ഉത്പ്രാപണം (യേശുവിന്‍റെ മടങ്ങിവരവ്) എപ്പോള്‍ സംഭവിക്കും?

ഉത്പ്രാപണം എപ്പോള്‍ സംഭവിക്കും എന്ന് വേദപുസ്തകം വ്യക്തമായി നമ്മോടു പറയുന്നില്ല.

ആ നാളും നാഴികയും സംബന്ധിച്ചോ പിതാവല്ലാതെ ആരും, സ്വര്‍ഗത്തിലെ ദൂതന്മാരും, പുത്രനുംകൂടെ അറിയുന്നില്ല. (മര്‍ക്കോസ് 13:32)

യേശുവിന്‍റെ മടങ്ങിവരവ് സംഭവിക്കുമോ ഇല്ലയോ എന്നതിനെ സംബന്ധിച്ച് തര്‍ക്കങ്ങള്‍ ഒന്നുമില്ല; ആ ചോദ്യത്തിന് വേദപുസ്തകം വ്യക്തമായി മറുപടി പറയുന്നുണ്ട്. എന്നാല്‍ യേശുവിന്‍റെ മടങ്ങിവരവ് എപ്പോള്‍ അഥവാ ഏതു സമയത്ത് സംഭവിക്കും എന്നതിനെക്കുറിച്ച് ആര്‍ക്കും വ്യക്തമായി അറിവില്ല, ലൂക്കോസിന്‍റെ സുവിശേഷത്തില്‍ കര്‍ത്താവായ യേശു ഇങ്ങനെ പറഞ്ഞു ഉറപ്പിക്കുന്നു, "നിനയാത്ത നാഴികയില്‍ മനുഷ്യപുത്രന്‍ വരുന്നതുകൊണ്ട് നിങ്ങളും ഒരുങ്ങിയിരിപ്പിന്‍". (ലൂക്കോസ് 12:40)

മത്തായി 24:6-7 വരെയുള്ള വാക്യങ്ങളില്‍, യേശുവിന്‍റെ മടങ്ങിവരവ് എപ്പോള്‍ സംഭവിക്കും എന്നതിനെ സംബന്ധിക്കുന്ന വ്യത്യസ്തമായ അടയാളങ്ങളെ കുറിച്ച് യേശു കര്‍ത്താവ് സംസാരിക്കുന്നുണ്ട്.

നിങ്ങള്‍ യുദ്ധങ്ങളെയും യുദ്ധശ്രുതികളെയും കുറിച്ചു കേള്‍ക്കും; ചഞ്ചലപ്പെടാതിരിപ്പാന്‍ സൂക്ഷിച്ചുകൊള്‍വിന്‍; അതു സംഭവിക്കേണ്ടതുതന്നെ; എന്നാല്‍ അത് അവസാനമല്ല; ജാതി ജാതിയോടും രാജ്യം രാജ്യത്തോടും എതിര്‍ക്കും; ക്ഷാമവും ഭൂകമ്പവും അവിടവിടെ ഉണ്ടാകും. (മത്തായി 24:6-7)

നാം ജീവിക്കുന്ന ഈ കാലഘട്ടത്തില്‍ ഇങ്ങനെയുള്ള അടയാളങ്ങള്‍ പലതും സംഭവിക്കുന്നത് കാണാം, അതുകൊണ്ട് കര്‍ത്താവിന്‍റെ വരവിനു ഇനിയും അധികം താമസ്സമില്ല എന്ന് നമുക്ക് പ്രതീക്ഷിക്കാം.

ഉത്പ്രാപണത്തെ സംബന്ധിക്കുന്ന താല്പര്യജനകമായ മറ്റൊരു സൂചന വേദപുസ്തകം നമുക്ക് നല്‍കുന്നുണ്ട്.

അതതു കാലത്തു വിശുദ്ധസഭായോഗം വിളിച്ചുകൂട്ടേണ്ടുന്ന യഹോവയുടെ ഉത്സവങ്ങള്‍ ആവിത്. (ലേവ്യാപുസ്തകം 23:4)

കര്‍ത്താവിന്‍റെ ഏഴു ഉത്സവങ്ങള്‍ താഴെപറയും വിധമാണ്:

1. പെസഹ പെരുന്നാള്‍
2. പുളിപ്പില്ലാത്ത അപ്പത്തിന്‍റെ പെരുന്നാള്‍
3. ആദ്യഫല പെരുന്നാള്‍
4. പെന്തക്കോസ്ത് അഥവാ ആഴ്ചകളുടെ പെരുന്നാള്‍
5. കാഹളനാദ പെരുന്നാള്‍
6. പാപപരിഹാര പെരുന്നാള്‍
7. കൂടാര പെരുന്നാള

ഈ ഏഴു പെരുന്നാളുകളില്‍ ആദ്യത്തെ നാലെണ്ണം കര്‍ത്താവായ യേശുക്രിസ്തുവിനാല്‍ നിവൃത്തിയായി.

1. ദൈവത്തിന്‍റെ കുഞ്ഞാടായ യേശുവിന്‍റെ യാഗം പെസഹ പെരുന്നാളില്‍.
2. പുളിപ്പില്ലാത്ത അപ്പത്തിന്‍റെ പെരുന്നാളില്‍ യേശുവിന്‍റെ അടക്കം.
3. ആദ്യഫല പെരുന്നാളുപോലെ യേശുവിന്‍റെ പുനരുത്ഥാനം.
4. പെന്തക്കോസ്ത് നാളിലെ പരിശുദ്ധാത്മാവിന്‍റെ ഇറങ്ങിവരവ്.

ഏറ്റവും ശ്രദ്ധയേറിയ കാര്യം, യേശുവിന്‍റെ യാഗവും, അടക്കവും, പുനരുത്ഥാനവും, പരിശുദ്ധാത്മാവിന്‍റെ വരവും എല്ലാം സംഭവിച്ചത് ഈ ഉത്സവങ്ങള്‍ ആചരിച്ചുവന്ന അതേ ദിവസങ്ങള്‍ തന്നെയാണ് എന്നതാണ്.

ഇനിയും മൂന്നു ഉത്സവങ്ങള്‍ കൂടിയാണ് നിറവേറാനുള്ളത്.
അവ ഇതൊക്കയാണ്:

1. കാഹളനാദ പെരുന്നാള്‍
2. പാപപരിഹാര പെരുന്നാള്‍
3. കൂടാര പെരുന്നാള

ദൈവം "നോഹയെ ഓര്‍ത്തു എന്ന് പറയുമ്പോള്‍" (ഉല്‍പത്തി 8:1), ദൈവം നോഹയെ മറന്നുകളഞ്ഞിരുന്നു എന്നല്ല വചനം പറയുന്നത്. അല്ല, വേദഭാഗം പറയുന്നത്, നോഹയുടെ അനുസരണം നിമിത്തം, അവനുവേണ്ടി ദൈവം സംസാരിക്കുന്ന സമയം വന്നിരിക്കയാണ്. 

ദൈവം നോഹയ്ക്കുവേണ്ടി സംസാരിക്കുവാന്‍ തുടങ്ങിയപ്പോള്‍, ജലപ്രളയത്തിന്‍റെ വെള്ളം കുറയുവാന്‍ തുടങ്ങി. വിചിത്രമായി, നോഹ പെട്ടകത്തിന്‍റെ കിളിവാതില്‍ തുറന്നു ഭൂമിയുടെ ഉപരിതലം ഉണങ്ങിയിരിക്കുന്നു എന്ന് മനസ്സിലാക്കിയത് "ഒന്നാം മാസമായിരുന്നു, ഒന്നാം മാസം ഒന്നാം തീയതി ആയിരുന്നു" (ഉല്‍പത്തി 8:13). ഈ പ്രെത്യേക ദിവസം പിന്നീട് കാഹളനാദ പെരുന്നാളായി അറിയപ്പെടും. കാഹളനാദ പെരുന്നാള്‍ റോഷ് ഹഷാന എന്നും അറിയപ്പെടുന്നു, യെഹൂദന്‍റെ സിവില്‍ വര്‍ഷത്തിന്‍റെ ആരംഭം.

ചന്ദ്രനിലെ മാറ്റത്തിന്‍റെ ഘട്ടങ്ങള്‍




കാഹളനാദ പെരുന്നാളിന്‍റെ ദിനത്തില്‍, കാഹളം ഊതും. വേദപുസ്തക പണ്ഡിതന്മാര്‍ കാഹളനാദ പെരുന്നാളിനെ സഭയുടെ ഉത്പ്രാപണവുമായി ബന്ധപ്പെടുത്തിയാണ് പറഞ്ഞിരിക്കുന്നത്. അപ്പോസ്തലനായ പൌലോസ് എഴുതി,

"ഞാന്‍ ഒരു മര്‍മ്മം നിങ്ങളോടു പറയാം:
നാം എല്ലാവരും നിദ്രകൊള്ളുകയില്ല; എന്നാല്‍ അന്ത്യകാഹള നാദത്തിങ്കല്‍ പെട്ടെന്നു കണ്ണിമയ്ക്കുന്നിടയില്‍ നാം എല്ലാവരും രൂപാന്തരപ്പെടും. കാഹളം ധ്വനിക്കും; മരിച്ചവര്‍ അക്ഷയരായി ഉയിര്‍ക്കുകയും നാം രൂപാന്തരപ്പെടുകയും ചെയ്യും. (1കൊരിന്ത്യര്‍ 15:51-52)

ഓരോ വര്‍ഷവും യെഹൂദന്മാര്‍ കാഹളനാദ പെരുന്നാള്‍ ആഘോഷിക്കാറുണ്ട്. കാഹളനാദ പെരുന്നാളിന്‍റെ ദിനം അടുക്കുമ്പോള്‍ മനോവികാരങ്ങള്‍ ഉയരത്തില്‍ എത്തും. ഉത്പ്രാപണം എപ്പോള്‍ നടക്കും എന്ന് നമുക്ക് അറിയില്ല, എന്നാല്‍ ഒരു കാര്യം ഉറപ്പാണ്, കാഹളനാദ ദിനത്തില്‍ അത് സംഭവിക്കാം. ഒരുങ്ങിയിരിക്കുക എന്നതാണ് നമ്മുടെ ദൌത്യം.

[നിങ്ങളുടെ ഹൃദയത്തില്‍നിന്ന്‌ വരുന്നത് വരെ ഓരോ പ്രാര്‍ത്ഥനാ മിസൈലുകളും ആവര്‍ത്തിക്കുക. പിന്നീട് മാത്രം അടുത്ത പ്രാര്‍ത്ഥനാ മിസൈലിലേക്ക് പോകുക. അത് ആവര്‍ത്തിക്കുക, വ്യക്തിപരമാക്കുക, ഓരോ പ്രാര്‍ത്ഥനാ വിഷയത്തിനും കുറഞ്ഞത്‌ ഒരു മിനിറ്റെങ്കിലും അങ്ങനെ ചെയ്യുക].

1. ആരും നശിച്ചുപോകരുത് എന്നത് അങ്ങയുടെ ഹിതമാകയാല്‍ യേശുവിന്‍റെ നാമത്തില്‍ ഞാന്‍ അങ്ങേക്ക് നന്ദി പറയുന്നു പിതാവേ.

2. പിതാവേ, യേശുവിന്‍റെ നാമത്തില്‍, അങ്ങയെക്കുറിച്ചുള്ള പരിജ്ഞാനത്തില്‍ ജ്ഞാനത്തിന്‍റെയും വെളിപ്പാടിന്‍റെയും ആത്മാവിനെ നല്‍കേണമേ, (വ്യക്തികളുടെ പേരുകള്‍ പരാമര്‍ശിക്കുക).

3. കര്‍ത്താവിനെ സ്വീകരിക്കുന്നതില്‍ നിന്നും ആളുകളുടെ (വ്യക്തികളുടെ പേരുകള്‍ പരാമര്‍ശിക്കുക) മനസ്സിനെ മൂടുന്ന എല്ലാ ശത്രുവിന്‍റെ കോട്ടകളും തകര്‍ന്നു വീഴട്ടെ, യേശുവിന്‍റെ നാമത്തില്‍.

4. കര്‍ത്താവേ ഇവരുടെ (വ്യക്തികളുടെ പേരുകള്‍ പരാമര്‍ശിക്കുക) മേല്‍ അങ്ങയുടെ വെളിച്ചം പ്രകാശിപ്പിച്ചു, അവരെ രക്ഷിക്കേണമേ ദൈവമേ.