english हिंदी मराठी తెలుగు தமிழ் ಕನ್ನಡ Contact us ഞങ്ങളെ ബന്ധപ്പെടുക സ്പോട്ടിഫൈയില്‍ ശ്രവിക്കുക സ്പോട്ടിഫൈയില്‍ ശ്രവിക്കുക Download on the App StoreiOS ആപ് Get it on Google Play ആന്‍ഡ്രോയ്ഡ് ആപ്
 
ലോഗിൻ
ഓണ്‍ലൈനിലൂടെ നല്‍കുക
ലോഗിൻ
  • ഹോം
  • സംഭവങ്ങള്‍
  • ലൈവ്
  • റ്റി വി
  • നോഹട്യൂബ്
  • സ്തുതികള്‍
  • വാര്‍ത്തകള്‍
  • മന്ന
  • പ്രാര്‍ത്ഥനകള്‍
  • ഏറ്റുപറച്ചില്‍
  • സ്വപ്‌നങ്ങള്‍
  • ഇ ബുക്കുകള്‍
  • ബൈബിൾ
  • ചരമക്കുറിപ്പുകള്‍
  • മരുപ്പച്ച
  1. ഹോം
  2. അനുദിന മന്ന
  3. നിങ്ങളുടെ ദൈവീക സന്ദര്‍ശനങ്ങളുടെ നിമിഷങ്ങളെ തിരിച്ചറിയുക
അനുദിന മന്ന

നിങ്ങളുടെ ദൈവീക സന്ദര്‍ശനങ്ങളുടെ നിമിഷങ്ങളെ തിരിച്ചറിയുക

Saturday, 13th of April 2024
1 0 639
Categories : ദൈവീക സന്ദര്‍ശനങ്ങള്‍ (Divine Visitation)
അനന്തരം യഹോവ താന്‍ അരുളിച്ചെയ്തിരുന്നതുപോലെ സാറായെ സന്ദര്‍ശിച്ചു; താന്‍ വാഗ്ദത്തം ചെയ്തിരുന്നതു യഹോവ സാറായ്ക്കു നിവൃത്തിച്ചുകൊടുത്തു. (ഉല്‍പത്തി 21:1).

വചനം പറയുന്നു, "യഹോവ സാറായെ സന്ദര്‍ശിച്ചു". ഇത് സാറായുടെ ജീവിതത്തിലുണ്ടായ ദൈവീക സന്ദര്‍ശനമായിരുന്നു. ദൈവം തന്‍റെ ജനത്തെ സന്ദര്‍ശിക്കുന്ന ചില പ്രെത്യേക നിമിഷങ്ങള്‍ ഒരു വ്യക്തിയുടെ ജീവിതത്തില്‍ ദൈവം ആസൂത്രണം ചെയ്യുന്നു. നിങ്ങളും ഞാനും അങ്ങനെയുള്ള നിമിഷങ്ങളെ തിരിച്ചറിയുന്നവര്‍ ആകണം. യേശു കര്‍ത്താവ് യിസ്രായേലിലുള്ള തന്‍റെ ജനത്തെ സന്ദര്‍ശിച്ചപ്പോള്‍, അവരുടെ സന്ദര്‍ശനത്തിന്‍റെ സമയങ്ങള്‍ അവര്‍ അറിഞ്ഞില്ല എന്നതാണ് പരിതാപകരം. അവന്‍ സ്വന്തത്തിലേക്ക് വന്നു സ്വന്തമായവര്‍ അവനെ തിരിച്ചറിയുകയോ അവനെ കൈക്കൊള്ളുകയോ ചെയ്തില്ല. പിതാവ് പരിശുദ്ധാത്മാവിലൂടെ നമ്മെ ആകര്‍ഷിക്കാതെ നമുക്ക് പുത്രന്‍റെ അടുക്കല്‍ വരുവാന്‍ കഴിയുകയില്ല എന്നതാണ് സത്യം. നിങ്ങള്‍ ഒരു യോഗത്തിലോ, മദ്ധ്യസ്ഥപ്രാര്‍ത്ഥനയിലോ അഥവാ വ്യക്തിപരമായ നിങ്ങളുടെ പ്രാര്‍ത്ഥനാ സമയത്തിലോ ആയിരിക്കുമ്പോള്‍, നിങ്ങള്‍ ആ സ്ഥലത്ത് ആയിരിക്കുന്നത് പിതാവിന്‍റെ ഹിതപ്രകാരമാണെന്ന് തിരിച്ചറിയുവാന്‍ പഠിക്കുക. അത് ദൈവീക നിയമനത്താലാണ്. ഇങ്ങനെയാണ് ദൈവത്തില്‍ നിന്നുള്ള ഒരു സന്ദര്‍ശനത്തിനായി നിങ്ങളെത്തന്നെ ഒരുക്കുന്നത്.

41അവന്‍ നഗരത്തിനു സമീപിച്ചപ്പോള്‍ അതിനെ കണ്ട് അതിനെക്കുറിച്ചു കരഞ്ഞു: 42 ഈ നാളില്‍ നിന്‍റെ സമാധാനത്തിനുള്ളത് നീയും അറിഞ്ഞു എങ്കില്‍ കൊള്ളായിരുന്നു. ഇപ്പോഴോ അതു നിന്‍റെ കണ്ണിനു മറഞ്ഞിരിക്കുന്നു. 43 നിന്‍റെ സന്ദര്‍ശനകാലം നീ അറിയാഞ്ഞതുകൊണ്ട് നിന്‍റെ ശത്രുക്കള്‍ നിനക്കു ചുറ്റും വാടകോരി നിന്നെ വളഞ്ഞ് നാലുപുറത്തും ഞെരുക്കി 44 നിന്നെയും നിന്നിലുള്ള നിന്‍റെ മക്കളെയും നിലത്തു തള്ളിയിട്ട്, നിങ്കല്‍ കല്ലിന്മേല്‍ കല്ല്‌ ശേഷിപ്പിക്കാതിരിക്കുന്ന കാലം നിനക്കു വരും. (ലൂക്കോസ് 19:41-44)

തന്‍റെ ജനത്തിനായുള്ള ദൈവത്തിന്‍റെ പദ്ധതി എപ്പോഴും നാശമല്ല പകരം സംരക്ഷണവും, രോഗത്തിനു പകരം ആരോഗ്യവും, തകര്‍ച്ചയ്ക്ക് പകരം കരുതലും ആകുന്നു. എന്നിരുന്നാലും, നമ്മുടെ പ്രശ്നങ്ങള്‍ക്കുള്ള മറുപടിയുമായും നാശത്തെ ഒഴിവാക്കുവാനുള്ള ജ്ഞാനവുമായും ദൈവം നമ്മെ സന്ദര്‍ശിക്കുന്ന സമയം നാം തിരിച്ചറിയണം.

വേദപുസ്തകം പിന്നെയും പറയുന്നു, "താന്‍ വാഗ്ദത്തം ചെയ്തിരുന്നതു യഹോവ സാറായ്ക്കു നിവൃത്തിച്ചുകൊടുത്തു". സന്ദര്‍ശനത്തിനു ശേഷം എപ്പോഴും ഒരു പ്രത്യക്ഷതയും ഉണ്ടാകും. ദൈവത്തിങ്കല്‍ നിന്നുള്ള തന്‍റെ സന്ദര്‍ശന സമയം സാറാ തിരിച്ചറിയുകയും അപ്പോള്‍ ദൈവം അതിനെ തന്‍റെ ഒരു പ്രത്യക്ഷതയാക്കി മാറ്റുകയും ചെയ്തുവെന്ന് ഞാന്‍ വിശ്വസിക്കുന്നു. നിങ്ങളുടെ ജീവിതത്തില്‍ വലിയ ചില കാര്യങ്ങള്‍ നിങ്ങള്‍ക്ക്‌ കാണണമെങ്കില്‍ ദൈവത്തിങ്കല്‍ നിന്നും ഒരു സന്ദര്‍ശനം നിങ്ങള്‍ ആഗ്രഹിക്കുക. നിങ്ങളുടെ ജീവിതം ഒരിക്കലും പഴയതുപോലെ ആയിരിക്കയില്ല.
പ്രാര്‍ത്ഥന
പിതാവേ, എന്‍റെ ജീവിതത്തിലെ ദൈവീക സന്ദര്‍ശനത്തിന്‍റെ നിമിഷങ്ങള്‍ തിരിച്ചറിയുവാന്‍ വേണ്ടി എന്‍റെ കണ്ണുകളെ അവിടുന്ന് തുറക്കേണമേ. എനിക്ക് ജ്ഞാനം തരേണമേ. യേശുവിന്‍റെ നാമത്തില്‍. ആമേന്‍.

Join our WhatsApp Channel


Most Read
● അനുദിനവും യേശു കണ്ടുമുട്ടിയിരുന്ന അഞ്ചു തരത്തിലുള്ള ആളുകള്‍ #2
●  ജീവനുള്ളതിനുവേണ്ടി പ്രാര്‍ത്ഥിക്കുന്ന ഒരു മരണപ്പെട്ട മനുഷ്യന്‍
● തിരസ്കരണം അതിജീവിക്കുക
● കൃപാദാനം
● ഉത്പ്രാപണം (യേശുവിന്‍റെ മടങ്ങിവരവ്) എപ്പോള്‍ സംഭവിക്കും?
● സ്തുതി വര്‍ദ്ധനവ്‌ കൊണ്ടുവരും
● പരിശുദ്ധാത്മാവിനോടുള്ള അവബോധം വളര്‍ത്തുക - I
അഭിപ്രായങ്ങള്‍
ഞങ്ങളെ ബന്ധപ്പെടുക
ഫോണ്‍: +91 8356956746
+91 9137395828
വാട്സാപ്പ്: +91 8356956746
ഇ മെയില്‍: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
Download on the App Store
Get it on Google Play
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
സംഭവങ്ങള്‍
ലൈവ്
നോഹട്യൂബ്
റ്റി വി
സംഭാവന
മന്ന
സ്തുതികള്‍
ഏറ്റുപറച്ചില്‍
സ്വപ്‌നങ്ങള്‍
ബന്ധപ്പെടുക
© 2025 Karuna Sadan, India.
➤
ലോഗിൻ
ഈ സൈറ്റിലെ ഉള്ളടക്കം ഇഷ്ടപ്പെടുന്നതിനും അഭിപ്രായം അറിയിക്കുന്നതിനും ദയവായി നിങ്ങളുടെ നോഹ അക്കൗണ്ടില്‍ പ്രവേശിക്കുക.
ലോഗിൻ