അനുദിന മന്ന
1
0
894
നിങ്ങളുടെ വിടുതലിനെ ഇനി തടയുവാന്‍ കഴിയുകയില്ല
Thursday, 13th of July 2023
1
0
894
Categories :
Deliverance
Divine Assignment
ദിവസം കര്‍ത്താവായ യേശു തന്‍റെ ശിഷ്യന്മാരില്‍ രണ്ടുപേരെ അയച്ചുകൊണ്ട് പറഞ്ഞു, "അവൻ ഒലിവുമലയരികെ ബേത്ത്ഫാഗയ്ക്കും ബേഥാന്യക്കും സമീപിച്ചപ്പോൾ ശിഷ്യന്മാരിൽ രണ്ടു പേരെ അയച്ചു: നിങ്ങൾക്ക് എതിരേയുള്ള ഗ്രാമത്തിൽ ചെല്ലുവിൻ; അതിൽ കടക്കുമ്പോൾ ആരും ഒരിക്കലും കയറീട്ടില്ലാത്ത ഒരു കഴുതക്കുട്ടിയെ കെട്ടിയിരിക്കുന്നതു കാണും; അതിനെ അഴിച്ചു കൊണ്ടുവരുവിൻ. അതിനെ അഴിക്കുന്നത് എന്ത് എന്ന് ആരെങ്കിലും നിങ്ങളോടു ചോദിച്ചാൽ: കർത്താവിന് ഇതിനെക്കൊണ്ട് ആവശ്യം ഉണ്ട് എന്നു പറവിൻ എന്നു പറഞ്ഞു". (ലൂക്കോസ് 19:29-31).
ഞാന്‍ പറയുവാന്‍ ആഗ്രഹിക്കുന്ന ഒന്നാമത്തെ കാര്യം ഇത് പരിജ്ഞാനത്തിന്‍റെ വചനത്തിന്‍റെ ഉത്കൃഷ്ടമായ ഒരു ഉദാഹരണമാകുന്നു എന്നതാണ്. എവിടേക്ക് പോകണം, ദിശ എന്താകുന്നു, അവിടെ എന്ത് ഉണ്ടായിരിക്കും, അവസ്ഥ എന്തായിരിക്കും എന്നതിനെ സംബന്ധിച്ച് യേശു വ്യക്തമായ നിര്‍ദ്ദേശമാണ് നല്‍കിയത് എന്ന കാര്യം ശ്രദ്ധിക്കുക. യേശു വ്യക്തിപരമായി ആ സ്ഥലത്ത് പോകാതെയും അഥവാ ഏതെങ്കിലും മുന്‍ പരിചയം ഇല്ലാതേയുമാണ് ഇതെല്ലാം പറഞ്ഞത്. നമ്മുടെ കര്‍ത്താവിന്‍റെ പ്രാവചനീക കൃത്യതയില്‍ ഞാന്‍ പലപ്പോഴും അത്ഭുതപ്പെടാറുണ്ട്.
നിങ്ങള്‍ ശ്രദ്ധിക്കണമെന്ന് ഞാന്‍ ആഗ്രഹിക്കുന്ന അടുത്തതായ കാര്യം കഴുതക്കുട്ടി "കെട്ടപ്പെട്ടിരുന്നു" എന്നുള്ളതാണ്. ശിഷ്യന്മാരുടെ ദൌത്യം ആ കഴുതക്കുട്ടിയെ കെട്ടഴിച്ചു വിടുവിക്കുക എന്നുള്ളതായിരുന്നു. അങ്ങനെ വിടുവിക്കുന്നതായ പ്രക്രിയയ്ക്ക് എന്തെങ്കിലും എതിര്‍പ്പുണ്ടായാല്‍, വിടുതലിന്‍റെ ഉദ്ദേശം അവര്‍ പറയണമായിരുന്നു -അത് കര്‍ത്താവിനു അതിനെകൊണ്ട് ആവശ്യമുണ്ട് എന്നതായിരുന്നു.
സാത്താന്യ ശക്തിയില്‍ നിന്നും വിടുതല്‍ ആവശ്യമായിരുന്ന ഒരു സ്ത്രീയ്ക്കുവേണ്ടി ഒരു ദിവസം പ്രാര്‍ത്ഥിച്ചത് ഞാന്‍ ഓര്‍ക്കുന്നു. യേശുവിന്‍റെ നാമത്തില്‍ ആ പിശാചിനോട്‌ പുറത്തുപോകുവാന്‍ ഞാന്‍ കല്പിച്ചപ്പോള്‍, ഒരു ശബ്ദം കേള്‍ക്കുവാന്‍ ഇടയായി. അത് ഒരു പുരുഷന്‍ ഇപ്രകാരം പറയുന്ന ശബ്ദംപോലെ തോന്നി, "അവള്‍ എന്‍റെതാകുന്നു. ഞാന്‍ അവളെ വിടുകയില്ല". ആ സമയം ഈ വചനം പെട്ടെന്ന് എന്‍റെ മനസ്സിലേക്ക് വന്നു. കഴുതയെ അഴിക്കുന്നത് തടയുന്നത് ചോദ്യം ചെയ്യുന്ന ആരോടും, "കർത്താവിന് ഇതിനെക്കൊണ്ട് ആവശ്യം ഉണ്ട്" എന്നു ശിഷ്യന്മാര്‍ പറയണമായിരുന്നു. ഞാന്‍ മറുപടി പറഞ്ഞു, "കര്‍ത്താവിനു അവളെ ആവശ്യമുണ്ട്, അവളെ വിടുക". പെട്ടെന്ന്, ദുഷ്ട ശക്തി അവളെ വിട്ടുപോകുകയും, അവള്‍ സ്വതന്ത്രയാകുകയും ചെയ്തു.
ആ കഴുതയെപോലെ, നിങ്ങള്‍ക്കും കര്‍ത്താവിനാല്‍ നല്‍കപ്പെട്ട ഒരു ദൌത്യം നിങ്ങളുടെ ജീവിതത്തിലുണ്ട്, അത് കര്‍ത്താവിനെ സേവിക്കുവാനാണ്. നിങ്ങള്‍ ഈ ഭൂമിയിലേക്ക്‌ വന്നത് ഒരു ദൈവീക നിയോഗത്താല്‍ ആകുന്നുവെന്നും അത് പൂര്‍ത്തിയാക്കുവാന്‍ നിങ്ങള്‍ക്കല്ലാതെ മറ്റാര്‍ക്കും കഴിയുകയില്ല എന്നുമുള്ളതായ സത്യം നിങ്ങളുടെ ആത്മാവില്‍ ആഴത്തില്‍ പതിപ്പിക്കുവാന്‍ നിങ്ങള്‍ക്ക് സാധിക്കുമെങ്കില്‍, നിങ്ങള്‍ക്കു വിടുതല്‍ ലഭിക്കുക മാത്രമല്ല മറിച്ച് നിങ്ങളുടെ നിയോഗങ്ങളില്‍ നടക്കുവാനും ഇടയായിത്തീരും.
നിങ്ങളുടെ ഇപ്പോഴത്തെ സാഹചര്യത്തെയോ അഥവാ ഇപ്പോഴത്തെ സ്ഥലത്തെയോ നോക്കേണ്ട ആവശ്യമില്ല. നിങ്ങളുടെ ജീവിതത്തില്‍ നിങ്ങള്‍ക്ക് ഒരു ദൈവീകമായ ദൌത്യം ഉണ്ടെന്ന് അറിയുക മാത്രം ചെയ്യുക. കാര്യങ്ങള്‍ മാറുവാനായി തുടങ്ങും.
കെട്ടു അഴിക്കപ്പെട്ട ഇതേ കഴുതയെ തന്നെയാണ് തന്‍റെ യെരുശലേം പ്രവേശനത്തിനായി കര്‍ത്താവ് ഉപയോഗിക്കുന്നത്. ദൈവത്തിന്‍റെ മഹത്വം പ്രഖ്യാപിക്കുവാന്‍ ദൈവം നിങ്ങളേയും ഉപയോഗിക്കും. (ലൂക്കോസ് 19:37-38).
പ്രാര്‍ത്ഥന
ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 2 നിമിഷമോ അതിലധികമോ പ്രാവശ്യം പ്രാര്‍ത്ഥിക്കുക.
വ്യക്തിപരമായ ആത്മീക വളര്‍ച്ച
ദൈവത്തിനു എന്നെ ആവശ്യമുണ്ട്. എന്‍റെ ജീവിതത്തില്‍ എനിക്കൊരു ദൈവീകമായ നിയോഗമുണ്ട്. എന്‍റെമേലുള്ള ദൈവീകമായ ദൌത്യങ്ങളെ യേശുവിന്‍റെ നാമത്തില്‍ ഞാന്‍ പൂര്‍ത്തീകരിക്കും. ഞാന്‍ ദൈവത്തിന്‍റെ മഹത്വത്തെ പ്രസിദ്ധപ്പെടുത്തുന്നവന്‍ ആകുന്നു.
പിതാവേ. എന്‍റെമേലും എന്‍റെ കുടുംബാംഗങ്ങളുടെമേലും ഒരു പുതിയ രീതിയില്‍ അങ്ങയുടെ ആത്മാവിനെ പകരേണമേ. അതുപോലെ മെയ്‌ 28-ാം തീയതിയിലെ പെന്തകോസ്ത് ആരാധനയില്‍ പങ്കെടുക്കുന്ന സകലരുടെമേലും അങ്ങയുടെ ആത്മാവിനെ ചൊരിയേണമേ.
കുടുംബത്തിന്‍റെ രക്ഷ
പിതാവാം ദൈവമേ, ക്രിസ്തുവിന്‍റെ സത്യം അംഗീകരിക്കേണ്ടതിനു എന്‍റെ എല്ലാ കുടുംബാംഗങ്ങളുടെയും ഹൃദയത്തില്‍ അവിടുന്ന് ചലിക്കണമെന്ന് ഞാന്‍ അങ്ങയോടു അപേക്ഷിക്കുന്നു. "യേശുക്രിസ്തുവിനെ കര്‍ത്താവും, ദൈവവും, രക്ഷിതാവുമായി അറിയുവാനുള്ള ഒരു ഹൃദയം അവര്‍ക്ക് നല്‍കേണമേ. തങ്ങളുടെ മുഴു ഹൃദയത്തോടെ അങ്ങയിലേക്ക് തിരിയുവാന്‍ അവരെ ഇടയാക്കേണമേ".
അന്നാളിൽ അവന്‍റെ ചുമടു നിന്‍റെ തോളിൽനിന്നും അവന്‍റെ നുകം നിന്‍റെ കഴുത്തിൽനിന്നും നീങ്ങിപ്പോകും; പുഷ്‍ടിനിമിത്തം നുകം തകർന്നുപോകും. (യെശയ്യാവ് 10:27).
സാമ്പത്തീകമായ മുന്നേറ്റം
സമ്പത്തുണ്ടാക്കുവാന്‍ ശക്തി നല്‍കുന്നത് അവിടുന്നാകയാല്‍ പിതാവേ ഞാന്‍ അങ്ങേയ്ക്ക് നന്ദി പറയുന്നു. സമ്പത്തുണ്ടാക്കുവാന്‍ ആവശ്യമായ ബലം ഇപ്പോള്‍ എന്‍റെമേല്‍ വീഴുമാറാകട്ടെ. യേശുവിന്‍റെ നാമത്തില്‍. (ആവര്‍ത്തനം 8:18).
എന്‍റെ അവകാശം ശാശ്വതമായിരിക്കും.ദുഷ്കാലത്ത് ഞാന്‍ ലജ്ജിച്ചുപോകയില്ല; ക്ഷാമകാലത്ത് ഞാനും എന്‍റെ കുടുംബാംഗങ്ങളും തൃപ്തരായിരിക്കും. (സങ്കീര്‍ത്തനം 37:18-19).
എന്‍റെ ദൈവമോ എന്‍റെ ബുദ്ധിമുട്ടൊക്കെയും മഹത്ത്വത്തോടെ തന്‍റെ ധനത്തിനൊത്തവണ്ണം ക്രിസ്തുയേശുവിൽ പൂർണമായി തീർത്തുതരും. (ഫിലിപ്പിയര്‍ 4:19).
കെ എസ് എം സഭ
പിതാവേ, യേശുവിന്‍റെ നാമത്തില്‍,പാസ്റ്റര്‍.മൈക്കിളിനെയും, തന്‍റെ കുടുംബാംഗങ്ങളേയും, ടീം അംഗങ്ങളേയും, കരുണാ സദന്‍ മിനിസ്ട്രിയുമായി ബന്ധപ്പെട്ട ഓരോ വ്യക്തികളേയും അഭിവൃദ്ധിപ്പെടുത്തേണമേ.
രാജ്യം
പിതാവേ, അങ്ങയുടെ വചനം പറയുന്നു, ഭരണകര്‍ത്താക്കളെ ഉന്നതമായ ബഹുമാന്യമായ സ്ഥാനത്തു നിയോഗിക്കുന്നത് അവിടുന്നാകുന്നു, നേതാക്കളെ തങ്ങളുടെ ഉന്നതമായ സ്ഥാനത്തുനിന്നും നീക്കം ചെയ്യുന്നതും അങ്ങ് തന്നെയാകുന്നു. അതെ ദൈവമേ, ഞങ്ങളുടെ രാജ്യത്തിലെ ഓരോ സംസ്ഥാനത്തിലും പട്ടണങ്ങളിലും ശരിയായ നേതാക്കളെ അവിടുന്ന് എഴുന്നെല്‍പ്പിക്കേണമേ. യേശുവിന്‍റെ നാമത്തില്‍. ആമേന്‍.
നിങ്ങളുടെ ദേശത്തിനായി പ്രാര്‍ത്ഥിക്കുവാന്‍ ചില സമയങ്ങള്‍ എടുക്കുക.
Join our WhatsApp Channel
Most Read
● മറ്റുള്ളവരിലേക്ക് പകരുന്നത് നിര്‍ത്തരുത്● ശ്രദ്ധയോടെയുള്ള തിരച്ചില്‍
● നിങ്ങള്‍ ആരുടെകൂടെയാണ് നടക്കുന്നത്?
● വൈകാരിക തകര്‍ച്ചയുടെ ഇര
● കൃപമേല്‍ കൃപ
● യേശു ശരിക്കും ഒരു വാള്‍ കൊണ്ടുവരുവാനാണോ വന്നത്?
● ഉത്പ്രാപണം (യേശുവിന്‍റെ മടങ്ങിവരവ്) എപ്പോള്‍ സംഭവിക്കും?
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2024 Karuna Sadan, India.