നിങ്ങളുടെ ബലഹീനത ദൈവത്തിനു കൊടുക്കുക

ജ്ഞാനികളെ ലജ്ജിപ്പിപ്പാൻ ദൈവം ലോകത്തിൽ ഭോഷത്തമായതു തിരഞ്ഞെടുത്തു; ബലമുള്ളതിനെ ലജ്ജിപ്പിപ്പാൻ ദൈവം ലോകത്തിൽ ബലഹീനമായതു തിരഞ്ഞെടുത്തു. ഉള്ളതിനെ ഇല്ലായ്മയാക്കുവാൻ ദൈവം ലോകത്തിൽ കുലഹീനവും നികൃഷ്ടവുമായതും ഏതുമില്ലാത്തതും തിരഞ്ഞെടുത്തു. (1 കൊരിന്ത്യര്‍ 1:27-28).

ദൈവം തന്‍റെ മഹത്വകരമായ ഉദ്ദേശങ്ങള്‍ പൂര്‍ത്തിയാക്കുവാന്‍ മനഃപൂര്‍വ്വമായി ബലഹീനമായതിനെ ഉപയോഗിക്കുന്നു. ഈ രീതിയില്‍ ദൈവം പ്രവര്‍ത്തിക്കുവാനുള്ള കാരണം "ദൈവസന്നിധിയിൽ ഒരു ജഡവും പ്രശംസിക്കാതിരിക്കേണ്ടതിനുതന്നെ" എന്നതാണ്. (1 കൊരിന്ത്യര്‍ 1:29). ദൈവത്തിനു മാത്രം മഹത്വം ഉണ്ടാകണം.

പന്ത്രണ്ടു അപ്പൊസ്തലന്മാരില്‍ ഒരുവനായിരുന്നു യൂദാ ഇസ്കരിയോത്ത. രോഗികളെ സൌഖ്യമാക്കുകയും ഭൂതങ്ങളെ പുറത്താക്കുകയും ചെയ്ത അഭിഷിക്തനായ ഒരു മനുഷ്യനായിരുന്നു അവന്‍. അവനും കര്‍ത്താവിന്‍റെ മറ്റു ശിഷ്യന്മാരും ദൌത്യനിര്‍വ്വഹണത്തില്‍ ശക്തമായി ഉപയോഗിക്കപ്പെട്ടവര്‍ ആയിരുന്നു. (മത്തായി 10 വായിക്കുക).

എന്നാല്‍, ശരിക്കും സ്പഷ്ടമല്ലാത്തതും അവന്‍ പലപ്പോഴും കൃത്രിമത്വം കാണിച്ചതുമായ ഒരു ബലഹീനത യൂദയ്ക്ക് ഉണ്ടായിരുന്നു. യോഹന്നാന്‍ 12:6ല്‍ അവന്‍റെ ബലഹീനത പരിശുദ്ധാത്മാവ് വെളിപ്പെടുത്തുന്നു. ". . . . . . . . . .അവൻ കള്ളൻ ആകകൊണ്ടും പണസ്സഞ്ചി തന്‍റെ പക്കൽ ആകയാൽ അതിൽ ഇട്ടത് എടുത്തുവന്നതുകൊണ്ടും അത്രേ പറഞ്ഞത്."

അനേക സന്ദര്‍ഭങ്ങളിലും, യേശുവിങ്കലേക്ക് വന്ന സ്ത്രീപുരുഷന്മാരുടെ ജീവിതത്തിലെ ആഴമായ രഹസ്യങ്ങളെ കര്‍ത്താവ് എങ്ങനെയാണ് വെളിപ്പെടുത്തിയതെന്ന് യൂദാ കണ്ടിട്ടുണ്ട്. യേശുവിന്‍റെ മഹാകൃപയാല്‍ പാപികള്‍ എപ്രകാരം രക്ഷിക്കപ്പെട്ടുവെന്നും അവന്‍ കാണുവാന്‍ ഇടയായി. എന്നാല്‍ ഇതെല്ലാം അറിഞ്ഞിട്ടും, തന്‍റെ സ്വഭാവത്തിലെ ന്യുനതകള്‍ യേശുവിനോട് വ്യക്തിപരമായി അറിയിക്കുവാനുള്ള ഒരു പരിശ്രമവും യൂദാ നടത്തിയില്ല. അവനു വേണമെങ്കില്‍ അങ്ങനെ ചെയ്യാമായിരുന്നു, എന്നാല്‍ തന്‍റെ ബലഹീനതയെ അതിജീവിക്കുവാനുള്ള കൃപ യൂദായ്ക്ക് ലഭിക്കുമായിരുന്നുവെന്ന് എനിക്ക് ഉറപ്പുണ്ട്.

കര്‍ത്താവും, അതിനെ കുറിച്ച് അറിഞ്ഞിരുന്നു മാത്രമല്ല യൂദാ അത് തിരിച്ചറിയണമെന്ന് യേശു ആഗ്രഹിച്ചു; യൂദാ മാറണമെന്ന് യേശു ആഗ്രഹിച്ചു, എന്നാല്‍ അവന്‍ മാറിയില്ല, അവസാനം, അതേ സ്വഭാവ ന്യുനത തന്നെ തന്‍റെ ഗുരുവിനെ 30 വെള്ളിക്കാശിനു - ഒരു അടിമയുടെ വില, വിറ്റുക്കളയുവാന്‍ യൂദായെ പ്രേരിപ്പിച്ചു. നിങ്ങള്‍ സാധനസമ്പത്തുകളും ബന്ധങ്ങളും എങ്ങനെ കൈകാര്യം ചെയ്യുന്നു എന്നതില്‍ യഥാര്‍ത്ഥ സ്വഭാവം വെളിപ്പെടുന്നു.

നാം ബലഹീനരായ ആളുകളാണെന്ന് നാം തിരിച്ചറിഞ്ഞാല്‍ മാത്രം നമുക്ക് വ്യാജമുഖഭാവം കാണിക്കുന്നത് നിര്‍ത്തുവാനും പകരമായി വീണ്ടെടുപ്പും, സൌഖ്യവും, നമ്മുടെ കഷ്ടതകള്‍ക്ക് ആശ്വാസവും തരുന്ന നമ്മുടെ ദൈവത്തിന്‍റെ പര്യാപ്തതയിലേക്കും നന്മയിലേക്കും നോക്കുവാന്‍ സാധിക്കും. 

നാം എത്രമാത്രം ബലഹീനരും ദുര്‍ബലരും ആയിരുന്നാലും കുഴപ്പമില്ല, നമ്മുടെ ബലഹീനതകള്‍ കര്‍ത്താവിനോടു ഏറ്റുപറയുകയും അവനു സമര്‍പ്പിക്കയും ചെയ്യുമ്പോള്‍, അതിനെ അതിജീവിക്കുവാന്‍ ആവശ്യമായ കൃപ നമുക്ക് ലഭിക്കുമെന്ന് ഞാന്‍ വിശ്വസിക്കുന്നു. (2 കൊരിന്ത്യര്‍ 12:9).

പിതാവേ, അങ്ങയുടെ കൃപ എന്‍റെ ബലഹീനതയില്‍ തികഞ്ഞുവരുന്നതിനാല്‍ ഞാന്‍ നന്ദി പറയുന്നു. (നിങ്ങളുടെ ബലഹീനത ദൈവത്തോടു ഏറ്റുപറയുക). പിതാവേ, അങ്ങ് എന്നെ കൈവിടുകയുമില്ല ഉപേക്ഷിക്കയുമില്ല എന്നതിനാല്‍ ഞാന്‍ അങ്ങേയ്ക്ക് നന്ദി പറയുന്നു. യേശുവിന്‍റെ നാമത്തില്‍. ആമേന്‍.

മൂന്നു ദിവസത്തെ ഉപവാസത്തിലും പ്രാര്‍ത്ഥനയിലും എന്നോടുകൂടെ പങ്കുചേരുക (Join me in Three Days of Fasting & Prayer)
10, 11 & 12 നവംബര്‍ 2022.

ഈ 2022-ാം വര്‍ഷം തീരുന്നതിനു മുമ്പ്, ദൈവം തന്‍റെ ജനത്തിനു വലിയൊരു മുന്നേറ്റം നല്‍കുമെന്ന് ഞാന്‍ വിശ്വസിക്കുന്നു. ദാവീദിനെപോലെ, നിങ്ങളും
 സാക്ഷ്യം പറയും, "യഹോവ എന്‍റെ മുമ്പിൽ എന്‍റെ ശത്രുക്കളെ തകർത്തുകളഞ്ഞു എന്നു പറഞ്ഞു". (2 ശമുവേല്‍ 5:20).

ഓരോദിവസവും ഉപവാസത്തിന്‍റെ സമയം:
ഉപവാസം ആരംഭിക്കുന്നത് അതിരാവിലെ 12 മണിക്കും അവസാനിക്കുന്നത് ഉച്ചയ്ക്കു 2 മണിക്കും ആകുന്നു. 

ഈ സമയങ്ങളില്‍, ചായയോ, കാപ്പിയോ, അഥവാ ആഹാരമോ അനുവദനീയമല്ല. എന്നാല്‍ നിങ്ങള്‍ക്ക്‌ ധാരാളം വെള്ളം കുടിക്കാം. 2 മണിക്കുശേഷം, നിങ്ങള്‍ക്ക്‌ സാധാരണ രീതിയിലുള്ള ആഹാരം കഴിക്കാം.

ഒന്നാം ദിവസം: പ്രാര്‍ത്ഥനാ മാര്‍ഗ്ഗനിര്‍ദ്ദേശം.
1. ആരാധനയ്ക്കായി കുറച്ചു സമയം ചിലവഴിക്കുക.

2. കുറഞ്ഞത്‌ 15 നിമിഷമെങ്കിലും അന്യഭാഷയില്‍ പ്രാര്‍ത്ഥിക്കുക (സമയം ശ്രദ്ധിക്കുക).

3. യഹോവയെക്കുറിച്ച്: "അവൻ എന്‍റെ സങ്കേതവും കോട്ടയും ഞാൻ ആശ്രയിക്കുന്ന എന്‍റെ ദൈവവും" എന്നു പറയുന്നു. അവൻ എന്നേയും എന്‍റെ കുടുംബാംഗങ്ങളേയും തീര്‍ച്ചയായും വേട്ടക്കാരന്‍റെ കെണിയിൽനിന്നും നാശകരമായ മഹാമാരിയിൽനിന്നും വിടുവിക്കും.

4. എന്‍റെ പ്രാര്‍ത്ഥനയുടെ മറുപടിയെ തടയുന്ന സകല ശക്തികളും യേശുവിന്‍റെ രക്തത്താല്‍ തകര്‍ന്നുപോകട്ടെ.

5. എന്‍റെ മേലും എന്‍റെ കുടുംബാഗങ്ങളുടെ മേലും ഞാന്‍ സ്വാതന്ത്ര്യം, സൌഖ്യം, വിടുതല്‍ ഉണ്ടാകട്ടെ എന്ന് ഞാന്‍ കല്പിക്കുന്നു യേശുവിന്‍റെ നാമത്തില്‍.

6. പിതാവേ, അങ്ങയുടെ കൃപ എന്‍റെ ബലഹീനതയില്‍ തികഞ്ഞുവരുന്നതിനാല്‍ ഞാന്‍ അങ്ങേയ്ക്ക് നന്ദി പറയുന്നു. (നിങ്ങളുടെ ബലഹീനതകള്‍ ദൈവത്തോടു ഏറ്റുപറയുക). പിതാവേ അവിടുന്ന് എന്നെ ഒരുന്നാളും കൈവിടുകയുമില്ല ഉപേക്ഷിക്കയുമില്ല അതിനാല്‍ അങ്ങേയ്ക്ക് നന്ദി പറയുന്നു.യേശുവിന്‍റെ നാമത്തില്‍, ആമേന്‍.

7. ആയിരങ്ങള്‍ മുംബൈയിലെ ഷണ്മുഖാനന്ദ ആഡിറ്റൊറിയത്തില്‍ നടക്കുന്ന യോഗത്തിനു സംബന്ധിക്കേണ്ടതിനായി പ്രാര്‍ത്ഥിക്കുക (2022, നവംബര്‍ 13, ഞായറാഴ്ച്ച). അവര്‍ യേശുക്രിസ്തുവിനെ തങ്ങളുടെ രക്ഷകനും കര്‍ത്താവുമായി അംഗീകരിക്കേണ്ടതിനായി പ്രാര്‍ത്ഥിക്കുക. മാത്രമല്ല അവര്‍ തങ്ങളുടെ ജീവിതത്തില്‍ സൌഖ്യവും, വിടുതലും മുന്നേറ്റങ്ങളും പ്രാപിക്കേണ്ടതിനായുംപ്രാര്‍ത്ഥിക്കുക.