മതപരമായ ആത്മാവിനെ തിരിച്ചറിയുക

നമ്മുടെ ജീവിതത്തിലെ പരിശുദ്ധാത്മാവിന്‍റെ ശക്തിയ്ക്ക് പകരമായി മതപരമായ പ്രവര്‍ത്തികളെ കൊണ്ടുവരുവാന്‍ വേണ്ടി നോക്കുന്ന ഒരു ദുരാത്മാവിനെയാണ് ഒരു മതപരമായ ആത്മാവ് എന്ന് പറയുന്നത്.

ഇത് ഓര്‍ക്കുക: മതപരമായ വെറും ചടങ്ങുകള്‍ മനസ്സിനെ മാത്രം തൃപ്തിപ്പെടുത്തുന്നതും ഒരു വ്യക്തിയുടെ ജീവിതത്തില്‍ പ്രകടമായ യാതൊരു മാറ്റവും കൊണ്ടുവരാത്തതും ആകുന്നു. നമുക്ക് ചുറ്റുപാടുമുള്ള ആളുകളിലും ഇതു ഒരു മാറ്റവും കൊണ്ടുവരികയില്ല.

മറുഭാഗത്ത്, നമുക്ക് ചുറ്റുമുള്ള ആളുകള്‍ക്ക് വ്യക്തമായി മനസ്സിലാകുന്ന തരത്തിലുള്ള മാറ്റങ്ങള്‍ ദൈവത്തിന്‍റെ പരിശുദ്ധാത്മാവ് നമ്മില്‍ കൊണ്ടുവരുവാന്‍ ഇടയാകും.അവരിലും പരിശുദ്ധാത്മാവ് മാറ്റങ്ങളെ കൊണ്ടുവരും.

മതപരമായ ആത്മാവിന്‍റെ പ്രഥമമായ ലക്ഷ്യം സഭ "ഭക്തിയുടെ വേഷം ധരിക്കുവാന്‍ വേണ്ടിയാണ്, അതിന്‍റെ ശക്തിയെ അവര്‍ ത്യജിച്ചു കളഞ്ഞെങ്കില്‍പോലും". (2 തിമോഥെയോസ് 3:5).

ഈ മതപരമായ ആത്മാവ് കര്‍ത്താവ് തന്‍റെ ശിഷ്യന്മാരോടു സൂക്ഷിക്കണമെന്ന് മുന്നറിയിപ്പ് നല്‍കിയ "പരീശന്മാരുടെയും സദൂക്യരുടെയും പുളിച്ച മാവാണ്" (മത്തായി 16:6).

മതപരമായ ഒരു ആത്മാവ് നിങ്ങളെ സ്വാധീനിക്കുന്നുണ്ടോ എന്ന് നിങ്ങള്‍ക്ക് എങ്ങനെ അറിയാം:

1. വേദപുസ്തകത്തിലെ അനേകം അദ്ധ്യായങ്ങള്‍ വായിക്കുന്നുവെന്ന് അഹങ്കരിക്കയും എന്നാല്‍ വായിച്ച കാര്യങ്ങള്‍ ഒന്നും പ്രാവര്‍ത്തീകമാക്കാതിരിക്കയും ചെയ്യുക. സത്യത്തില്‍ അങ്ങനെയുള്ള ഒരു വ്യക്തി അല്‍പസമയം കഴിയുമ്പോള്‍ അവനോ അഥവാ അവളോ വായിച്ചത് എന്താണെന്ന് ഓര്‍ത്തിരിക്കുക പോലും ചെയ്യുന്നില്ല.

2. അനേകരും പല ദൈവദാസന്മാരില്‍ നിന്നും സന്ദേശങ്ങള്‍ കേള്‍ക്കാറുണ്ട് (അതില്‍ തെറ്റൊന്നുമില്ല) എന്നാല്‍ എന്താണ് കേട്ടത് എന്നതിനോട് ഒരു പ്രതികരണമോ അതിന്‍റെ അടിസ്ഥാനത്തില്‍ ഒരു പ്രവൃത്തിയോ ഉണ്ടാകുന്നില്ല.

3. നിരവധി ദൈവ ദാസിദാസന്മാര്‍ എഴുതിയ പുസ്തകങ്ങള്‍ വായിക്കുക, നിരന്തരമായി പലവിധ കോണ്‍ഫറന്‍സുകളിലും യോഗങ്ങളിലും പങ്കെടുക്കുക. ഇതിലൊന്നും ഒരു തെറ്റും പറയാനില്ല. എന്നാല്‍ പഠിച്ചതായ കാര്യങ്ങള്‍ നടപ്പിലാക്കുന്നത് എവിടെയാണ്.

4. (ഏറ്റവും നല്ലത്) മതപരമായ ആത്മാവിനാല്‍ സ്വാധീനിക്കപ്പെട്ട വ്യക്തി എല്ലാ ശാസനകളും, പ്രബോധനങ്ങളും, തിരുത്തുവാനുള്ള ഉപദേശങ്ങളും കേള്‍ക്കും എന്നിട്ട് പറയും, "ഞാന്‍ അങ്ങനെ ആഗ്രഹിക്കുന്നു അതുകൊണ്ടാണ് ഞാന്‍ ഇവിടെ ആയിരിക്കുന്നത്. ഈ സന്ദേശം അവനു വേണ്ടി (അവള്‍ക്കു വേണ്ടി) ഉള്ളതാകുന്നു".

മതപരമായ ആത്മാവ് അപ്പത്തിലെ പുളിപ്പുപോലെയാണ് പ്രവര്‍ത്തിക്കുന്നത്. ഇത് അപ്പത്തോട് എന്തെങ്കിലും പദാര്‍ത്ഥങ്ങളോ പോഷകപരമായ മൂല്യമോ കൂട്ടുന്നില്ല, മറിച്ച് ഇത് അതിനെ വര്‍ദ്ധിപ്പിക്കുക മാത്രം ചെയ്യുന്നു. അത് തന്നെയാണ് മതപരമായ ആത്മാവിന്‍റെ ഉപോത്പന്നം.

ഇത് സഭയുടെ ജീവനോ ശക്തിയോ കൂട്ടുകയില്ല, മറിച്ച് ഏദെന്‍ തോട്ടത്തില്‍ മനുഷ്യന്‍റെ വീഴ്ചയ്ക്ക് കാരണമായ മനുഷ്യന്‍റെ നിഗളത്തെ പരിപോഷിപ്പിക്കുക മാത്രമാണ് ഇത് ചെയ്യുന്നത്.

1. നിങ്ങളില്‍ പലരും അറിഞ്ഞിരിക്കുന്നതുപോലെ, 2023 ലെ ഓരോ ആഴ്ചകളിലും (ചൊവ്വ/വ്യാഴം/ശനി) നാം ഉപവസിക്കയാണ്. ഈ ഉപവാസത്തിനു അഞ്ച് പ്രധാന ലക്ഷ്യങ്ങളുണ്ട്‌.

2. ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 2 നിമിഷമോ അതിലധികമോ പ്രാവശ്യം പ്രാര്‍ത്ഥിക്കുക.

3. അതുപോലെ, നിങ്ങള്‍ ഉപവസിക്കാത്ത ദിവസങ്ങളിലും ഈ പ്രാര്‍ത്ഥനാ വിഷയങ്ങള്‍ ഉപയോഗിക്കുക.

വ്യക്തിപരമായ ആത്മീക വളര്‍ച്ച

യേശുവിന്‍റെ നാമത്തില്‍, കര്‍ത്താവിന്‍റെ വഴികളില്‍ ഞാന്‍ വളരുന്നുവെന്ന് ഞാന്‍ പ്രഖ്യാപിക്കുന്നു. എനിക്ക് വിരോധമായി ഉണ്ടാക്കുന്ന യാതൊരു ആയുധവും ഫലിക്കയില്ല.

കുടുംബത്തിന്‍റെ രക്ഷ

യേശുവിന്‍റെ നാമത്തില്‍, ഞാനും എന്‍റെ കുടുംബവും സഭയും പലവിധ ഉപദേശങ്ങളുടെ കാറ്റുകളാലോ അഥവാ മനുഷ്യരുടെ കൌശലങ്ങളാലോ അങ്ങോട്ടും ഇങ്ങോട്ടും ചാഞ്ചാടുകയോ മാറിപോകുകയോ ചെയ്യുകയില്ല എന്ന് ഞാന്‍ പ്രഖ്യാപിക്കുന്നു.

യേശുവിന്‍റെ നാമത്തില്‍, ഞാനും എന്‍റെ കുടുംബാംഗങ്ങളും സഭയും കൌശലപരമായ തന്ത്രങ്ങളില്‍ നിന്നും വഞ്ചനാപരമായ ഗൂഡാലോചനയില്‍ നിന്നും സംരക്ഷിക്കപ്പെടുകയും സൂക്ഷ്മതയോടെ മറച്ചുവെച്ചിരിക്കുന്ന അസത്യങ്ങളെ ഞങ്ങള്‍ വ്യക്തമായി കാണുകയും അവയെ പൂര്‍ണ്ണമായി ത്യജിക്കയും ചെയ്യുമെന്ന് ഞാന്‍ പ്രഖ്യാപിക്കുന്നു.

സാമ്പത്തീകമായ മുന്നേറ്റം

എന്‍റെ ദൈവമോ എന്‍റെയും എന്‍റെ കുടുംബാംഗങ്ങളുടെയും ബുദ്ധിമുട്ടൊക്കെയും മഹത്ത്വത്തോടെ തന്‍റെ ധനത്തിനൊത്തവണ്ണം ക്രിസ്തുയേശുവിൽ പൂർണമായി തീർത്തുതരും.

കെ എസ് എം സഭ

പിതാവേ, അങ്ങയുടെ ജനത്തിന്‍റെ ഇടയില്‍ അത്ഭുതങ്ങളും അടയാളങ്ങളും വീര്യ പ്രവൃത്തികളും ഉണ്ടാകുന്ന തരത്തിലുള്ള അങ്ങയുടെ ആത്മാവിന്‍റെ ഒരു പുതിയ അഭിഷേകത്താല്‍ പാസ്റ്റര്‍ മൈക്കിളിനേയും തന്‍റെ ടീമിലെ അംഗങ്ങളേയും അഭിഷേകം ചെയ്യേണമേ. ഇത് മുഖാന്തിരം ആളുകള്‍ അങ്ങയുടെ രാജ്യത്തോട് ചേര്‍ക്കപ്പെടുവാന്‍ ഇടയാക്കേണമേ. യേശുവിന്‍റെ നാമത്തില്‍.

രാജ്യം

പിതാവേ, യേശുവിന്‍റെ നാമത്തില്‍, ഇന്ത്യയിലെ ഓരോ പട്ടണങ്ങളിലും സംസ്ഥാനങ്ങളിലുമുള്ള ആളുകളുടെ ഹൃദയത്തെ അങ്ങയിലേക്ക് തിരിക്കേണമേയെന്നു ഞാന്‍ പ്രാര്‍ത്ഥിക്കുന്നു. അവര്‍ തങ്ങളുടെ പാപങ്ങളില്‍ നിന്നും അനുതപിക്കയും യേശുവിനെ തങ്ങളുടെ രക്ഷിതാവും കര്‍ത്താവുമായി ഏറ്റുപറയുകയും ചെയ്യേണമേ.

മതപരമായ ആത്മാവിനെ തിരിച്ചറിയുക

Most Read