നിങ്ങള്‍ ഏകാന്തതയോടു പോരാടുന്നവരാണോ?

പുസ്തകം ഒന്നാം അദ്ധ്യായം നിങ്ങള്‍ വായിക്കുമെങ്കില്‍, ദൈവം ഭൂമിയേയും അതിലുള്ള മറ്റു പല കാര്യങ്ങളേയും സൃഷ്ടിക്കുന്ന ചരിത്രം നിങ്ങള്‍ക്ക് കാണുവാന്‍ സാധിക്കും. സൃഷ്ടിയുടെ ഓരോ ഘട്ടങ്ങളിലും, ദൈവം അത് നിര്‍ത്തിയിട്ട് തന്‍റെ പ്രവര്‍ത്തികളെ വിലയിരുത്തുകയുണ്ടായി. "അത് നല്ലത് എന്നു ദൈവം കണ്ടു". (ഉല്പത്തി 1:4, 10, 12, 18, 21, 25).

ഒടുവിലായി, തന്‍റെ സ്വരൂപത്തില്‍ മനുഷ്യനെ സൃഷ്ടിക്കുവാന്‍ ദൈവം തീരുമാനിച്ചു. പിന്നീട് ദൈവം തന്‍റെ സ്വരൂപത്തിലും സാദൃശ്യത്തിലും ആദാമിനെ സൃഷ്ടിച്ചു. ആദിമനുഷ്യനായിരുന്ന ആദാം, ഏദന്‍ തോട്ടത്തിലെ മറ്റു സൃഷ്ടികളെപോലെയൊന്നും അല്ലായിരുന്നു. എന്നാല്‍ ആദാമിനെ തോട്ടത്തില്‍ ആക്കിയതിനു ശേഷം, വീണ്ടും അവിടെ എന്തിന്‍റെയോ കുറവുണ്ടെന്ന് ദൈവം നിരീക്ഷിച്ചു.

പലതരത്തിലുള്ള പക്ഷി മൃഗാദികള്‍ ആദാമിനു ചുറ്റും ഉണ്ടെങ്കില്‍ പോലും, അവന്‍ നല്ലൊരു അന്തരീക്ഷത്തില്‍ ആയിരുന്നുവെങ്കില്‍ കൂടി താന്‍ ഏകനാണെന്ന് ദൈവം കാണുവാന്‍ ഇടയായി. നിങ്ങള്‍ ഒരു ജനക്കൂട്ടത്തില്‍ ആയിരിക്കുമ്പോള്‍ തന്നെ ഏകാന്തത അനുഭവിക്കുവാന്‍ കഴിയുമെന്നതാണ് സത്യം. ആദാമിന്‍റെ എകാന്തയായിരുന്നു ദൈവത്തിന്‍റെ ശ്രദ്ധയെ പിടിച്ചുപറ്റിയത്, അത് തന്നെയാണ് നല്ലതല്ലയെന്നു ദൈവം ആദ്യമായി പറഞ്ഞതായ കാര്യവും.

അനന്തരം യഹോവയായ ദൈവം: "മനുഷ്യൻ ഏകനായിരിക്കുന്നതു നന്നല്ല; ഞാൻ അവനു തക്കതായൊരു തുണ ഉണ്ടാക്കിക്കൊടുക്കും എന്ന് അരുളിച്ചെയ്തു" (ഉല്പത്തി 2:18).

കര്‍ത്താവായ യേശു ക്രൂശിന്മേല്‍ തൂക്കപ്പെട്ടപ്പോള്‍, തന്‍റെ മാതാവും താന്‍ വളരെയധികം സ്നേഹിച്ചതായ ശിഷ്യനും അരികില്‍ നില്‍ക്കുന്നതായി അവന്‍ കണ്ടു. അപ്പോള്‍ യേശു, സ്ത്രീയേ, ഇതാ, നിന്‍റെ മകൻ എന്ന് അമ്മയോടു പറഞ്ഞു. പിന്നെ ശിഷ്യനോട്: ഇതാ, നിന്‍റെ അമ്മ എന്നും പറഞ്ഞു. ആ നാഴികമുതൽ ആ ശിഷ്യൻ അവളെ തന്‍റെ വീട്ടിൽ കൈക്കൊണ്ടു. (യോഹന്നാന്‍ 19:26-27).

എന്തുകൊണ്ടാണ് യേശു ഈ രീതിയില്‍ സംസാരിച്ചത്? നമ്മുടെ കര്‍ത്താവ് ക്രൂശിന്മേല്‍ തൂങ്ങിക്കിടക്കുമ്പോള്‍ രക്തം ഒഴുകുന്നുണ്ടായിരുന്നു, അസഹനീയമായ വേദനയിലും അവശതയിലും ആയിരിക്കുമ്പോള്‍, തന്‍റെ മാതാവ് തനിച്ചായതായി, എകായായതായി അവന്‍ കണ്ടുവെന്ന് ഞാന്‍ വിശ്വസിക്കുന്നു. അവളുടെ വാര്‍ദ്ധക്യത്തില്‍ അവള്‍ത്തന്നെ അവളെ സംരക്ഷിക്കട്ടെ എന്ന ചിന്തയില്‍ വിടുവാന്‍ അവനു എങ്ങനെ കഴിയും? പ്രവാചകനായ ശിമയോന്‍ പ്രവചിച്ചതുപോലെ അവളെ ഹൃദയം തുളയ്ക്കപ്പെട്ടവളായി അവന്‍ കണ്ടുകാണും (ലൂക്കോസ് 2:35). കുരിശില്‍ ആയിരിക്കുമ്പോള്‍ പോലും, യേശു തന്‍റെ മാതാവിന്‍റെ ആവശ്യം നിറവേറ്റി. അവന്‍ അവളുടെ ഏകാന്തതയെ എടുത്തുമാറ്റി.

രക്തം ഒഴുക്കികൊണ്ടിരുന്ന, മരിച്ചുകൊണ്ടിരുന്ന രക്ഷകനു മറ്റൊരാളുടെ ആവശ്യം നിറവേറ്റുവാന്‍ കഴിഞ്ഞുവെങ്കില്‍, ഇന്ന് സ്വര്‍ഗ്ഗത്തില്‍ പിതാവിന്‍റെ സിംഹാസനത്തിന്‍ വലത്തുഭാഗത്തിരിക്കുമ്പോള്‍ എത്ര അധികമായി അവന്‍ ചെയ്യും. (എബ്രായര്‍ 8:1).

നിങ്ങള്‍ എകാന്തതയോടു പോരാടുന്നവരാണോ? നിങ്ങള്‍ തനിച്ചായതായി അല്ലെങ്കില്‍ തിരസ്കരിക്കപ്പെട്ടവരായി തോന്നുന്നുവോ? അങ്ങനെയെങ്കില്‍ യേശുവിങ്കലേക്ക് നോക്കുവാനുള്ള സമയമാണിത് - അവന്‍ ഇതെല്ലാം അനുഭവിച്ചവനും നിങ്ങളുടെ ഏകാന്തതയില്‍ നിന്നും നിങ്ങളെ പുറത്തുകൊണ്ടുവരുവാന്‍ ശക്തിയുള്ളവനും ആകുന്നു.

ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 3 നിമിഷമോ അതിലധികമോ പ്രാവശ്യം പ്രാര്‍ത്ഥിക്കുക.

വ്യക്തിപരമായ ആത്മീക വളര്‍ച്ച:

പിതാവേ, ഈ നിമിഷത്തില്‍ ഞാന്‍ അനുഭവിക്കുന്ന കാര്യങ്ങള്‍ എന്തായാലും സാരമില്ല. അങ്ങ് പറഞ്ഞിട്ടുണ്ട്, "ഞാന്‍ നിങ്ങളെ ഒരുനാളും കൈവിടുകയില്ല, ഉപേക്ഷിക്കുകയുമില്ല". ഞാന്‍ ഈ വചനത്തെ മുറുകെപ്പിടിക്കുന്നു. യേശുവിന്‍റെ നാമത്തില്‍. ആമേന്‍.

കുടുംബത്തിന്‍റെ രക്ഷ:

വാഴ്ത്തപ്പെട്ട പരിശുദ്ധാത്മാവേ, എന്‍റെ കുടുംബത്തിലെ ഓരോ അംഗങ്ങളോടും എങ്ങനെ ശുശ്രൂഷിക്കണമെന്നു എനിക്ക് പ്രത്യേകമായി കാണിച്ചുതരേണമേ. കര്‍ത്താവേ എന്നെ ശക്തീകരിച്ചാലും. ശരിയായ നിമിഷങ്ങളില്‍, അങ്ങയെക്കുറിച്ച് പങ്കുവെക്കുവാനുള്ള അവസരങ്ങളെ എനിക്ക് വെളിപ്പെടുത്തി തരേണമേ. യേശുവിന്‍റെ നാമത്തില്‍. ആമേന്‍.

സാമ്പത്തീകമായ മുന്നേറ്റം:

ഞാന്‍ വിതച്ചിരിക്കുന്ന ഓരോ വിത്തും കര്‍ത്താവിനാല്‍ ഓര്‍മ്മിപ്പിക്കപ്പെടും. അതുപോലെ,എന്‍റെ ജീവിതത്തിലെ അസാദ്ധ്യമായ ഓരോ സാഹചര്യങ്ങളും ദൈവത്താല്‍ ആകമാനം മാറ്റിമറിയ്ക്കപ്പെടും. യേശുവിന്‍റെ നാമത്തില്‍.

കെ എസ് എം സഭ:

പിതാവേ, യേശുവിന്‍റെ നാമത്തില്‍, ഓരോ ചൊവ്വ/വ്യാഴം/ശനി ദിവസങ്ങളിലും ആയിരക്കണക്കിനു ആളുകള്‍ കെ എസ് എമ്മിലെ തത്സമയ സംപ്രേഷണത്തില്‍ പങ്കെടുക്കേണമെന്ന് ഞാന്‍ പ്രാര്‍ത്ഥിക്കുന്നു. അവരേയും അവരുടെ കുടുംബങ്ങളേയും അങ്ങയിലേക്ക് തിരിക്കേണമേ കര്‍ത്താവേ. അവര്‍ അങ്ങയുടെ അത്ഭുതങ്ങളെ അനുഭവിക്കട്ടെ. അങ്ങയുടെ നാമത്തിന്‍റെ ഉയര്‍ച്ചയ്ക്കും മഹത്വത്തിനുമായി സാക്ഷ്യം വഹിക്കുവാന്‍ അവരെ ഇടയാക്കേണമേ.

രാജ്യം:

പിതാവേ, യേശുവിന്‍റെ നാമത്തില്‍, ഇന്ത്യയിലെ ഓരോ പട്ടണങ്ങളിലെയും സംസ്ഥാനങ്ങളിലേയും ആളുകളുടെ ഹൃദയങ്ങള്‍ അങ്ങയിലേക്ക് തിരിയേണ്ടതിനായി ഞാന്‍ പ്രാര്‍ത്ഥിക്കുന്നു.അവര്‍ തങ്ങളുടെ പാപങ്ങളെ സംബന്ധിച്ച് അനുതപിക്കയും യേശുവിനെ അവരുടെ കര്‍ത്താവും രക്ഷിതാവുമായി ഏറ്റുപ്പറയുകയും ചെയ്യും.

നിങ്ങള്‍ ഏകാന്തതയോടു പോരാടുന്നവരാണോ?

Most Read