അമാനുഷീകതയിലേക്കുള്ള പ്രവേശനം

കാഴ്ചയാൽ അല്ല വിശ്വാസത്താലത്രേ ഞങ്ങൾ നടക്കുന്നത് (2 കൊരിന്ത്യര്‍ 5:7).

നിങ്ങളുടെ അകകണ്ണുകൊണ്ട് നിങ്ങള്‍ കാണുന്നതില്‍ വലിയ ശക്തിയുണ്ട്. എഫസോസിലെ സഭയ്ക്കുവേണ്ടി അപ്പോസ്തലനായ പൌലോസ് പ്രാര്‍ത്ഥിക്കുവാനുണ്ടായ ഒരു കാരണവും ഇതായിരുന്നു: "നിങ്ങളുടെ ഹൃദയദൃഷ്ടി പ്രകാശിപ്പിച്ചിട്ട്" (എഫെസ്യര്‍ 1:18).

ചില വര്‍ഷങ്ങള്‍ക്കു മുമ്പ്, തന്‍റെ ഭാര്യയെ ആശ്ചര്യപ്പെടുത്താനുള്ള ഒരു പദ്ധതിയുമായി വിദേശത്തെ ജോലിയില്‍ നിന്നും യാതൊരു മുന്നറിയിപ്പില്ലാതെ വന്ന ഒരു മനുഷ്യനുവേണ്ടി ഞാന്‍ പ്രാര്‍ത്ഥിക്കുവാന്‍ ഇടയായി. എന്നാല്‍, താന്‍ വാതില്‍ തുറന്നു അകത്തുക്കയറിയപ്പോള്‍ അദ്ദേഹം അവളെ ഒരു അന്യപുരുഷനോടുകൂടെ കാണേണ്ടതായി വന്നു. അവന്‍റെ ഹൃദയം ആകെ തകര്‍ന്നുവെങ്കിലും മക്കളെ ഓര്‍ത്തു കുടുംബജീവിതം തുടര്‍ന്നു. അദ്ദേഹം പലപ്പോഴും എനിക്ക് ഇങ്ങനെ എഴുതി പറഞ്ഞു, "ആത്മഹത്യ ചെയ്യുവാനായി താന്‍ എപ്രകാരം ആഗ്രഹിക്കുന്നു എന്നും, എന്നാല്‍ യേശുവിലുള്ള വിശ്വാസം നിമിത്തം മാത്രമാണ് താന്‍ പിടിച്ചുനില്‍ക്കുന്നതെന്നും".

പലപ്പോഴും അവനെ ആശ്വസിപ്പിക്കുവാന്‍ പോലും എനിക്ക് വാക്കുകള്‍ ഇല്ലായിരുന്നു. എന്നിരുന്നാലും, ഒരുദിവസം പരിശുദ്ധാത്മാവ് ശക്തമായ ഒരു കാര്യം എന്നോട് പറഞ്ഞു. "ആ മനുഷ്യനോടു തന്‍റെ സ്വാഭാവീക കണ്ണുകളാലല്ല മറിച്ച് തന്‍റെ ആത്മീക കണ്ണുകളാല്‍ കാണുവാന്‍ പറയുക. തന്‍റെ ഭാര്യയും മക്കളും ആലയത്തില്‍ വന്നു പ്രാര്‍ത്ഥിക്കുന്നതും ദൈവത്തെ അന്വേഷിക്കുന്നതും കാണുവാന്‍ അവനോടു പറയുക". ഇപ്പോള്‍ ഈ സ്ത്രീ ഒരിക്കലും പ്രാര്‍ത്ഥിക്കുന്നവളോ മക്കള്‍ ആലയത്തില്‍ വരുവാന്‍ അനുവദിക്കുന്നവളോ അല്ലായിരുന്നു.

കര്‍ത്താവിങ്കല്‍ നിന്നുള്ള ഈ ആലോചന പറഞ്ഞപ്പോള്‍, അവന്‍ വളരെയധികം കരഞ്ഞു എന്നാല്‍ വചനം പറയുന്നതുപോലെ ചെയ്യാമെന്ന് വാഗ്ദാനം ചെയ്യുകയും ചെയ്തു. തന്‍റെ ഭാര്യയും മക്കളും സഭയില്‍ വന്നു തന്നോടുകൂടെ ഇരുന്നു പ്രാര്‍ത്ഥിക്കുന്നത് താന്‍ കാണും (മനസ്സില്‍ വിഭാവന ചെയ്തു). താന്‍ കാണുന്നതായ കാര്യങ്ങളെ സംബന്ധിച്ച് അവന്‍ പറയുകയും ചെയ്യുമായിരുന്നു. ഏകദേശം നാലു മാസത്തോളം അവന്‍ ഇത് തുടരുവാന്‍ ഇടയായി.

ഒരുദിവസം, അനിവാര്യമായത് സംഭവിച്ചു. താന്‍ സഭയില്‍ ചില സേവനങ്ങള്‍ ചെയ്യുന്നതിനാല്‍ അവന്‍ പതിവുപോലെ നേരത്തെവന്നു. ഒരു മണിക്കൂറിനു ശേഷം, അവന്‍റെ ഭാര്യ മക്കളുമായി അവിടെ വന്നു, അവന്‍റെ അരികില്‍ ഇരുന്നു, അവളുടെ കവിളിലൂടെ കണ്ണുനീര്‍ ഒഴുക്കികൊണ്ട് അവള്‍ ആരാധിച്ചു. ആ ദിവസം, വിടുതല്‍ ആവശ്യമുള്ളവരെ ഞാന്‍ മുമ്പിലേക്ക് വിളിച്ചപ്പോള്‍, അവള്‍ വരികയും മഹത്വകരമായി നമ്മുടെ കര്‍ത്താവിനാല്‍ രക്ഷിക്കപ്പെടുകയും ചെയ്തു. ആ ദിവസം അവളില്‍ ആരംഭിച്ചതായ കാര്യം വിശ്വാസത്തില്‍ നിന്നും വിശ്വാസത്തിലേക്കും മഹത്വത്തില്‍ നിന്നും മഹത്വത്തിലേക്കും വളര്‍ന്നുകൊണ്ടേയിരിക്കുന്നു. (2 കൊരിന്ത്യര്‍ 3:18). ഈ മനുഷ്യന്‍ തന്‍റെ ഭാര്യയുടെ വിഷയത്തില്‍ ഉപേക്ഷ വിചാരിച്ചിരുന്നു എങ്കില്‍ എന്ത് സംഭവിക്കുമായിരുന്നു എന്ന് എനിക്ക് ഊഹിക്കുവാന്‍ കഴിയും. നമ്മളില്‍ പലര്‍ക്കും ഇത് ഉണരുവാനുള്ള ഒരു ആഹ്വാനമാകുന്നു.

ഒന്നാമതായി, നിങ്ങള്‍ സ്നേഹിക്കുന്ന ആളുകളെ അത്ര വേഗത്തില്‍ കൈവിടരുത്.

രണ്ടാമതായി, ആത്മാവിന്‍റെ കണ്ണുകളാല്‍ കണ്ടുകൊണ്ട്‌ നിങ്ങളുടെ വിശ്വാസത്തെ ഉപയോഗിക്കുക.

നിങ്ങളുടെ ജീവിതത്തില്‍ ദൈവം എന്ത് ചെയ്യുവാന്‍ വേണ്ടിയാണ് നിങ്ങള്‍ ദൈവത്തില്‍ വിശ്വസിക്കുന്നത്? ഒന്നാമതായി, നിങ്ങളുടെ പ്രാര്‍ത്ഥനകള്‍ക്കു മറുപടി ലഭിച്ചുവെന്ന് വിശ്വാസത്തിന്‍റെ കണ്ണുകളാല്‍ കാണുവാന്‍ തുടങ്ങുക (എബ്രായര്‍ 11:1) എന്നിട്ട് ആ പ്രത്യേക കാര്യം തുറന്നുപറയുക. അത് ദൈവത്തിന്‍റെ മഹത്വത്തിനായി സംഭവിക്കുവാന്‍ ഇടയാകും.

ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 2 നിമിഷമോ അതിലധികമോ പ്രാവശ്യം പ്രാര്‍ത്ഥിക്കുക.

വ്യക്തിപരമായ ആത്മീക വളര്‍ച്ച

പിതാവേ, യേശുവിന്‍റെ നാമത്തില്‍, അങ്ങയുടെ വചനം എന്‍റെ ജീവിതത്തിന്‍റെ ഭാഗമാകുന്നതുവരെ അത് ധ്യാനിക്കുവാന്‍ എന്നെ സഹായിക്കേണമേ. ആത്മീക മണ്ഡലത്തില്‍ എന്‍റെ പ്രാര്‍ത്ഥനകള്‍ തുറന്നിരിക്കുന്നത് കാണുവാന്‍ വേണ്ടി എന്‍റെ കണ്ണുകളെ തുറക്കേണമേ. ആമേന്‍.

കുടുംബത്തിന്‍റെ രക്ഷ

യേശുവിന്‍റെ നാമത്തില്‍, ഞാനും എന്‍റെ കുടുംബവും സഭയും പലവിധ ഉപദേശങ്ങളുടെ കാറ്റുകളാലോ അഥവാ മനുഷ്യരുടെ കൌശലങ്ങളാലോ അങ്ങോട്ടും ഇങ്ങോട്ടും ചാഞ്ചാടുകയോ മാറിപോകുകയോ ചെയ്യുകയില്ല എന്ന് ഞാന്‍ പ്രഖ്യാപിക്കുന്നു.

യേശുവിന്‍റെ നാമത്തില്‍, ഞാനും എന്‍റെ കുടുംബാംഗങ്ങളും സഭയും കൌശലപരമായ തന്ത്രങ്ങളില്‍ നിന്നും വഞ്ചനാപരമായ ഗൂഡാലോചനയില്‍ നിന്നും സംരക്ഷിക്കപ്പെടുകയും സൂക്ഷ്മതയോടെ മറച്ചുവെച്ചിരിക്കുന്ന അസത്യങ്ങളെ ഞങ്ങള്‍ വ്യക്തമായി കാണുകയും അവയെ പൂര്‍ണ്ണമായി ത്യജിക്കയും ചെയ്യുമെന്ന് ഞാന്‍ പ്രഖ്യാപിക്കുന്നു.

സാമ്പത്തീകമായ മുന്നേറ്റം

എന്‍റെ ദൈവമോ എന്‍റെയും എന്‍റെ കുടുംബാംഗങ്ങളുടെയും ബുദ്ധിമുട്ടൊക്കെയും മഹത്ത്വത്തോടെ തന്‍റെ ധനത്തിനൊത്തവണ്ണം ക്രിസ്തുയേശുവിൽ പൂർണമായി തീർത്തുതരും.

കെ എസ് എം സഭ

പിതാവേ, അങ്ങയുടെ ജനത്തിന്‍റെ ഇടയില്‍ അത്ഭുതങ്ങളും അടയാളങ്ങളും വീര്യ പ്രവൃത്തികളും ഉണ്ടാകുന്ന തരത്തിലുള്ള അങ്ങയുടെ ആത്മാവിന്‍റെ ഒരു പുതിയ അഭിഷേകത്താല്‍ പാസ്റ്റര്‍ മൈക്കിളിനേയും തന്‍റെ ടീമിലെ അംഗങ്ങളേയും അഭിഷേകം ചെയ്യേണമേ. ഇത് മുഖാന്തിരം ആളുകള്‍ അങ്ങയുടെ രാജ്യത്തോട് ചേര്‍ക്കപ്പെടുവാന്‍ ഇടയാക്കേണമേ. യേശുവിന്‍റെ നാമത്തില്‍.

രാജ്യം

പിതാവേ, യേശുവിന്‍റെ നാമത്തില്‍, ഇന്ത്യയിലെ ഓരോ പട്ടണങ്ങളിലും സംസ്ഥാനങ്ങളിലുമുള്ള ആളുകളുടെ ഹൃദയത്തെ അങ്ങയിലേക്ക് തിരിക്കേണമേയെന്നു ഞാന്‍ പ്രാര്‍ത്ഥിക്കുന്നു. അവര്‍ തങ്ങളുടെ പാപങ്ങളില്‍ നിന്നും അനുതപിക്കയും യേശുവിനെ തങ്ങളുടെ രക്ഷിതാവും കര്‍ത്താവുമായി ഏറ്റുപറയുകയും ചെയ്യേണമേ.

അമാനുഷീകതയിലേക്കുള്ള പ്രവേശനം

Most Read