിരുന്ന ശലോമോന്, വളരെ പ്രധാനപ്പെട്ട ഒരു സ്വപ്നം ഉണ്ടാവുകയും അതിലൂടെ ദൈവം തന്നോടു അക്ഷരീകമായി സംസാരിക്കയും ചെയ്തു. ഈ സ്വപ്നം തന്‍റെ ജീവിതത്തേയും യിസ്രായേല്‍ രാജ്യത്തേയും വളരെയധികം സ്വാധീനിച്ചു.

സ്വപ്‌നങ്ങള്‍ പ്രധാനപ്പെട്ടവയാണ് കാരണം സ്വപ്നത്തില്‍ കൂടിയാണ് ആത്മീക കൈമാറ്റങ്ങള്‍ നടക്കുന്നത്. സ്വപ്നങ്ങളില്‍ കൂടി ആത്മീക വരങ്ങളും നല്കപ്പെടുവാന്‍ ഇടയുണ്ട്, ഇങ്ങനെ ശലോമോന്‍ ജ്ഞാനത്തിന്‍റെ വചനവും, വിവേചന വരവും വലിയ അളവില്‍ പ്രാപിക്കുവാന്‍ ഇടയായി.

ഞാന്‍ പലപ്പോഴും ചോദിക്കുന്ന ചോദ്യങ്ങളില്‍ ഒന്ന്, "ദൈവം നിങ്ങളോടു സംസാരിക്കുമ്പോള്‍ അത് ദൈവമാണെന്ന് നിങ്ങള്‍ക്ക്‌ പറയുവാന്‍ കഴിയുന്നത്‌ എങ്ങനെയാണ്? ചില സമയങ്ങളില്‍ ഇത് വളരെ വ്യക്തമായിരിക്കും, മറ്റുള്ള സമയങ്ങളില്‍ അത് അങ്ങനെയാകണമെന്നില്ല".

ഒരു സ്വപ്നം ദൈവത്തിങ്കല്‍ നിന്നുള്ളതാണോ എന്നറിയുവാനുള്ള ഒരുവഴി നിങ്ങള്‍ ഉണര്‍ന്നശേഷവും ആ സ്വപ്നം വിശദമായിത്തന്നെ നിങ്ങള്‍ ഓര്‍ത്തിരിക്കും എന്നുള്ളതാണ്. ദൈവം ഒരു സ്വപ്നത്തില്‍ കൂടി നമ്മോടു സംസാരിക്കുവാന്‍ ആഗ്രഹിക്കുമ്പോള്‍, തീര്‍ച്ചയായിട്ടും, നാം അത് വ്യക്തമായി ഓര്‍ത്തിരിക്കും. പലസമയങ്ങളിലും, ഒരു സ്വപ്നത്തിന്‍റെ കുറച്ചുമാത്രം അഥവാ അതിന്‍റെ ഒരുഭാഗം മാത്രം ഞാന്‍ ഓര്‍ത്തിരിക്കും, എന്നാല്‍ ആ സ്വപ്നം മുഴുവനും വിശദമായി ഞാന്‍ ഓര്‍ത്തിരിക്കുമ്പോള്‍, ഞാന്‍ അധികം ശ്രദ്ധ കൊടുക്കും കാരണം അതിലൂടെ ദൈവം എന്നോടു സംസാരിക്കുക ആയിരിക്കാം.

മറ്റു സമയങ്ങളില്‍, നിങ്ങള്‍ക്ക്‌ ഒരേ സ്വപ്നം വീണ്ടും വീണ്ടും ലഭിച്ചേക്കാം. നിങ്ങളുടെ ശ്രദ്ധ കിട്ടുവാന്‍ ദൈവം പരിശ്രമിക്കുമ്പോള്‍, നിങ്ങളുടെ ശ്രദ്ധ എങ്ങനെയാണ് കിട്ടുകയെന്നു അവനു തീര്‍ച്ചയായും അറിയാം.

ഉല്‍പത്തി 41:1-15ല്‍, ഫറവോനു ഒരു സ്വപ്നം ഉണ്ടായി, ആ സ്വപ്നത്തില്‍, അവന്‍ വീണ്ടും ഉറക്കത്തിലേക്ക് പോകുകയും മറ്റൊരു സ്വപ്നം കാണുകയും ചെയ്തു. സ്വപ്നം കഴിഞ്ഞശേഷം ഫറവോന്‍ ഉറക്കമുണര്‍ന്നു." ദൈവം ഫറവോന്‍റെ ശ്രദ്ധ നേടിയെടുക്കുവാന്‍ പരിശ്രമിക്കുന്ന, വേദപുസ്തകത്തില്‍ പറഞ്ഞിട്ടുള്ള ആവര്‍ത്തിച്ചുള്ള സ്വപ്നങ്ങള്‍ക്ക് ഒരു ഉദാഹരണമണിത്.

ഫറവോന്‍ ഒരു നീതിമാനായ മനുഷ്യന്‍ അല്ലായിരുന്നു, എന്നിട്ടും ദൈവം ഒരു സ്വപ്നത്തില്‍കൂടി അവനോടു സംസാരിച്ചു. ഇത് ഒരു സാധാരണ സ്വപ്നം അല്ലായിരുന്നു എന്ന് അവന്‍ അറിഞ്ഞിരുന്നു അതുകൊണ്ട് അതിന്‍റെ ഉത്തരത്തിനായി അവന്‍ അന്വേഷിച്ചു. ദൈവത്തിനു മാത്രം അറിയാവുന്ന ആ കാര്യം വ്യാഖ്യാനിച്ചുകൊടുക്കുവാന്‍ യോസേഫ് എന്നൊരു ദൈവമനുഷ്യനെ അവന്‍ കണ്ടെത്തുന്നു.

"അവർ അവനോട്: “ഞങ്ങൾ സ്വപ്നം കണ്ടു; വ്യാഖ്യാനിച്ചുതരുവാൻ ആരുമില്ല” എന്നു പറഞ്ഞു. യോസേഫ് അവരോട്: “സ്വപ്നവ്യാഖ്യാനം ദൈവത്തിന്നുള്ളതല്ലയോ? അത് എന്നോട് പറയുവിൻ” എന്നു പറഞ്ഞു". (ഉല്‍പത്തി 40:8).

ചില സമയങ്ങളില്‍ സ്വപ്‌നങ്ങള്‍ ആശയകുഴപ്പം ഉണ്ടാക്കുന്നതാണ്. അങ്ങനെയുള്ള സമയങ്ങളില്‍, ചെയ്യുവാന്‍ കഴിയുന്ന ഏറ്റവും നല്ല കാര്യം ദൈവം പറയുന്ന കാര്യം കാണിച്ചുത്തരുവാന്‍ ദൈവത്തോടു അപേക്ഷിക്കുക എന്നുള്ളതാണ്; സ്വപ്നം ദൈവത്തിങ്കല്‍ നിന്നുള്ളതാണെങ്കില്‍, ആ സ്വപ്നം ഉറപ്പിക്കുവാന്‍ നിങ്ങള്‍ക്ക്‌ ഒരു വചനമോ അഥവാ ഒരു ഗാനമോ ലഭിക്കുന്നതാണ്.

സ്വപ്നങ്ങളുടെ ആത്മീക അര്‍ത്ഥങ്ങളെ കുറിച്ച് കൂടുതല്‍ അറിയുവാന്‍ വേണ്ടി:
നിങ്ങളുടെ സ്വപ്നങ്ങളെ മനസ്സിലാക്കുക (നോഹ ആപ്പിലെ ഇ ബുക്ക്‌)
നോഹ ആപ്പിലെ സ്വപ്ന നിഘണ്ടു എന്നിവ കാണുക.