english हिंदी मराठी తెలుగు தமிழ் ಕನ್ನಡ Contact us ഞങ്ങളെ ബന്ധപ്പെടുക സ്പോട്ടിഫൈയില്‍ ശ്രവിക്കുക സ്പോട്ടിഫൈയില്‍ ശ്രവിക്കുക Download on the App StoreiOS ആപ് Get it on Google Play ആന്‍ഡ്രോയ്ഡ് ആപ്
 
ലോഗിൻ
ഓണ്‍ലൈനിലൂടെ നല്‍കുക
ലോഗിൻ
  • ഹോം
  • സംഭവങ്ങള്‍
  • ലൈവ്
  • റ്റി വി
  • നോഹട്യൂബ്
  • സ്തുതികള്‍
  • വാര്‍ത്തകള്‍
  • മന്ന
  • പ്രാര്‍ത്ഥനകള്‍
  • ഏറ്റുപറച്ചില്‍
  • സ്വപ്‌നങ്ങള്‍
  • ഇ ബുക്കുകള്‍
  • ബൈബിൾ
  • ചരമക്കുറിപ്പുകള്‍
  • മരുപ്പച്ച
  1. ഹോം
  2. അനുദിന മന്ന
  3. മറക്കുന്നതിലെ അപകടങ്ങള്‍
അനുദിന മന്ന

മറക്കുന്നതിലെ അപകടങ്ങള്‍

Friday, 11th of August 2023
1 0 896
Categories : Character Faithfullness Thanksgiving
മനമേ, യഹോവയെ വാഴ്ത്തുക; അവന്‍റെ ഉപകാരങ്ങൾ ഒന്നും മറക്കരുത്. (സങ്കീര്‍ത്തനം 103:2).

ദൈവം തനിക്കുവേണ്ടി ചെയ്‌തതായ ഉപകാരങ്ങള്‍ ഒരിക്കലും മറക്കാതിരിക്കാനായി ദാവീദ് പ്രാര്‍ത്ഥിക്കുകയും സമര്‍പ്പിക്കുകയും ചെയ്തു. നമ്മുടെ ജീവിതത്തിലും ദൈവത്തിന്‍റെ നന്മകള്‍ ഒരിക്കലും മറക്കാതിരിക്കാന്‍ നാമും പ്രാര്‍ത്ഥിക്കുകയും അതേ രീതിയില്‍ സമര്‍പ്പിക്കുകയും വേണം. 

ഞങ്ങൾ മിസ്രയീമിൽവച്ചു വിലകൂടാതെ തിന്നിട്ടുള്ള മത്സ്യം, വെള്ളരിക്കാ, മത്തങ്ങാ, ഉള്ളി, ചുവന്നുള്ളി, ചിറ്റുള്ളി എന്നിവ ഞങ്ങൾ ഓർക്കുന്നു. ഇപ്പോഴോ ഞങ്ങളുടെ പ്രാണൻ പൊരിഞ്ഞിരിക്കുന്നു; ഈ മന്ന അല്ലാതെ ഒന്നും കാൺമാനില്ല എന്നു പറഞ്ഞു. (സംഖ്യാപുസ്തകം 11:5-6). 

തങ്ങള്‍ കഴിച്ച മത്സ്യം, വെള്ളരിക്കാ, മത്തങ്ങാ, ഉള്ളി, ചുവന്നുള്ളി, ചിറ്റുള്ളി എന്നിവയുടെ വില എന്താണെന്ന് എത്ര പെട്ടെന്നാണ് യിസ്രായേല്‍ ജനം മറന്നുപോയത്. മനുഷ്യത്വരഹിതമായ സാഹചര്യങ്ങളില്‍ അടിമകളായി ജീവിക്കുന്നതിനു അവര്‍ക്ക് വലിയ വില നല്‍കേണ്ടതായി വന്നു. അത്രയും വലിയൊരു വില കൊടുക്കുവാന്‍ അവര്‍ക്ക് കഴിയാതിരുന്നതുകൊണ്ട്, അവര്‍ പലപ്പോഴും വിടുതലിനായി യഹോവയോടു നിലവിളിക്കുവാന്‍ ഇടയായി. 

യഹോവ അവരെ വിടുവിച്ചുകഴിഞ്ഞപ്പോള്‍, ദൈവം തങ്ങള്‍ക്കുവേണ്ടി ചെയ്ത കാര്യം അവര്‍ സൌകര്യപൂര്‍വ്വം മറക്കുകയും, മിസ്രയിമില്‍ അവര്‍ വിട്ടിട്ടുപോന്ന കാര്യങ്ങളെ 'നന്മകള്‍' എന്ന് പറഞ്ഞുകൊണ്ട് അതിനായി നിലവിളിക്കുകയും ചെയ്തു. അവര്‍ മിസ്രയിമിലെ ആഹാരത്തെക്കുറിച്ച് ഓര്‍ത്തുവെങ്കിലും ദൈവം അവര്‍ക്കായി അവിടെ ചെയ്ത ശക്തമായ വിടുതലിനെ അവര്‍ ഓര്‍ത്തില്ല എന്നത് വിചിത്രമായ കാര്യമല്ലേ?

ദൈവം നമുക്കായി ചെയ്ത നന്മകള്‍ മറക്കുന്നത് പാപമാകുന്നു എന്ന് എനിക്ക് ബോധ്യമുണ്ട്.

1. മറക്കുക എന്നത് അവിശ്വാസത്തിലേക്കും മത്സരത്തിലേക്കും നയിക്കുന്നു.
യിസ്രായേല്‍ മക്കള്‍ നിരവധി അത്ഭുതങ്ങള്‍ക്ക് സാക്ഷ്യം വഹിച്ചിട്ടുണ്ടെങ്കിലും, അവര്‍ "അവന്‍റെ അദ്ഭുതങ്ങളെ ഗ്രഹിക്കാതെയും അവന്‍റെ മഹാദയയെ ഓർക്കാതെയും കടല്ക്കരയിൽ, ചെങ്കടല്ക്കരയിൽ വച്ചുതന്നെ മത്സരിച്ചു". (സങ്കീര്‍ത്തനം 106:7).

2.മറവി നമ്മെ വിഡ്ഢിത്തമായി പ്രവര്‍ത്തിക്കുവാന്‍ പ്രേരിപ്പിക്കുന്നു.
എങ്കിലും അവർ വേഗത്തിൽ അവന്‍റെ പ്രവൃത്തികളെ മറന്നു; അവന്‍റെ ആലോചനയ്ക്ക് കാത്തിരുന്നതുമില്ല. (സങ്കീര്‍ത്തനം 106:13).
ദൈവം ചെയ്‌തതായ നന്മകളെ മറക്കുന്നത് നമ്മെ അക്ഷമാരാക്കുകയും, ദൈവത്തിന്‍റെ മാര്‍ഗ്ഗദര്‍ശനത്തിനായി കാത്തിരിക്കുവാന്‍ തയ്യാറല്ലാത്തവരുമാക്കി തീര്‍ക്കുകയും ചെയ്യുന്നു.
ക്ഷമയില്ലാത്ത ആളുകള്‍ വിഡ്ഢിത്തരങ്ങള്‍ ചെയ്യുവാനിടയാകും.

3. മറക്കുന്നത് ദൈവകോപം ആളിക്കത്തിക്കുന്നു.
മിസ്രയീമിൽ വലിയ കാര്യങ്ങളും ഹാമിന്‍റെ ദേശത്ത് അദ്ഭുതപ്രവൃത്തികളും ചെങ്കടലിങ്കൽ ഭയങ്കരകാര്യങ്ങളും ചെയ്തവനായി തങ്ങളുടെ രക്ഷിതാവായ ദൈവത്തെ അവർ മറന്നുകളഞ്ഞു. ആകയാൽ അവരെ നശിപ്പിക്കുമെന്ന് അവൻ അരുളിച്ചെയ്തു; അവന്‍റെ വൃതനായ മോശെ കോപത്തെ ശമിപ്പിപ്പാൻ അവന്‍റെ സന്നിധിയിൽ പിളർപ്പിൽ നിന്നില്ലെങ്കിൽ അവൻ അവരെ നശിപ്പിച്ചുകളയുമായിരുന്നു. (സങ്കീര്‍ത്തനം 106:21-23).

കര്‍ത്താവ് കഴിഞ്ഞകാലങ്ങളില്‍ നിങ്ങള്‍ക്കായി പല നന്മകള്‍ ചെയ്തിട്ടുണ്ട്. അതിനായി ദൈവത്തോട് നന്ദി പറയുവാനായി തീരുമാനിക്കുക.കര്‍ത്താവിന്‍റെ ഉപകാരങ്ങള്‍ ഒരിക്കലും മറക്കുവാന്‍ ഇടയാകരുത്.

പ്രാര്‍ത്ഥന
ഓരോ പ്രാർത്ഥന പോയിന്റും കുറഞ്ഞത് 3 മിനിറ്റോ അതിൽ കൂടുതലോ പ്രാർത്ഥിക്കണം

വ്യക്തിപരമായ ആത്മീക വളര്‍ച്ച
പിതാവേ, യേശുവിന്‍റെ നാമത്തില്‍, എനിക്കുവേണ്ടിയും എന്‍റെ കുടുംബാംഗങ്ങള്‍ക്കു വേണ്ടിയും അവിടുന്ന് ചെയ്തിട്ടുള്ള നന്മകള്‍ ഒരിക്കലും മറക്കാതിരിക്കുവാനുള്ള കൃപ എനിക്ക് തരേണമേ.

കുടുംബ രക്ഷ
വാഴ്ത്തപ്പെട്ട പരിശുദ്ധാത്മാവേ, എന്റെ കുടുംബത്തിലെ ഓരോ അംഗത്തിനും എങ്ങനെ ശുശ്രൂഷ ചെയ്യണമെന്ന് പ്രത്യേകം കാണിച്ചുതരൂ. കർത്താവേ, എന്നെ ശക്തനാക്കണമേ. ശരിയായ നിമിഷത്തിൽ നിങ്ങളെ കുറിച്ച് പങ്കിടാനുള്ള അവസരങ്ങൾ വെളിപ്പെടുത്തുക. യേശുവിന്റെ നാമത്തിൽ. ആമേൻ.

സാമ്പത്തിക മുന്നേറ്റം
ഞാൻ വിതച്ച എല്ലാ വിത്തും യഹോവ ഓർക്കും. അതിനാൽ, എന്റെ ജീവിതത്തിലെ അസാധ്യമായ എല്ലാ സാഹചര്യങ്ങളും കർത്താവ് വഴിതിരിച്ചുവിടും. യേശുവിന്റെ നാമത്തിൽ.
 
കെഎസ്എം പള്ളി
പിതാവേ, യേശുവിന്റെ നാമത്തിൽ, എല്ലാ ചൊവ്വ/വ്യാഴം, ശനി ദിവസങ്ങളിലും ആയിരങ്ങൾ കെഎസ്‌എം തത്സമയ പ്രക്ഷേപണത്തിലേക്ക് ട്യൂൺ ചെയ്യണമെന്ന് ഞാൻ പ്രാർത്ഥിക്കുന്നു. അവരെയും അവരുടെ കുടുംബങ്ങളെയും അങ്ങയുടെ നേർക്ക് നീ തിരിച്ചുവിടേണമേ. നിങ്ങളുടെ അത്ഭുതങ്ങൾ അവർ അനുഭവിക്കട്ടെ. നിന്റെ നാമം മഹത്വപ്പെടുകയും മഹത്വപ്പെടുകയും ചെയ്യപ്പെടേണ്ടതിന് അവരെ സാക്ഷ്യപ്പെടുത്തേണമേ.

രാഷ്ട്രം
പിതാവേ, യേശുവിന്റെ നാമത്തിൽ, ഇന്ത്യയിലെ എല്ലാ നഗരങ്ങളിലും സംസ്ഥാനങ്ങളിലുമുള്ള ജനങ്ങളുടെ ഹൃദയങ്ങൾ അങ്ങയിലേക്ക് തിരിയണമെന്ന് ഞാൻ പ്രാർത്ഥിക്കുന്നു. അവർ തങ്ങളുടെ പാപങ്ങളെക്കുറിച്ച് അനുതപിക്കുകയും യേശുവിനെ തങ്ങളുടെ കർത്താവും രക്ഷകനുമാണെന്ന് ഏറ്റുപറയുകയും ചെയ്യും.

Join our WhatsApp Channel


Most Read
● ചില നേതാക്കള്‍ വീണതുകൊണ്ട് നാം എല്ലാം അവസാനിപ്പിക്കണമോ?
● ശബ്ദകോലാഹലങ്ങള്‍ക്ക് മീതെ കരുണയ്ക്കായുള്ള ഒരു നിലവിളി
● ദിവസം 38: 40 ദിവസ ഉപവാസവും പ്രാര്‍ത്ഥനയും
● സ്തോത്രമര്‍പ്പിക്കുന്നതിന്‍റെ ശക്തി
● വലിയവരായ സ്ത്രീകളും പുരുഷന്മാരും പരാജയപ്പെടുന്നത് എന്തുകൊണ്ട് - 2
● ക്രിസ്തുവിലുള്ള നിങ്ങളുടെ ദൈവീകമായ നിയോഗത്തിലേക്ക് പ്രവേശിക്കുക
● കൃപയാല്‍ രക്ഷിയ്ക്കപ്പെട്ടു
അഭിപ്രായങ്ങള്‍
ഞങ്ങളെ ബന്ധപ്പെടുക
ഫോണ്‍: +91 8356956746
+91 9137395828
വാട്സാപ്പ്: +91 8356956746
ഇ മെയില്‍: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
Download on the App Store
Get it on Google Play
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
സംഭവങ്ങള്‍
ലൈവ്
നോഹട്യൂബ്
റ്റി വി
സംഭാവന
മന്ന
സ്തുതികള്‍
ഏറ്റുപറച്ചില്‍
സ്വപ്‌നങ്ങള്‍
ബന്ധപ്പെടുക
© 2025 Karuna Sadan, India.
➤
ലോഗിൻ
ഈ സൈറ്റിലെ ഉള്ളടക്കം ഇഷ്ടപ്പെടുന്നതിനും അഭിപ്രായം അറിയിക്കുന്നതിനും ദയവായി നിങ്ങളുടെ നോഹ അക്കൗണ്ടില്‍ പ്രവേശിക്കുക.
ലോഗിൻ