അനുദിന മന്ന
1
0
1438
സമാധാനം - ദൈവത്തിന്‍റെ രഹസ്യ ആയുധം
Thursday, 15th of June 2023
1
0
1438
Categories :
Peace
നല്ലതായ ജീവിത സൌകര്യങ്ങളുള്ള ഒരു മനുഷ്യനുമായി സുവിശേഷം പങ്കുവെക്കുമ്പോള്‍, ആര്‍ക്കും തരുവാന്‍ സാധിക്കാത്ത സമാധാനം നിങ്ങള്‍ക്ക് തരുവാന്‍ കര്‍ത്താവായ യേശുക്രിസ്തുവിനു കഴിയുമെന്ന് ഞാന്‍ പരാമര്‍ശിക്കുകയുണ്ടായി. അവന്‍ പരിഹാസത്തോടെ തന്‍റെ മൂക്ക് വിറപ്പിച്ചുകൊണ്ട്‌ ഇങ്ങനെ പറയുന്നതായി തോന്നി, "സമാധാനം, അത് വളരെ മടുപ്പിക്കുന്നതാകുന്നു". "ഈ "സമാധാനമാണ്" നിങ്ങളെ ചിതറിപോകുന്നതില്‍ നിന്നും തടയുന്നത്. ചിലത് പൂര്‍ത്തിയാക്കുവാനുള്ള സമയപരിധി ഉണ്ടാകുക, സാമ്പത്തീക ലക്ഷ്യങ്ങളില്‍ കബളിപ്പിക്കപ്പെടുക, അതുപോലെ നിങ്ങളുടെ സമാധാനത്തെ പൂര്‍ണ്ണമായി അപഹരിക്കുവാന്‍ കഴിയുന്ന ബന്ധങ്ങള്‍ ഇവയെല്ലാം നിങ്ങളെ നിരാശയില്‍ മുക്കിക്കളയും". ഒരു നിമിഷത്തേക്ക് അവന്‍ പുറംതിരിഞ്ഞ് നിന്നുവെങ്കിലും, പിന്നീട് അവന്‍ സമ്മതിച്ചു.
ലഭ്യമായ അനവധി വിനോദമാര്‍ഗ്ഗങ്ങളുടെ നടുവിലും, ഇപ്പോള്‍ ഉള്ളതുപോലെ നിരാശിതരായ നിരവധി ആളുകള്‍ മുന്‍കാലങ്ങളില്‍ ഉണ്ടായിട്ടില്ല.
സമാധാനം നിറഞ്ഞതായ ഒരു ജീവിതം അപ്രതീക്ഷിതമായി സംഭവിക്കുന്നതല്ല; ദിനംതോറും നാം എടുക്കേണ്ടതായ തീരുമാനങ്ങളുണ്ട്. ദൈവത്തിങ്കലേക്ക്‌ അനുദിനവും വരുവാനുള്ള തീരുമാനം ഉണ്ടാകണം. അനുദിനവും നമ്മുടെ മനസ്സ് ദൈവത്തിന്‍റെ വചനത്തില്‍ സ്ഥിരപ്പെടുത്തുവാനുള്ള തീരുമാനങ്ങള്‍. നമുക്ക് ചുറ്റും എന്തുതന്നെ സംഭവിച്ചാലും അനുദിനവും അവനില്‍ ആശ്രയിക്കുവാനുള്ള തീരുമാനം.
ഞാന്‍ മുന്‍പ് പരാമര്‍ശിച്ചതുപോലെ, സമാധാനം സ്വാഭാവീകമായി വരികയില്ല. ഈ കാരണത്താലാണ് വചനം നമ്മെ ഇങ്ങനെ നിര്‍ബന്ധിക്കുന്നത് "സമാധാനം അന്വേഷിച്ചു പിന്തുടരുക" (സങ്കീര്‍ത്തനം 34:14). ഇപ്പോള്‍ ചിലര്‍ ഇങ്ങനെയുള്ള ഉപദേശങ്ങള്‍ നല്കുമായിരിക്കാം, "കുറച്ചു ദിവസങ്ങള്‍ നിങ്ങള്‍ മാറി നില്‍ക്കുക, വിശ്രമിക്കുക, ഒരു അവധിയെടുക്കുക, സമ്മര്‍ദ്ദം നല്‍കുന്ന കാര്യങ്ങളെക്കുറിച്ച് ചിന്തിക്കാതിരിക്കുക". അതില്‍ കുഴപ്പം ഒന്നുംതന്നെയില്ല, എന്നാല്‍ നിങ്ങള്‍ നോക്കുക, ഇത് കേവലം താല്ക്കാലീകമായ ഒരു പരിഹാരമാകുന്നു, അത് ദീര്‍ഘകാലം നീണ്ടുനില്‍ക്കയില്ല. ദൈവം നല്‍കുന്ന സമാധാനം വ്യത്യസ്തമായതാകുന്നു - അത് യാഥാര്‍ഥ്യവും നിലനില്‍ക്കുന്നതും ആകുന്നു.
ദൈവം നല്‍കുന്നതായ സമാധാനത്തില്‍ നിങ്ങള്‍ അനുദിനവും നടക്കുമ്പോള്‍, നിങ്ങള്‍ ഇപ്പോള്‍ ആയിരിക്കുന്ന പോരാട്ടം വേഗത്തില്‍ നിങ്ങളെ പോഷിപ്പിക്കയും പണിയുകയും ചെയ്യുന്ന ഒരു കൂട്ടായ്മയുടെ ഭോജനമായി മാറും. സങ്കീര്‍ത്തനം 23 ല്‍, അവന്‍ "മരണനിഴലില്‍" തന്നെ നില്‍ക്കുവാന്‍ ഇടയായി, എന്നിട്ടും അവന്‍ "ഒരു അനര്‍ത്ഥവും ഭയപ്പെടുന്നില്ല". പിന്നീട് അവന്‍ പറയുന്നു, "എന്‍റെ ശത്രുക്കൾ കാൺകെ നീ എനിക്കു വിരുന്നൊരുക്കുന്നു".
കര്‍ത്താവായ യേശു സമാധാനപ്രഭു ആകുന്നു. ദിനംതോറും രാവിലെ അവനെ അന്വേഷിക്കുവാന്‍ എന്തുകൊണ്ട് സമയം കണ്ടെത്തിക്കൂടാ; അങ്ങനെ ചെയ്‌താല്‍ നിങ്ങളുടെ വാതില്‍ക്കല്‍ മുട്ടുന്ന എന്തിനേയും ധൈര്യത്തോടെ അഭിമുഖീകരിക്കുവാന്‍ നിങ്ങള്‍ക്ക് സാധിക്കും.
പ്രാര്‍ത്ഥന
ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി 2 നിമിഷമോ അതിലധികമോ കുറഞ്ഞത്‌ നാം പ്രാര്‍ത്ഥിക്കണം.
വ്യക്തിപരമായ ആത്മീക വളര്‍ച്ച
സമാധാനത്തിന്‍റെ ദൈവംതന്നെ നിങ്ങളെ മുഴുവനും ശുദ്ധീകരിക്കുമാറാകട്ടെ; നിങ്ങളുടെ ആത്മാവും പ്രാണനും ദേഹവും അശേഷം നമ്മുടെ കർത്താവായ യേശുക്രിസ്തുവിന്‍റെ പ്രത്യക്ഷതയിൽ അനിന്ദ്യമായി വെളിപ്പെടുംവണ്ണം കാക്കപ്പെടുമാറാകട്ടെ. (1 തെസ്സലൊനീക്യര്‍ 5:23).
കുടുംബത്തിന്‍റെ രക്ഷ
പിതാവേ, അങ്ങയുടെ വചനം പറയുന്നു, "പിതാവ് ആകർഷിച്ചിട്ടല്ലാതെ ആർക്കും യേശുവിന്‍റെ അടുക്കൽ വരുവാൻ കഴികയില്ല" (യോഹന്നാന്‍ 6:44). എന്‍റെ കുടുംബത്തിലെ എല്ലാ അംഗങ്ങളെയും അങ്ങയുടെ പുത്രനായ യേശുവിങ്കലേക്ക് ആകര്‍ഷിക്കണമെന്ന് ഞാന്‍ പ്രാര്‍ത്ഥിക്കുന്നു, അങ്ങനെ അവര്‍ അങ്ങയെ വ്യക്തിപരമായി അറിയുകയും അങ്ങയോടുകൂടി നിത്യത ചിലവഴിക്കയും ചെയ്യും.
സാമ്പത്തീകമായ മുന്നേറ്റം
ഫലമില്ലാത്തതും ലാഭമില്ലാത്തതുമായ അദ്ധ്വാനത്തില്‍ നിന്നും കര്‍ത്താവേ എന്നെ വിടുവിക്കേണമേ യേശുവിന്‍റെ നാമത്തില്‍. എന്‍റെ കൈകളുടെ പ്രവര്‍ത്തികളെ ദയവായി അനുഗ്രഹിക്കേണമേ.
ഇന്നുമുതല്‍ എന്‍റെ ജോലിയുടെയും ശുശ്രൂഷയുടെയും ആരംഭം മുതലുള്ള എല്ലാ നിക്ഷേപങ്ങളും അദ്ധ്വാനങ്ങളും അതിന്‍റെ പൂര്‍ണ്ണമായ നേട്ടം നല്‍കുവാന്‍ ആരംഭിക്കും യേശുവിന്‍റെ നാമത്തില്‍.
കെ എസ് എം സഭ:
പിതാവേ, യേശുവിന്‍റെ നാമത്തില്‍, പാസ്റ്റര്‍. മൈക്കിളും, തന്‍റെ കുടുംബാംഗങ്ങളും അദ്ദേഹത്തിന്‍റെ എല്ലാ ടീമംഗങ്ങളും നല്ല ആരോഗ്യത്തോടെ ഇരിക്കണമെന്ന് ഞാന്‍ പ്രാര്‍ത്ഥിക്കുന്നു. അങ്ങയുടെ സമാധാനം അവരേയും അവരുടെ കുടുംബാംഗങ്ങളെയും ചുറ്റുമാറാകട്ടെ.
രാജ്യം:
പിതാവേ, യേശുവിന്‍റെ നാമത്തില്‍, ഞങ്ങളുടെ രാജ്യത്തെ ഭരിക്കുവാന്‍ ജ്ഞാനവും വിവേകവുമുള്ള നേതൃത്വത്തെ, സ്ത്രീ പുരുഷന്മാരെ എഴുന്നെല്‍പ്പിക്കേണമേ.
Join our WhatsApp Channel
Most Read
● ഭൂമിയുടെ ഉപ്പ് അല്ലെങ്കില്‍ ഉപ്പുതൂണ്‍● മല്ലന്മാരുടെ വംശം
● വിശ്വസിക്കുവാനുള്ള നിങ്ങളുടെ ശേഷി വിസ്തൃതമാക്കുന്നത് എങ്ങനെയാണ്.
● നിങ്ങളുടെ പ്രതികാരം ദൈവത്തിനു കൊടുക്കുക
● മാതൃകയാല്‍ നയിക്കുക
● അനുഗ്രഹിക്കപ്പെട്ട വ്യക്തി
● വിശ്വാസത്താലുള്ള നടപ്പ്
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2025 Karuna Sadan, India.