അനുദിന മന്ന
1
0
986
പരിശുദ്ധാത്മാവിനോടുള്ള അവബോധം വളര്‍ത്തുക - I
Saturday, 1st of July 2023
1
0
986
Categories :
Sensitivity to the Holy Spirit
പലപ്രാവശ്യം, പരിശുദ്ധാത്മാവിനെ പ്രാവിനോട് ഉപമിച്ചിട്ടുണ്ട്. (ശ്രദ്ധിക്കുക, ഉപമിച്ചിരിക്കുന്നു എന്നാണ് ഞാന്‍ പറഞ്ഞത്). പ്രാവ് വളരെ സൂക്ഷ്മ ശ്രദ്ധയുള്ള ഒരു പക്ഷിയാകുന്നു എന്നതാണ് ഇതിന്‍റെ കാരണം. പരിശുദ്ധാത്മാവിനോടു ചേര്‍ന്നു നടക്കുവാന്‍ നാം ആഗ്രഹിക്കുന്നുവെങ്കില്‍, നാം അവന്‍റെ സ്വഭാവം സൂക്ഷ്മതയോടെ മനസ്സിലാക്കണം.
പിന്നെ അവൾ (ദെലീലാ): ശിംശോനേ, ഫെലിസ്ത്യർ ഇതാ വരുന്നു എന്നു പറഞ്ഞു. ഉടനെ അവൻ ഉറക്കമുണർന്നു; യഹോവ തന്നെ വിട്ടു എന്നറിയാതെ: ഞാൻ മുമ്പിലത്തെപ്പോലെ കുടഞ്ഞൊഴിഞ്ഞുകളയും എന്നു വിചാരിച്ചു. (ന്യായാധിപന്മാര്‍ 16:20).
ദൈവത്താല്‍ വളരെ ശക്തമായി ഉപയോഗിക്കപ്പെട്ടിരുന്ന ഒരു മനുഷ്യന്‍ ദൈവ സാന്നിധ്യത്തെ കാര്യസാധ്യത്തിനായി കാണുകയും ദൈവത്തിനു പ്രസാദകരമായത് എന്തെന്നും അവനു അനിഷ്ടമായത് എന്തെന്നും എന്നതിനെക്കുറിച്ച് യഥാര്‍ത്ഥമായി യാതൊരു കരുതലും ഇല്ലായിരുന്നു എന്നും രേഖപ്പെടുത്തിയിരിക്കുന്ന വചനത്തിലെ വളരെ ഹൃദയഭേദകമായ ഭാഗങ്ങളില്‍ ഒന്നാണിത്. പരിശുദ്ധാത്മാവിന്‍റെ സ്വഭാവത്തെ മനസ്സിലാക്കുവാനുള്ള അവബോധം ഇല്ലായിരുന്നു എന്നതായിരുന്നു ശിംശോന്‍റെ ഏറ്റവും വലിയ തെറ്റ്. ഇത് നമ്മുടെ ഭാഗമല്ലയെന്നു ഞാന്‍ യേശുവിന്‍റെ നാമത്തില്‍ പ്രവചിക്കുന്നു.
പരിശുദ്ധാത്മാവിനോടു വ്യാജം കാണിക്കാമോ എന്നത് നിങ്ങള്‍ക്ക് അറിയുമോ?
അനന്യാസും സഫീരയും പരിശുധാത്മാവിനോടു വ്യാജം കാണിച്ചു എന്ന് വേദപുസ്തകം പറയുന്നു.
അപ്പോൾ പത്രൊസ്: "അനന്യാസേ, പരിശുദ്ധാത്മാവിനോട് വ്യാജം കാണിപ്പാനും നിലത്തിന്‍റെ വിലയിൽ കുറെ എടുത്തു വയ്പാനും സാത്താൻ നിന്‍റെ ഹൃദയം കൈവശമാക്കിയത് എന്ത്? (അപ്പൊ.പ്രവൃ 5:3).
നിങ്ങള്‍ക്ക് ഒരു വ്യകതിയോടു ഭോഷ്ക് പറയുവാന്‍ സാധിക്കും എന്നാല്‍ ഒരു ശക്തിയോട് അങ്ങനെ ചെയ്യുവാന്‍ കഴിയില്ല.
വിശ്വാസികള്‍ പോലും ലജ്ജാകരമായ, തുറന്ന പാപത്തിലേക്ക് വശീകരിക്കപ്പെടുവാന്‍ സാദ്ധ്യതയുണ്ടെന്നു അനന്യാസിന്‍റെയും സഫീരയുടേയും കഥ വെളിപ്പെടുത്തുന്നു. ഈ രീതിയില്‍ വ്യാജം കാണിക്കുവാനുള്ള ആഗ്രഹം അവരുടെ ഹൃദയത്തില്‍ നിറച്ചത് സാത്താനായിരുന്നു (അപ്പൊ.പ്രവൃ 5:3) മാത്രമല്ല കർത്താവിന്‍റ ആത്മാവിനെ പരീക്ഷിപ്പാനും സാത്താന്‍ അവരെ ഇടയാക്കി (വാക്യം 9).
പരിശുദ്ധാത്മാവിനോടു മറുത്തു നില്ക്കുവാനും കഴിയും.
പരിശുദ്ധാത്മാവിനോടു മറുത്തുനില്‍ക്കുന്നതില്‍ കൂടി നിങ്ങള്‍ അവനോടു അനുസരണക്കേട് കാണിക്കുകയാണെന്ന് സ്തെഫാനോസ് സന്നിദ്രി സംഘത്തോടു (യെഹൂദ്യ ഭരണകര്‍ത്താക്കള്‍) പറഞ്ഞു:
"ശാഠ്യക്കാരും ഹൃദയത്തിനും ചെവിക്കും പരിച്ഛേദന ഇല്ലാത്തവരുമായുള്ളോരേ, നിങ്ങളുടെ പിതാക്കന്മാരെപ്പോലെതന്നെ നിങ്ങളും എല്ലായ്പോഴും പരിശുദ്ധാത്മാവിനോടു മറുത്തു നില്ക്കുന്നു". (അപ്പൊ.പ്രവൃ 7:51).
പരിശുദ്ധാത്മാവിനു നേരെ ദൂഷണം പറയുവാന്‍ സാധിക്കും.
പരിശുദ്ധാത്മാവിനു വിരോധമായി ദൂഷണം പറയുവാന്‍ കഴിയുമെന്ന് യേശു പഠിപ്പിക്കുകയുണ്ടായി:
അതുകൊണ്ടു ഞാൻ നിങ്ങളോടു പറയുന്നത്: സകല പാപവും ദൂഷണവും (വിശുദ്ധമായ കാര്യത്തിനു എതിരായുള്ള ഓരോ തിന്മകള്‍, ആരോപണങ്ങള്‍, മുറിപ്പെടുത്തുന്ന സംസാരങ്ങള്‍ അഥവാ അനാദരവുകള്‍) മനുഷ്യരോടു ക്ഷമിക്കും; (പരിശുദ്ധ) ആത്മാവിനു നേരേയുള്ള ദൂഷണമോ ക്ഷമിക്കയില്ല.
ആരെങ്കിലും മനുഷ്യപുത്രനു നേരേ ഒരു വാക്ക് പറഞ്ഞാൽ അത് അവനോട് ക്ഷമിക്കും; പരിശുദ്ധാത്മാവിനു നേരേ പറഞ്ഞാലോ ഈ ലോകത്തിലും വരുവാനുള്ളതിലും അവനോടു ക്ഷമിക്കയില്ല. (മത്തായി 12:31-32 ആംപ്ലിഫൈഡ് പരിഭാഷ).
പരിശുദ്ധാത്മാവ് എപ്പോഴും നിങ്ങളുടെ ഭാഗത്തുണ്ട്, എന്നാല്‍ അവന്‍റെ സൌമ്യമായ, ശാന്തമായ പ്രകൃതം നിമിത്തം അവന്‍ ഒരിക്കലും നിര്‍ബന്ധപൂര്‍വ്വം നിങ്ങളുടെമേല്‍ വരികയില്ല. നിങ്ങള്‍ ചെയ്യുന്നതിലെക്കെല്ലാം നിങ്ങള്‍ അവനെ ക്ഷണിക്കണം. തന്‍റെ പ്രവൃത്തി ചെയ്യുവാന്‍ പരിശുദ്ധാത്മാവിനു തനിയെ സ്വാതന്ത്ര്യം നല്‍കണം.
അനേക വര്‍ഷങ്ങള്‍ക്കു മുമ്പ്, ഫോര്‍ഡ് മോട്ടോര്‍ കമ്പനിയുടെ സ്ഥാപകനായ ഹെന്‍റി ഫോര്‍ഡ്, ഒരു ദേശീയ പാതയില്‍ കൂടി സഞ്ചരിക്കുകയായിരുന്നു. ഒരു കാര്‍ റോഡിന്‍റെ അരികില്‍ കിടക്കുന്നതും അതിന്‍റെ ഡ്രൈവര്‍ അതിന്‍റെ കേടുപാട് മാറ്റുവാന്‍ പരിശ്രമിക്കുന്നതും താന്‍ കണ്ടു. ഹെന്‍റി ഫോര്‍ഡ് തന്‍റെ കാര്‍ വഴിയരികില്‍ നിര്‍ത്തിയിട്ട് ഞാന്‍ സഹായിക്കട്ടെ എന്ന് ആ ഡ്രൈവറോട് ചോദിച്ചു. എന്നാല്‍ ആ ഡ്രൈവര്‍ വളരെ ദേഷ്യത്തോടെ ഇങ്ങനെ പറഞ്ഞു, "ഹേ വൃദ്ധനായ മനുഷ്യാ, എനിക്ക് ചെയ്യുവാന്‍ കഴിയ്യാത്ത ഒന്നും തന്നെ നിനക്കും ചെയ്യുവാന്‍ കഴിയുകയില്ല. താങ്കള്‍ താങ്കളുടെ വഴിയ്ക്ക് പോകുക; ഇത് ഞാന്‍തന്നെ കൈകാര്യം ചെയ്തുകൊള്ളാം".
വളരെ മര്യാദയോടെ, ഹെന്‍റി ഫോര്‍ഡ് തന്‍റെ കാറില്‍ തിരികെ കയറി വാഹനം ഓടിച്ചുപോയി. അറ്റകുറ്റപ്പണി ആവശ്യമായി വന്ന ആ കാറിലെ വ്യക്തി അല്പം കഴിഞ്ഞു മനസ്സിലാക്കി ആ കാറിന്‍റെ നിര്‍മ്മാതാവിനെ ആയിരുന്നു താന്‍ തിരികെ അയച്ചതെന്ന്! തീര്‍ച്ചയായും, അതിന്‍റെ നിര്‍മ്മാതാവിനു അത് ശരിയാക്കുവാന്‍ കഴിയുമായിരുന്നു.
ചില പ്രത്യേക കാര്യങ്ങള്‍ നാം ചെയ്യുവാന്‍ വേണ്ടി പരിശുദ്ധാത്മാവ് നമ്മോടു സംസാരിക്കുന്നത് എന്താണെന്ന് (അഥവാ എപ്പോഴാണെന്ന്), വിശ്വാസികളായ നാം തിരിച്ചറിയാതിരിക്കുന്നതു നിമിത്തം അനേകം അവസരങ്ങള്‍ നഷ്ടപ്പെട്ടുകൊണ്ടിരിക്കയാണ്. ലളിതമായി പറയട്ടെ, നാം അവന്‍റെ ശബ്ദത്തോടും അവന്‍റെ സാന്നിധ്യത്തോടും വേണ്ടത്ര അവബോധം ഉള്ളവരല്ല.
പ്രാര്‍ത്ഥന
ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 2 നിമിഷമോ അതിലധികമോ പ്രാവശ്യം പ്രാര്‍ത്ഥിക്കുക.
വ്യക്തിപരമായ ആത്മീക വളര്‍ച്ച
പിതാവാം ദൈവമേ, യേശുവിന്‍റെ നാമത്തില്‍ ഒരു നവ അഗ്നി ഇന്ന് എന്‍റെമേല്‍ വരുമാറാകട്ടെ. എന്‍റെ കര്‍ത്താവും ദൈവവുമായുള്ളവനെ, പരിശുദ്ധാത്മ സ്നാനം എനിക്ക് നല്‍കേണമേ യേശുവിന്‍റെ നാമത്തില്‍.
കുടുംബത്തിന്‍റെ രക്ഷ
പിതാവേ, എന്‍റെയും എന്‍റെ കുടുംബാംഗങ്ങളുടെയും മുമ്പാകെ ദയവായി പോകുകയും എല്ലാ വളഞ്ഞ വഴികളേയും നിരപ്പാക്കുകയും കഠിനമായ പാതകളെ മൃദുവാക്കുകയും ചെയ്യേണമേ.
സാമ്പത്തീകമായ മുന്നേറ്റം
പിതാവേ, ശിഷ്യന്മാര്‍ പോയിട്ടു സകലവും തങ്ങള്‍ക്കു കീഴടങ്ങുന്നുവെന്ന സാക്ഷ്യവുമായി വന്നതുപോലെ, ഞാനും വിജയത്തിന്‍റെയും മുന്നേറ്റത്തിന്‍റെയും സാക്ഷ്യവുമായി വരുവാന്‍ ഇടയാക്കേണമേ.
കെ എസ് എം സഭ
പിതാവേ, യേശുവിന്‍റെ നാമത്തില്‍, ഓരോ ചൊവ്വ/വ്യാഴം/ശനി ദിവസങ്ങളില്‍ ആയിരക്കണക്കിനു ആളുകള്‍ കെ എസ് എമ്മിലെ തത്സമയ സംപ്രേഷണത്തില്‍ പങ്കുചേരുവാന്‍ വേണ്ടി ഞാന്‍ പ്രാര്‍ത്ഥിക്കുന്നു. അവരേയും അവരുടെ കുടുംബങ്ങളേയും കര്‍ത്താവേ അങ്ങയിലേക്ക് തിരിക്കേണമേ. അവര്‍ അങ്ങയുടെ അത്ഭുതങ്ങള്‍ അനുഭവിക്കട്ടെ. അങ്ങയുടെ നാമം ഉയര്‍ത്തപ്പെടുവാനും മഹത്വപ്പെടുവാനും വേണ്ടി സാക്ഷ്യം വഹിക്കുവാന്‍ അവരെ ഇടയാക്കേണമേ.
രാജ്യം
പിതാവേ, യേശുവിന്‍റെ നാമത്താലും അവന്‍റെ രക്തത്താലും, ദുഷ്ടന്‍റെ പാളയത്തിലേക്ക് അങ്ങയുടെ പ്രതികാരത്തെ അയയ്ക്കുകയും ഒരു രാജ്യം എന്ന നിലയില്‍ ഞങ്ങള്‍ക്ക് നഷ്ടപ്പെട്ട മഹത്വം പുനഃസ്ഥാപിക്കയും ചെയ്യേണമേ. അങ്ങയുടെ സമാധാനം ഞങ്ങളുടെ രാജ്യത്തിന്മേല്‍ വാഴുവാന്‍ ഇടയാകട്ടെ.
Join our WhatsApp Channel
Most Read
● നിങ്ങള്‍ അസൂയയെ എങ്ങനെയാണ് കൈകാര്യം ചെയ്യുന്നത്● ദിവസം 07: 40 ദിവസ ഉപവാസവും പ്രാര്‍ത്ഥനയും
● സ്തുതികളിന്മേലാണ് ദൈവം വസിക്കുന്നത്.
● മറ്റുള്ളവരുമായി സമാധാനത്തോടെ ജീവിക്കുക
● ആത്മീകമായ ദീര്‍ഘദൂരയാത്ര
● വ്യത്യാസം വ്യക്തമാണ്
● ദിവസം 19: 40 ദിവസ ഉപവാസവും പ്രാര്‍ത്ഥനയും
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2025 Karuna Sadan, India.