पेंटेकॉस्ट साठी वाट पाहणे

कधी नाही एवढया महान गुरु द्वारे शिष्यांना प्रशिक्षण दिले गेले होते. त्यांनी त्यास वधस्तंभावर दिलेले पाहिले होते आणि आता तो त्यांच्या मध्य जिवंत होता. ते किती उल्लासित झाले असतील? त्यांना असे वाटले असेन की जावे व प्रत्येकाला सांगावे की त्यांना ठाऊक आहे की येशू हा वास्तवात प्रभु व मशीहा होता. आणि तरीही प्रभूने त्यांना म्हटले, "पाहा, माझ्या पित्याने देऊ केलेली देणगी मी तुम्हांकडे पाठवितो; तुम्ही स्वर्गीय सामर्थ्याने युक्त व्हाल तोपर्यंत ह्या शहरांत राहा (वाट पाहा)." (लूक २४:४९)

ते इतके उत्साही व आवेशी होते की जावे व जगाला पुनरुत्थित प्रभु विषयी सांगावे, येशूने त्यांना सावधान केले व त्यांना प्रोत्साहन दिले की कार्य पूर्ण करण्यासाठी त्यांचे ज्ञान व सामर्थ्यावर विसंबून राहू नका परंतु त्याऐवजी यरुशलेम मध्ये थांबून राहा जोपर्यंत पवित्र आत्म्याच्या सामर्थ्याने भरून जात नाही.

आजच्या समाजात कोणालाही थांबून राहण्यास आवडत नाही, वाट पाहण्यास वेळ फुकट घालविणे असे समजले जाते, निष्फळ असे-तुम्ही कशाचेही नांव घ्या. मानवी मनाचे स्वाभाविक शब्दावडंबर हे की आपण का वाट पाहावी कारण त्याचवेळी आपण अधिक कार्य करू शकतो. आणि तरीही, देवाच्या दैवी ज्ञाना मध्ये वाट पाहणे हे सामर्थ्यशाली होऊ शकते.

प्रार्थना व उपासने मध्ये परमेश्वराची वाट पाहणे हे समर्पणाचे कृत्य आहे जे आज्ञाधारकते मधून जन्म घेते. प्रार्थना व उपासने मध्ये वचनावर मनन करीत परमेश्वराची वाट पाहणे हे शरीराच्या इच्छेला संपवून टाकू शकते. पेंटेकॉस्टचा अनुभव करीत शिष्यांचे हे टीकात्मक भाष्य होते आणि आज सुद्धा हे तसेच आहे.

यशया ४०:३०-३१ मध्ये पवित्र शास्त्र सांगते, "तरुण थकतात, भागतात; भरज्वानीतले ठेचा खातात; तरी परमेश्वराची आशा धरून राहणारे नवीन शक्ति संपादन करितील; ते गरुडाप्रमाणे पंखांनी वर उडतील; ते धावतील तरी दमणार नाहीत, चालतील तरी थकणार नाहीत."

वाट पाहण्यासाठी इब्री शब्द हा "कवा" आहे-त्याचा शब्दशः अर्थ हा की वेळ घेणे, किंवा त्याच्या उपस्थिती मध्ये घुटमळणे व स्वतःला त्याच्याबरोबर एकरूप करून घेणे. हे मनोरंजक आहे की नाही! स्तोत्र २५:५ म्हणते, "तूं आपल्या सत्पथाने मला ने, मला शिक्षण दे, कारण तूच माझा उद्धारक देव आहेस; मी तुझी नित्य प्रतीक्षा करितो."

येथे निश्चितपणे वाट पाहण्याच्या प्रक्रीयेमध्ये किंमत सामावलेली आहे आणि त्यामुळेच अनेक जणांना किंमत भरण्यास कठीण वाटते. परंतु जसे देवाच्या एका महान मनुष्याने एकदा म्हटले होते, "देवाला आज्ञाधारक समर्पण ही पात्रता किंमत आहे."

पेंटेकॉस्टच्या तयारीसाठी, तुम्ही आमच्याबरोबर तीन दिवसाच्या उपासात ( गुरुवार, शुक्रवार व शनिवार) एक होऊ शकता. आम्ही उद्या कालिदास हॉल, मुलुंड, मुंबई येथे भेटत आहोत.

प्रत्येक प्रार्थना मुद्द्यासाठी कमीत कमी २ मिनिटे आणि अधिक वेळ प्रार्थना केली पाहिजे.

वैयक्तिक आध्यात्मिक वाढ

परमेश्वरावर विसंबून राहीन व त्याच्या वचनावर मी माझी आशा धरून राहीन.

मी परमेश्वरावर विसंबून राहीन, व त्याच्या मार्गानुसार चालेन. भूमी वारशाने मिळविण्यासाठी तो मला श्रेष्ठ करेल.

आर्थिक प्रगती

माझा देव आपल्या संपत्यनुरूप माझी सर्व गरज ख्रिस्त येशूच्या ठायी गौरवाच्या द्वारे पुरवील." (फिलिप्पै. ४:१९). मी व माझ्या कुटुंबाला कोणत्याही चांगल्या गोष्टींची उणीव भासणार नाही. येशूच्या नावाने.

केएसएम चर्च

पित्या, तुझे वचन म्हणते की तू तुझ्या दिव्यदूतांना आज्ञा देशील की आमच्या मार्गात आम्हांला सांभाळावे आणि आमचे रक्षण करावे. येशूच्या नावाने, तुझ्या पवित्र देवदूतांना पास्टर मायकल, त्यांचे कुटुंब, संघ सदस्य आणि करुणा सदन सेवाकार्याशी संबंधित असणाऱ्या प्रत्येक व्यक्तीकडे पाठिव. त्यांच्या विरोधातील अंधाराच्या प्रत्येक कार्यास नष्ट कर.

राष्ट्र

पित्या, तुझी शांती आणि धार्मिकता आमच्या राष्ट्रात भरू दे. आमच्या राष्ट्राच्या विरोधातील अंधाऱ्या व विध्वंसकारक शक्ती नष्ट होऊ दे. प्रभू येशू ख्रिस्ताची सुवार्ता भारताच्या प्रत्येक शहरात आणि राज्यात पसरू दे. येशूच्या नावाने.

पेंटेकॉस्ट साठी वाट पाहणे

Most Read