1 - Bible Commentary | Karuna Sadan

అందుకు యెహోవా, నీవు ఇశ్రాయేలీయుల పెద్దలలో కొందరిని తీసికొని ప్రజలకు ముందుగా పొమ్ము; నీవు నదిని కొట్టిన నీ కఱ్ఱను చేత పట్టుకొని పొమ్ము ఇదిగో అక్కడ హోరేబులోని బండ మీద నేను నీకు ఎదురుగా నిలిచెదను; నీవు ఆ బండను కొట్టగా ప్రజలు త్రాగుటకు దానిలో నుండి నీళ్లు బయలుదేరునని మోషేతో సెలవియ్యగా మోషే ఇశ్రాయేలీయుల పెద్దల కన్నుల యెదుట అట్లు చేసెను. (నిర్గ్మకాండము 17:5-6)

పై లేఖనాల్లో, ఇశ్రాయేలీయుల దాహాన్ని తీర్చడానికి నీళ్లు ప్రవహించేలా ఒక బండను కొట్టమని దేవుడు మోషేతో చెప్పాడు. ఇది క్రీస్తు సిలువ వేయడాన్ని ఎత్తి చూపుతుంది మరియు ఇది మన అవసరాలన్నిటికి సరఫరాదారుగా క్రీస్తును గురించి చూపిస్తుంది. కొట్టబడిన బండ నుండి ప్రవహించిన నీరు మనకు జీవితంలో కావలసినవన్నీ గురించి సూచిస్తుంది, అది ఆరోగ్యం, సమృద్ధి, మంచి బంధాలు, నూతన ఉద్యోగం. మనకు ఏది అవసరమో అది యేసు మన బండ నుండి ప్రవహిస్తుంది.

బండ యేసును గురించి సూచిస్తుందని మనకెలా తెలుసు? 1 కొరింథీయులకు 10:4 లో, అపొస్తలుడైన పౌలు ఆ బండ క్రీస్తు అని సెలవిచ్చాడు:

అందరు ఆత్మ సంబంధమైన ఒకే పానీయమును పానము చేసిరి. ఏల యనగా తమ్మును వెంబడించిన ఆత్మసంబంధమైన బండలోనిది త్రాగిరి; ఆ బండ క్రీస్తే.

తరువాత అమాలేకీయులు వచ్చి రెఫీదీములో ఇశ్రా యేలీయులతో యుద్ధము చేయగా. (నిర్గ్మకాండము 17:8)

ఇశ్రాయేలు ప్రజలు దేవుని చిత్తములో ఉన్నారు. దేవుడే వారిని నడిపిస్తున్నాడు. అలాంటప్పుడు ఎందుకు దాడి చేశారు! దేవుడిని వెంబడించడం అంటే మీరు దాడి నుండి విడుదల పొందారని కాదు, కానీ మీరు ఓటమి నుండి విడుదల పొందారని అర్థం.

మోషే యెహోషువతో మన కొరకు మనుష్యులను ఏర్పరచి వారిని తీసికొని బయలువెళ్లి అమాలేకీయులతో యుద్ధము చేయుము; రేపు నేను దేవుని కఱ్ఱను చేతపట్టుకొని ఆ కొండ శిఖరముమీద నిలిచెదననెను. (నిర్గ్మకాండము 17:9)

అద్భుతాలను చూడడానికి విజ్ఞాపన ప్రార్థన మరొక కీలకం. కలసికట్టు పరిచర్య. యెహోషువ పోరాటం - మోషే విజ్ఞాపన ప్రార్థన చేయడం - అహరోను మరియు హురు పరిచర్యకు మద్దతు ఇవ్వడం

యెహోషువ కూడా దేవుని సన్నిధిలో ఎలా ఉండాలో తెలిసిన వ్యక్తి అని గమనించండి. అతడు సన్నిధిని కలిగి ఉండే వ్యక్తి.

తరువాత మోషే ఒక బలిపీఠమును కట్టి దానికి యెహోవా నిస్సీ అని పేరు పెట్టెను. (నిర్గ్మకాండము 17:15)

పాత నిబంధనలో, YHVH (యెహోవా) పదహారు సమ్మేళనం నామములు ఉన్నాయి. దేవుని దాసుడు అయిన మోషే బలిపీఠానికి యెహోవా-నిస్సీ అని పేరు పెట్టడం ఇక్కడ మనం చూస్తున్నం. నిస్సీ అనే పదం హీబ్రూ పదం "బ్యానర్". ఇది మన యుద్ధంతో పోరాడే వ్యక్తిగా దేవుని గుర్తిస్తుంది!

అధ్యాయం 17