पेंटेकॉस्ट चा उद्देश

पेंटेकॉस्ट चा अर्थ "पन्नासावा दिवस" आणि हा वल्हांडणानंतर पन्नास दिवसांनी येतो. पवित्र शास्त्राच्या समयात, तो सणाचा समय होता जेव्हा लोक सर्वीकडून यरुशलेमेला येताना त्यांच्याबरोबर त्यांच्या गव्हाच्या उपजचे प्रथम फळ देवाला मंदिरात अर्पण करण्यासाठी आणीत असत.

पेंटेकॉस्ट ही एक वेळ असे ओळखले जात होते जेव्हा मोशेने सीनाय पर्वतावर नियमशास्त्र प्राप्त केले, आणि इस्राएलचा देवा बरोबर विवाह झाला (निर्गम २४:१२-१८). पहिला पेंटेकॉस्ट हा भविष्यातील पेंटेकॉस्टचा प्रतिबिंब होता जेव्हा पवित्र आत्मा आला, आणि प्रभु येशू ख्रिस्ताच्या मंडळीने यरुशलेम मध्ये जन्म घेतला. पेंटेकॉस्ट हा 'मंडळीचा वाढदिवस' आहे.

देवाच्या आर्थिकव्यवस्थेमध्ये प्रत्येक गोष्टीला उद्देश आहे. पेंटेकॉस्ट ला सुद्धा उद्देश आहे. येशूने स्वर्गारोहणा अगोदर जेव्हा त्याच्या शिष्यांना एकत्र केले, तेव्हा त्याने त्यांना सांगितले, "आणि तुम्हांला सामर्थ्य प्राप्त होईल जेव्हा पवित्र आत्मा तुम्हांवर येईल...." (प्रेषित १:८).

शिष्यांना त्यांचे स्वतःचे भाष्य होते की ते त्या सामर्थ्यासह काय करतील. ते हे जाणण्यास अधिकच उत्सुक होते की येशूने आता रोमन वर्चस्वाला उलथून टाकावे व त्याचे राज्य स्थापित करावे. परंतु जसे आपल्याला ठाऊक आहे की येशूने पंत पिलातास स्पष्टपणे सांगितले होते की त्याचे राज्य हे ह्या जगाचे नाही. (योहान १८:३६)

प्रभु येशूने स्पष्टपणे याचा उल्लेख केला की पेंटेकॉस्टचा उद्देश हा होता की आपण संपूर्ण यरुशलेमेत, सर्व यहूदियात, शोमरोन व जगाच्या शेवटापर्यंत त्याचे साक्षीदार व्हावे. (प्रेषित १:८)

साक्षीदार होणे याचा काय अर्थ आहे?

साक्षीदार होणे याचा अर्थ, कोणी जे पाहिले, ऐकले व अनुभविले ते सत्य सांगणे आहे. येशूचे साक्षीदार होणे याचा अर्थ तो कोण आहे व आपला तारणारा म्हणून त्याने काय केले आहे ती सुवार्ता सांगणे आहे. पवित्र आत्मा हा उत्सुक आहे की आपला वापर करावा की ह्या भटकलेल्या व नष्ट होणाऱ्या जगाला देवाच्या प्रीतीचा चांगुलपणा घोषित करावा.

माझ्या जीवनात एक वेळ अशी आली होती जेव्हा मी आत्महत्या करण्याच्या मनस्थितीत होतो. आणि त्याचवेळेस कोणीतरी रस्त्यावर मला कृपेची सुवार्ता सांगितली. मग मला एका उपासनेला आमंत्रित करण्यात आले आणि तेव्हाच माझे जीवन पूर्णपणे बदलून गेले. काय झाले असते जर त्या मनुष्याने मला प्रभू विषयी साक्ष दिली नसती? केवळ त्याचा विचार करण्याविषयी सुद्धा माझा थरकाप होतो. पेंटेकॉस्टचा हा खरा उद्देश आहे.

प्रत्येक प्रार्थना मुद्द्यांसाठी कमीतकमी ३ मिनिटे किंवा जास्त वेळ प्रार्थना केली पाहिजे.

व्यक्तिगत आध्यात्मिक वाढ

पित्या, मी येथे आहे, तुझा आत्मा व सामर्थ्याने मला समर्थ कर. तुझा पुत्र येशू विषयी मी लोकांना सांगेन. येशूच्या नांवात. आमेन.

कुटुंबाचे तारण

माझ्या व माझ्या कुटुंबाच्या सदस्यांच्या जीवनात शांतीला अडथळा करणारी प्रत्येक शक्ती उपटून काढली जावो, येशूच्या नांवात. असे होवो की तुझी शांति माझ्या व माझ्या कुटुंबांच्या जीवनात राज्य करो.

आर्थिकतेचा नवीन मार्ग

मी आणि माझ्या कुटुंबाचे सदस्ये हे पाण्याच्या प्रवाहाजवळ लावलेले असावे. जे सर्व काही आम्ही करू ते संपन्न होईल, देवाच्या गौरवाकरिता (स्तोत्र १:३). आम्ही खचणार नाही, कारण यथाकाळी आम्ही योग्य कापणी करू. (गलती ६:९)

केएसएम चर्च

पास्टर मायकल व त्याच्या कुटुंबाचे सदस्ये, व संघ सदस्यांच्या जीवनात शांतीला अडथळा करणारी प्रत्येक शक्ती, येशूच्या नांवात उपटून काढली जावो. असे होवो की तुझी शांति त्यांच्या जीवनात राज्य करो.

देश

प्रभु येशू, तूं शांतीचा राजकुमार आहे. आमच्या देशाच्या सीमेवर शांति व्हावी म्हणून आम्ही प्रार्थना करतो. आम्ही प्रार्थना करतो की आमच्या देशाच्या प्रत्येक शहरात व राज्यात शांति राज्य करो.

पेंटेकॉस्ट चा उद्देश

Most Read