0 - Bible Commentary | Karuna Sadan

അവൻ അവരെ ഏറ്റവും നിർബന്ധിച്ചു; അപ്പോൾ അവർ അവന്‍റെ അടുക്കൽ തിരിഞ്ഞ് അവന്‍റെ വീട്ടിൽ ചെന്നു. (ഉല്പത്തി 19:3).

'അവൻ അവരെ ഏറ്റവും നിർബന്ധിച്ചു' എന്ന വാക്കുകള്‍ ശ്രദ്ധിക്കുക. അവന്‍ ഏറ്റവും നിര്‍ബന്ധിച്ചില്ലായിരുന്നു എങ്കില്‍ ദൂതന്മാര്‍ അവന്‍റെ സ്ഥലത്ത് വരികയില്ലായിരുന്നു. അതുപോലെതന്നെ നമ്മുടെ പ്രാര്‍ത്ഥനകള്‍ ഫലപ്രദമായി തീരേണ്ടതിനു അവയില്‍ സ്ഥിരോത്സാഹത്തിന്‍റെ സുഗന്ധം ഉണ്ടായിരിക്കണം.

ചാവുകടല്‍

ചാവുകടലിന്‍റെ ഒരു അറബി നാമം ലോത്തിന്‍റെ കടല്‍ (ബുഹൈറത്ത് ലൂത്ത്) എന്നാണ്, ഒരുപക്ഷേ ഈ മാന്ദ്യം രൂപപ്പെട്ടത് വര്‍ഷങ്ങള്‍ക്കു മുമ്പല്ല, മറിച്ച് ലോത്തിന്‍റെ കാലത്തുണ്ടായ "ആകാശത്തില്‍ നിന്നും തീ" ഇറങ്ങിയതിന്‍റെ അനന്തരഫലമായാണ് എന്നതിന്‍റെ ഒരു ഓര്‍മ്മയായിരിക്കാം.

അങ്ങനെ ലോത്ത് ചെന്നു തന്‍റെ പുത്രിമാരെ വിവാഹം ചെയ്‍വാനുള്ള മരുമക്കളോടു സംസാരിച്ചു: നിങ്ങൾ എഴുന്നേറ്റ് ഈ സ്ഥലം വിട്ടു പുറപ്പെടുവിൻ; യഹോവ ഈ പട്ടണം നശിപ്പിക്കും എന്നു പറഞ്ഞു. എന്നാൽ അവൻ കളിപറയുന്നു എന്ന് അവന്‍റെ മരുമക്കൾക്കു തോന്നി. (ഉൽപത്തി 19:14).

സുവിശേഷത്തിന്‍റെ സന്ദേശം ചില ആളുകള്‍ക്ക് ഒരു തമാശയായി തോന്നിയേക്കാം, അത് തിരിച്ചറിയുമ്പോള്‍ വളരെ വൈകിപോയിട്ടുണ്ടാകും.

ക്രൂശിന്‍റെ വചനം നശിച്ചുപോകുന്നവർക്കു ഭോഷത്തവും രക്ഷിക്കപ്പെടുന്ന നമുക്കോ ദൈവശക്തിയും ആകുന്നു. (1 കൊരിന്ത്യർ 1:18).

എന്നാൽ ഞങ്ങളുടെ സുവിശേഷം മറഞ്ഞിരിക്കുന്നു എങ്കിൽ നശിച്ചുപോകുന്നവർക്കത്രേ മറഞ്ഞിരിക്കുന്നു. ദൈവപ്രതിമയായ ക്രിസ്തുവിന്‍റെ തേജസ്സുള്ള സുവിശേഷത്തിന്‍റെ പ്രകാശനം ശോഭിക്കാതിരിപ്പാൻ ഈ ലോകത്തിന്‍റെ ദൈവം അവിശ്വാസികളുടെ മനസ്സു കുരുടാക്കി. (2 കൊരിന്ത്യർ 4:3-4).

എന്നാൽ പ്രാകൃതമനുഷ്യൻ ദൈവാത്മാവിന്‍റെ ഉപദേശം കൈക്കൊള്ളുന്നില്ല; അത് അവനു ഭോഷത്തം ആകുന്നു. ആത്മികമായി വിവേചിക്കേണ്ടതാകയാൽ അത് അവനു ഗ്രഹിപ്പാൻ കഴിയുന്നതുമല്ല. (1 കൊരിന്ത്യർ 2:14).

അനന്തരം ലോത്ത് സോവാർ വിട്ടുപോയി; അവനും അവന്‍റെ രണ്ടു പുത്രിമാരും പർവതത്തിൽ ചെന്നു പാർത്തു; സോവാരിൽ പാർപ്പാൻ അവൻ ഭയപ്പെട്ടു; അവനും അവന്‍റെ രണ്ടു പുത്രിമാരും ഒരു ഗുഹയിൽ പാർത്തു. (ഉൽപത്തി 19:30).

ദൈവം തന്നോടു ആദ്യം പോകുവാന്‍ പറഞ്ഞതായ സ്ഥലത്തേക്ക് ലോത്ത് ഒടുവില്‍ പോയി. (ഉല്പത്തി 19:17 കാണുക).

ലോത്തിന്‍റെ ഭാര്യ അവന്‍റെ പിന്നിൽനിന്നു തിരിഞ്ഞുനോക്കി ഉപ്പുതൂണായി ഭവിച്ചു. (ഉൽപത്തി 19:26).

കൌതുകകരമായി, ജാഷേറിന്‍റെ പുസ്തകം ലോത്തിന്‍റെ ഭാര്യയുടെ പേര് നമ്മോടു പറയുന്നു - അഡോ.

എന്നാൽ ആ പ്രദേശത്തിലെ പട്ടണങ്ങളെ നശിപ്പിക്കുമ്പോൾ ദൈവം അബ്രാഹാമിനെ ഓർത്തു. ലോത്ത് പാർത്ത പട്ടണങ്ങൾക്ക് ഉന്മൂലനാശം വരുത്തുകയിൽ ലോത്തിനെ ആ ഉന്മൂലനാശത്തിൽനിന്നു വിടുവിച്ചു. (ഉൽപത്തി 19:29).

അബ്രഹാമിന്‍റെ മധ്യസ്ഥത നിമിത്തം ലോത്ത് രക്ഷപ്പെടുവാന്‍ ഇടയായി.

അങ്ങനെ അന്നു രാത്രി അവർ അപ്പനെ വീഞ്ഞു കുടിപ്പിച്ചു; മൂത്തവൾ അകത്തു ചെന്ന് അപ്പനോടുകൂടെ ശയിച്ചു; അവൾ ശയിച്ചതും എഴുന്നേറ്റതും അവൻ അറിഞ്ഞില്ല. പിറ്റന്നാൾ മൂത്തവൾ ഇളയവളോട്: ഇന്നലെ രാത്രി ഞാൻ അപ്പനോടുകൂടെ ശയിച്ചു; നാം അവനെ ഇന്നു രാത്രിയും വീഞ്ഞു കുടിപ്പിക്ക; അപ്പനാൽ സന്തതി ലഭിക്കേണ്ടതിനു നീയും അകത്തു ചെന്ന് അവനോടുകൂടെ ശയിക്ക എന്നു പറഞ്ഞു. അങ്ങനെ അന്നു രാത്രിയും അവർ അപ്പനെ വീഞ്ഞു കുടിപ്പിച്ചു; ഇളയവൾ ചെന്ന് അവനോടുകൂടെ ശയിച്ചു; അവൾ ശയിച്ചതും എഴുന്നേറ്റതും അവൻ അറിഞ്ഞില്ല. ഇങ്ങനെ ലോത്തിന്‍റെ രണ്ടു പുത്രിമാരും അപ്പനാൽ ഗർഭം ധരിച്ചു. (ഉൽപത്തി 19:33-36).

നിഷിദ്ധസംഗമത്തില്‍ മദ്യം ഒരു പ്രധാന പങ്കു വഹിച്ചു.

അധ്യായം 19