1
0
661
സാധാരണമായ ഒരു കുടുംബത്തില്‍ നിന്നുമാണ് ഞാന്‍ വരുന്നതെന്ന് നിങ്ങളില്‍ ഭൂരിഭാഗം പേര്‍ക്കും അറിവുള്ളതാണല്ലോ. മുമ്പോട്ടു പോകുവാന്‍ കാര്യങ്ങള്‍ എളുപ്പമല്ലായിരുന്നു, എന്നാല്‍ ഞങ്ങള്‍ മൂന്നു മക്കളേയും നന്നായി പരിപാലിക്കുന്നതില്‍ എന്‍റെ മാതാവും പിതാവും വളരെയധികം ശ്രദ്ധാലുക്കള്‍ ആയിരുന്നു. എന്‍റെ ഒരു ജന്മദിവസത്തില്‍ ഒരു ഭൂതക്കണ്ണാടി എനിക്ക് വാങ്ങിതരുവാന്‍ എന്‍റെ മാതാവിനോടു ഞാന്‍ ചോദിച്ചത് എന്‍റെ ഓര്‍മ്മയിലുണ്ട്. ഇന്ന്, കുഞ്ഞുങ്ങള്‍ക്ക്‌ അതില്‍ കൌതുകകരമായ വിലയൊന്നും തോന്നുകയില്ലായിരിക്കാം, എന്നാല്‍ ആ കാലങ്ങളില്‍, അത് അതുല്യമായ ഒന്നായിരുന്നു.
ഞാന്‍ എന്‍റെ ഭൂതക്കണ്ണാടി എടുത്തു ഉറുമ്പുകള്‍ തങ്ങളുടെ കൂട്ടില്‍ നിന്നും പുറത്തേക്ക് വരുന്നത് നോക്കും. അപ്പോള്‍ അവ വളരെ വലുതായും, വ്യത്യാസമുള്ളതായും കാണപ്പെടുമായിരുന്നു. എല്ലാം നന്നായി കാണുവാന്‍ എനിക്ക് കഴിഞ്ഞു. എന്നെപോലെ ഒരു കൊച്ചുകുട്ടിയ്ക്ക്, അന്നത് ഒരു പുതിയ ലോകം തന്നെ തുറന്നുതന്നു.
എന്നോടു ചേർന്നു യഹോവയെ മഹിമപ്പെടുത്തുവിൻ; നാം ഒന്നിച്ച് അവന്‍റെ നാമത്തെ ഉയർത്തുക. (സങ്കീര്‍ത്തനം 34:3).
കര്‍ത്താവിനെ മഹിമപ്പെടുത്തുന്നതില്‍ കൂടി, നിങ്ങള്‍ അവനെ വലുതാക്കുകയല്ല ചെയ്യുന്നത്. എന്നാല്‍ അതേ, അവന്‍ നിങ്ങളുടെ മനസ്സിന്‍റെ കാഴ്ചപ്പാടിനെ നിറയ്ക്കുന്നു, മാത്രമല്ല അവന്‍ നിങ്ങളുടെ ജീവിതത്തിലെ ഒരു വലിയ ഭാഗമായി മാറുന്നു.
അതുകൊണ്ട് ഒരുവന്‍ എങ്ങനെയാണ് കര്‍ത്താവിനെ മഹിമപ്പെടുത്തുന്നത്?
നിങ്ങള്‍ എന്തിനു ശ്രദ്ധ കൊടുക്കുന്നുവോ അത് നിങ്ങളുടെ മനസ്സില്‍ വളരും.
ദാവീദ് ദൈവത്തെ മഹത്വപ്പെടുത്തുവാന്‍ ആഗ്രഹിച്ചു. അത് എങ്ങനെയാകുന്നുവെന്നും അവന്‍ പങ്കുവെച്ചു: ഞാൻ യഹോവയെ എല്ലാ കാലത്തും വാഴ്ത്തും; അവന്‍റെ സ്തുതി എപ്പോഴും എന്‍റെ നാവിന്മേൽ ഇരിക്കും. എന്‍റെ ഉള്ളം യഹോവയിൽ പ്രശംസിക്കുന്നു; എളിയവർ അതു കേട്ടു സന്തോഷിക്കും. (സങ്കീര്‍ത്തനം 34:1-2).
ഇത് അപകടകരമായ സമയങ്ങളാകുന്നു, അതുകൊണ്ട് നിങ്ങളുടെ വിജയത്തിന്‍റെ സ്ഥാനം നിലനിര്‍ത്തുവാന്‍, നിങ്ങള്‍ ശരിയായ കാര്യങ്ങളില്‍ ശ്രദ്ധ പതിപ്പിക്കുന്നവര്‍ അഥവാ ശ്രദ്ധ കേന്ദ്രീകരിക്കുന്നവര്‍ ആയിരിക്കേണം; അല്ലെങ്കില്‍, അവ നിങ്ങളുടെ കാഴ്ചപ്പാടിനെ മറയ്ക്കുവാന്‍ ഇടയാകും.
നിങ്ങളുടെ ഭവനത്തില്‍, നിങ്ങള്‍ ജോലിത്തിരക്കിലാണെങ്കില്‍ പോലും, ഇമ്പമേറിയ ചില ആരാധനാ ഗാനങ്ങള്‍ ശ്രവിക്കുക. ദൈവത്തെ നിരന്തരം സ്തുതിയ്ക്കുക, ദിവസം മുഴുവനും ആരാധനാ ഗാനങ്ങള്‍ പാടി ദൈവത്തെ സ്തുതിയ്ക്കുക. നിങ്ങളുടെ മനസ്സും ഹൃദയവും ദൈവത്തില്‍ അര്‍പ്പിക്കുവാന്‍ അത് ഇടയാക്കും. അതുകൊണ്ട് നിങ്ങളത് ചെയ്യുമ്പോള്‍, നിങ്ങള്‍ അവനെ മഹിമപ്പെടുത്തുകയും ഉയര്‍ത്തുകയും ചെയ്യും. ദൈവം നിങ്ങളുടെ ജീവിതത്തിന്‍റെ ഒരു വലിയ ഭാഗമായി മാറും, മാത്രമല്ല നിങ്ങളുടെ പാതയില്‍ നില്‍ക്കുന്നതായ സകല തടസ്സങ്ങളേയും അതിജീവിക്കുവാന്‍ തക്കവണ്ണം നിങ്ങള്‍ ശക്തിയുള്ളവരായിത്തീരും.
പ്രാര്‍ത്ഥന
ഓരോ പ്രാര്‍ത്ഥനാ വിഷയങ്ങള്‍ക്കും വേണ്ടി കുറഞ്ഞത്‌ 2 നിമിഷമോ അതിലധികമോ പ്രാവശ്യം പ്രാര്‍ത്ഥിക്കുക.
വ്യക്തിപരമായ ആത്മീക വളര്‍ച്ച:
പിതാവാം ദൈവമേ, അങ്ങു പ്രപഞ്ചത്തിന്‍റെ സൃഷ്ടിതാവ് ആകയാല്‍, നിത്യനായ ദൈവമാകയാല്‍, നിത്യ പിതാവാകയാല്‍, ഏക സത്യ ദൈവമാകയാല്‍ ഞങ്ങള്‍ അങ്ങേയ്ക്ക് നന്ദി പറയുന്നു. ഞങ്ങളുടെ ഹൃദയവും, മനസ്സും, ദൃഷ്ടിയും ഞങ്ങള്‍ അങ്ങയില്‍ കേന്ദ്രീകരിക്കുമ്പോള്‍, അങ്ങ് ആയിരിക്കുന്നതുപോലെ ഞങ്ങള്‍ അങ്ങയെ കാണേണ്ടതിനായി പ്രാര്‍ത്ഥിക്കുന്നു. ഞങ്ങള്‍ അങ്ങയെ മഹിമപ്പെടുത്തുകയും അങ്ങേയ്ക്ക് മഹത്വവും, ബഹുമാനവും, സ്തുതിയും അര്‍പ്പിക്കയും ചെയ്യുന്നു, യേശുവിന്‍റെ നാമത്തില്‍, ആമേന്‍.
കുടുംബത്തിന്‍റെ രക്ഷ:
ഞാനും എന്‍റെ കുടുംബത്തിലെ അംഗങ്ങളും ഞങ്ങള്‍ ജീവനുള്ള ദൈവത്തെ മാത്രം സേവിക്കുമെന്ന്, പൂര്‍ണ്ണഹൃദയത്തോടെ ഞാന്‍ വിശ്വസിക്കയും അത് ഏറ്റുപറയുകയും ചെയ്യുന്നു. എന്‍റെ അടുത്ത തലമുറയും, അവര്‍ കര്‍ത്താവിനെ സേവിക്കും. യേശുവിന്‍റെ നാമത്തില്‍
സാമ്പത്തീകമായ മുന്നേറ്റം:
അതേ പിതാവേ, എന്‍റെ വഴികളില്‍ വരുന്നതായ ഓരോ അവസരങ്ങളില്‍ നിന്നും പരമാവധി നേട്ടം ഉണ്ടാക്കുവാന്‍ വേണ്ടി ആവശ്യമായ ജോലികളും മാനസീകമായ വൈദഗ്ധ്യങ്ങളും എനിക്ക് അനുവദിക്കേണമേ. യേശുവിന്‍റെ നാമത്തില്‍, എന്നെ ഒരു അനുഗ്രഹമാക്കി മാറ്റേണമേ.
സഭാ വളര്‍ച്ച:
പിതാവേ, തത്സമയ സംപ്രേഷണങ്ങളില്‍ പങ്കുചേരുന്ന ഓരോ വ്യക്തികളും ശ്രേദ്ധേയമായ അത്ഭുതങ്ങള്‍ പ്രാപിക്കുവാന്‍ ഇടയാകട്ടെ, അതിനെക്കുറിച്ച് കേള്‍ക്കുന്നവര്‍ എല്ലാവരും ആശ്ചര്യപ്പെടുകയും ചെയ്യട്ടെ. ഈ അത്ഭുതങ്ങളെ സംബന്ധിച്ച് കേള്‍ക്കുന്നവര്‍ എല്ലാവരും അങ്ങയിലേക്ക് തിരിയുവാനുള്ള വിശ്വാസം സ്വീകരിക്കയും അങ്ങനെ അത്ഭുതങ്ങള്‍ പ്രാപിക്കയും ചെയ്യട്ടെ.
രാജ്യം:
പിതാവേ, യേശുവിന്‍റെ നാമത്തില്‍, അന്ധകാരത്തിന്‍റെ ദുഷ്ട ശക്തികള്‍ ഒരുക്കിവെച്ചിരിക്കുന്ന സകല നാശത്തിന്‍റെ കെണികളില്‍ നിന്നും ഞങ്ങളുടെ രാജ്യത്തെ (ഇന്ത്യ) സ്വതന്ത്രമാക്കേണമേ.
Join our WhatsApp Channel
Most Read
● ദിവസം 20:40 ദിവസത്തെ ഉപവാസവും പ്രാര്‍ത്ഥനയും● ആദരവും മൂല്യവും
● യേശുവിനെ കാണുവാന്‍ ആഗ്രഹിക്കുക
● ഭോഷത്തത്തില്‍നിന്നും വിശ്വാസത്തെ വേര്‍തിരിച്ചറിയുക
● ദിവസം 17: 40 ദിവസ ഉപവാസവും പ്രാര്‍ത്ഥനയും
● ദുഷ്ടാത്മക്കളുടെ പ്രവേശന സ്ഥലങ്ങള്‍ അടയ്ക്കുക - 1
● എന്താണ് ആത്മവഞ്ചന? - II
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2024 Karuna Sadan, India.