നിങ്ങളുടെ മുന്നേറ്റത്തെ തടയുവാന്‍ സാദ്ധ്യമല്ല

വളരെ ദൂരെയായിരിക്കുന്നു എന്ന് തോന്നുമ്പോള്‍, തകര്‍ന്നുപോകുവാനും സ്വയ സഹതാപത്തില്‍ കിടന്നുരുളുവാനും സൌകര്യപ്രദമായ മറ്റു കാര്യങ്ങളില്‍ ആയിരിപ്പാനും എളുപ്പമാണ്.

അനേക വര്‍ഷങ്ങള്‍ക്കു മുമ്പുള്ള ഒരു കാര്യം ഞാന്‍ സ്പഷ്ടമായി ഓര്‍ക്കുന്നുണ്ട്, എന്‍റെ പിതാവ് എന്നെ മംഗലാപുരത്തുള്ള ഒരു പാറമടയിലേക്ക് കൂട്ടിക്കൊണ്ടുപോയി, അത് ഞങ്ങളുടെ വീടിന്‍റെ ഏകദേശം അടുത്തായിരുന്നു. ഞങ്ങള്‍ അവിടെ ആയിരുന്നപ്പോള്‍, ഒരു പാറക്കല്ല് കൈകൊണ്ടു പൊട്ടിക്കുന്ന പ്രക്രിയ വളരെയധികം സമയം എടുക്കുന്നതായി ഞാന്‍ കാണുവാന്‍ ഇടയായി. ഒരു ചുറ്റിക ഉപയോഗിച്ചുകൊണ്ട് ഒരു പാറയെ പല കഷണങ്ങളാക്കി പൊട്ടിക്കുന്ന കാര്യം ഒന്ന് സങ്കല്‍പ്പിക്കുക.

ആ പാറക്കല്ലിനെ വീണ്ടും വീണ്ടും വീണ്ടും അടിക്കുന്നു, എന്നാല്‍ ഒന്നും സംഭവിക്കുന്നില്ല. എന്തെങ്കിലും മാറ്റം ഉണ്ടാകുന്നതായി നമ്മുടെ ശാരീരിക കണ്ണുകൊണ്ട് നിങ്ങള്‍ക്ക് കാണുവാന്‍ സാധിക്കില്ല, എന്നാല്‍ ആ മനുഷ്യന്‍ ചുറ്റികകൊണ്ട് അതിനെ അടിക്കുന്നത് തുടര്‍ന്നുകൊണ്ടിരിക്കും അങ്ങനെ അവസാനം അത് തകരും.

പുറമേ ഒന്നുംതന്നെ സംഭവിക്കുന്നില്ല എന്ന് തോന്നിയാലും, ചുറ്റികകൊണ്ടുള്ള ഓരോ പ്രഹരവും ചിലതെല്ലാം നേടിയെടുക്കുന്നു. പാറയുടെ അകം ബലമില്ലാത്തതായി മാറുന്നു. നമുക്ക് മുന്നേറ്റങ്ങള്‍ കാണണമെങ്കില്‍, നമ്മെ മുന്നേറ്റങ്ങളിലേക്ക് നയിക്കുമെന്ന് നമുക്ക് അറിയാവുന്ന കാര്യങ്ങള്‍ ചെയ്യുന്നതില്‍ നാം സ്ഥിരതയുള്ളവര്‍ ആയിരിക്കേണ്ടത് ആവശ്യമാകുന്നുവെന്ന് ഇത് നമ്മോടു പറയുന്നു. "പരീക്ഷ സഹിക്കുന്ന മനുഷ്യൻ ഭാഗ്യവാൻ. .. . " (യാക്കോബ് 1:12).

ഒരു പോരാട്ടം കൂടാതെ മുന്നേറ്റം അപൂര്‍വ്വമായി മാത്രമേ സംഭവിക്കുന്നുള്ളൂ എന്നതാണ് മറ്റൊരു സത്യം. മുന്നേറ്റങ്ങള്‍ നല്‍കുന്ന ദൈവമായി വേദപുസ്തകത്തില്‍ ഒരു സൈനീക പശ്ചാത്തലത്തില്‍ കര്‍ത്താവിനെ വെളിപ്പെടുത്തിയിരിക്കുന്നതായി കാണുന്നു. "മുന്നേറ്റങ്ങള്‍ നല്‍കുന്ന ദൈവം" അഥവാ ശത്രുവിനെ "തകര്‍ക്കുന്ന ദൈവം" എന്ന നിലയില്‍ ദൈവത്തെ വേദപുസ്തകത്തില്‍ പരാമര്‍ശിച്ചിരിക്കുന്നു. (1 ദിനവൃത്താന്തം 14:10-11).

ഫെലിസ്ത്യർ വന്നു രെഫായീംതാഴ്വരയിൽ അക്രമത്തിനായി അണിനിരന്നിരിക്കുന്ന സമയമായിരുന്നത്‌, അതിന്‍റെ അര്‍ത്ഥം "മല്ലന്മാരുടെ താഴ്വര" അഥവാ "പ്രശ്നങ്ങളുടെ താഴ്വര" എന്നാകുന്നു. (1 ദിനവൃത്താന്തം 14:14-17).

ദാവീദ് ആത്മാര്‍ത്ഥതയോടെ ദൈവത്തെ അന്വേഷിച്ചു, മാര്‍ഗ്ഗനിര്‍ദ്ദേശങ്ങള്‍ സ്വീകരിച്ചു, മാത്രമല്ല ആ നിര്‍ദ്ദേശങ്ങള്‍ തുടര്‍ന്നുകൊണ്ടുപോയി. മുന്നേറ്റങ്ങള്‍ നല്‍കുന്ന ദൈവത്തെ നിങ്ങള്‍ അന്വേഷിക്കയും അവന്‍റെ നിര്‍ദ്ദേശങ്ങള്‍ അനുസരിക്കയും ചെയ്യുമ്പോള്‍, നിങ്ങളുടെ "പ്രശ്നങ്ങളുടെ താഴ്വര" നിങ്ങളെ "എല്ലായിപ്പോഴും വിജയകരമായി നടത്തുന്ന ദൈവവുമായുള്ള" ഒരു നവീനമായ കൂടിക്കാഴ്ചയുടെ സ്ഥലമായി മാറും. (2 ദിനവൃത്താന്തം 2:14). അവന്‍ നിങ്ങള്‍ക്ക് പുതിയ പദ്ധതികള്‍ നല്‍കുക മാത്രമല്ല, മറിച്ച് ആ പദ്ധതികളെ മുന്‍പോട്ടു കൊണ്ടുപോകുവാനുള്ള പുതുക്കപ്പെട്ട ശക്തിയും അവന്‍ നിങ്ങള്‍ക്ക് തരുവാന്‍ ഇടയാകും. (യെശയ്യാവ് 40:31).

നിങ്ങള്‍ വളരെയധികം അര്‍ഹിക്കുന്ന അത്ഭുതങ്ങള്‍ നിങ്ങള്‍ക്ക് തരുവാന്‍ വേണ്ടി കര്‍ത്താവ് കടന്നുവരേണ്ടതിനായി ഞാന്‍ പ്രാര്‍ത്ഥിക്കുന്നു. വളരെ വേഗത്തില്‍ നിങ്ങളത് സാക്ഷ്യം പറയും.

ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 2 നിമിഷമോ അതിലധികമോ പ്രാവശ്യം പ്രാര്‍ത്ഥിക്കുക.

വ്യക്തിപരമായ ആത്മീക വളര്‍ച്ച:

കര്‍ത്താവിന്‍റെ ആത്മാവ് എന്‍റെമേലുണ്ട്. ഞാന്‍ ചെയ്യുവാന്‍ വേണ്ടി ദൈവം എന്നെ വിളിച്ചിരിക്കുന്ന കാര്യങ്ങള്‍ ചെയ്യുന്നതില്‍ ഞാന്‍ ക്ഷീണിച്ചുപോകയില്ല. ഞാന്‍ ഇപ്പോള്‍ എന്‍റെ മുന്നേറ്റങ്ങളിലേക്ക് പ്രവേശിക്കുകയാണ്. യേശുവിന്‍റെ നാമത്തില്‍. ആമേന്‍.

കുടുംബത്തിന്‍റെ രക്ഷ:

ഞാനും എന്‍റെ കുടുംബത്തിലെ അംഗങ്ങളും ഞങ്ങള്‍ ജീവനുള്ള ദൈവത്തെ മാത്രം സേവിക്കുമെന്ന്, പൂര്‍ണ്ണഹൃദയത്തോടെ ഞാന്‍ വിശ്വസിക്കയും അത് ഏറ്റുപറയുകയും ചെയ്യുന്നു. എന്‍റെ അടുത്ത തലമുറയും, അവര്‍ കര്‍ത്താവിനെ സേവിക്കും. യേശുവിന്‍റെ നാമത്തില്‍

സാമ്പത്തീകമായ മുന്നേറ്റം:

അതേ പിതാവേ, എന്‍റെ വഴികളില്‍ വരുന്നതായ ഓരോ അവസരങ്ങളില്‍ നിന്നും പരമാവധി നേട്ടം ഉണ്ടാക്കുവാന്‍ വേണ്ടി ആവശ്യമായ ജോലികളും മാനസീകമായ വൈദഗ്ധ്യങ്ങളും എനിക്ക് അനുവദിക്കേണമേ. യേശുവിന്‍റെ നാമത്തില്‍, എന്നെ ഒരു അനുഗ്രഹമാക്കി മാറ്റേണമേ.

സഭാ വളര്‍ച്ച:

പിതാവേ, തത്സമയ സംപ്രേഷണങ്ങളില്‍ പങ്കുചേരുന്ന ഓരോ വ്യക്തികളും ശ്രേദ്ധേയമായ അത്ഭുതങ്ങള്‍ പ്രാപിക്കുവാന്‍ ഇടയാകട്ടെ, അതിനെക്കുറിച്ച് കേള്‍ക്കുന്നവര്‍ എല്ലാവരും ആശ്ചര്യപ്പെടുകയും ചെയ്യട്ടെ. ഈ അത്ഭുതങ്ങളെ സംബന്ധിച്ച് കേള്‍ക്കുന്നവര്‍ എല്ലാവരും അങ്ങയിലേക്ക് തിരിയുവാനുള്ള വിശ്വാസം സ്വീകരിക്കയും അങ്ങനെ അത്ഭുതങ്ങള്‍ പ്രാപിക്കയും ചെയ്യട്ടെ.

രാജ്യം:

പിതാവേ, യേശുവിന്‍റെ നാമത്തില്‍, അന്ധകാരത്തിന്‍റെ ദുഷ്ട ശക്തികള്‍ ഒരുക്കിവെച്ചിരിക്കുന്ന സകല നാശത്തിന്‍റെ കെണികളില്‍ നിന്നും ഞങ്ങളുടെ രാജ്യത്തെ (ഇന്ത്യ) സ്വതന്ത്രമാക്കേണമേ.

നിങ്ങളുടെ മുന്നേറ്റത്തെ തടയുവാന്‍ സാദ്ധ്യമല്ല

Most Read