അനുദിന മന്ന
1
0
580
ദിവസം 21:21 ദിവസത്തെ ഉപവാസവും പ്രാര്‍ത്ഥനയും
Sunday, 1st of January 2023
1
0
580
Categories :
ഉപവാസവും പ്രാര്‍ത്ഥനയും (Fasting and Prayer)
ദൈവത്തിനു ഒരു യാഗപീഠം ഉയര്‍ത്തുക
1അനന്തരം യഹോവ മോശെയോട് അരുളിച്ചെയ്തത് എന്തെന്നാൽ: 2ഒന്നാം മാസം ഒന്നാം തീയതി നീ സമാഗമനകൂടാരമെന്ന തിരുനിവാസം നിവിർക്കേണം.
17ഇങ്ങനെ രണ്ടാം സംവത്സരം ഒന്നാം മാസം ഒന്നാം തീയതി തിരുനിവാസം നിവിർത്തു. (പുറപ്പാട് 40:1-2, 17).
മുകളില്‍ പറഞ്ഞിരിക്കുന്ന വേദഭാഗങ്ങളില്‍, ഒന്നാം മാസം ഒന്നാം തീയതി (പുതുവര്‍ഷ ദിനത്തില്‍) മരുഭൂമിയില്‍ സമാഗമനക്കുടാരം ഒരുക്കണമെന്ന് യഹോവ മോശെയോടു നിര്‍ദ്ദേശിക്കുന്നു. നിങ്ങളുടെ ജീവിത ലക്ഷ്യത്തെ മാറ്റുവാന്‍ കഴിയുന്ന ഒരു ദൈവീക യാഗപീഠത്തിന്‍റെ പൂര്‍ണ്ണമായ ഉദാഹരണമാണിത്.
തിന്മയുടെ യാഗപീഠങ്ങളും ഉണ്ടെന്ന് നിങ്ങള്‍ക്കറിയുമോ? തിന്മയുടെ യാഗപീഠം എന്നാല്‍ ജീവനുള്ള ദൈവത്തിന്‍റെ യാഗപീഠമല്ലാത്ത മറ്റ് ഏതു യാഗപീഠവും ആകുന്നു. ദുഷ്ടനായവാന്‍ ക്രിസ്ത്യാനികള്‍ക്കും നിഷ്കളങ്കരായ ആത്മാക്കള്‍ക്കും എതിരായി പ്രവര്‍ത്തിക്കുന്നത് ഈ യാഗപീഠത്തില്‍ നിന്നുമാകുന്നു. മനുഷ്യരുടെ നിത്യതയെ നശിപ്പിക്കുവാന്‍ വേണ്ടി പ്രവര്‍ത്തിക്കുന്ന മറ്റനേകം യാഗപീഠങ്ങള്‍ ഈ ലോകത്തില്‍ നിലവിലുണ്ടെന്ന് ക്രിസ്ത്യാനികള്‍ എന്ന നിലയില്‍ നാം അറിഞ്ഞിരിക്കണം.
യാഗപീഠത്തെക്കുറിച്ച് ചില യാഥാര്‍ത്ഥ്യങ്ങള്‍.
ഇന്നത്തെ വേദഭാഗം പഠിക്കുന്നതില്‍ കൂടി യാഗപീഠത്തെ സംബന്ധിച്ചു താഴെ പറയുന്ന വിവരങ്ങള്‍ കണ്ടെത്തുവാനായി സാധിക്കും.
- ഓരോ യാഗപീഠത്തിനും ചുമതലയുള്ള ഒരു പുരോഹിതന്‍ ഉണ്ടായിരിക്കും.
- ഓരോ യാഗപീഠത്തിനും തുടര്‍മാനമായ യാഗം ആവശ്യമാകുന്നു.
- ആത്മാക്കളുമായി കൂട്ടായ്മയില്‍ വരുന്ന സ്ഥലമാണ് യാഗപീഠം.
- ഉടമ്പടികള്‍ ഉണ്ടാക്കപ്പെടുന്ന ആത്മീക വേദികളാകുന്നു യാഗപീഠങ്ങള്‍.
- കൈമാറ്റം ചെയ്യപ്പെടുന്ന ഒരു സ്ഥലംകൂടിയാകുന്നു യാഗപീഠങ്ങള്‍. യാഗപീഠങ്ങളില്‍ ഇടപാടുകള്‍ സംഭവിക്കുന്നു.
- ഓരോ യാഗപീഠങ്ങള്‍ക്കും അതില്‍ നിന്നും സംസാരിക്കപ്പെടുന്ന ശബ്ദമുണ്ട്. ബിലെയാം ഏഴു യാഗപീഠങ്ങളെ പണിതു എന്നിട്ട് യിസ്രായേലിനു വിരോധമായി ആ യാഗപീഠങ്ങളില്‍ നിന്നും സംസാരിക്കുവാന്‍ ആഗ്രഹിച്ചു, എന്നാല്‍ യാഗപീഠത്തില്‍ നിന്നും ദൈവജനത്തെ ശപിക്കുന്നത്‌ ദൈവം തടയുവാന്‍ ഇടയായി.
- അനുഗ്രഹങ്ങളും ശാപങ്ങളും യാഗപീഠത്തില്‍ നിന്നും പുറപ്പെടുവിക്കുവാന്‍ സാധിക്കും.
- യാഗപീഠങ്ങള്‍ ശക്തിയുള്ളതാണ്, അതിനു ഒരു തലമുറയില്‍ നിന്നും അടുത്ത തലമുറയിലേക്കും പ്രവര്‍ത്തിക്കുവാന്‍ സാധിക്കും.
തിന്മയുടെ യാഗപീഠങ്ങള്‍ എത്ര ശക്തിയുള്ളത് ആണെങ്കിലും, ദൈവശക്തിയുമായി ഏറ്റുമുട്ടുമ്പോള്‍ അത് നശിച്ചുപോകുവാന്‍ ഇടയായിത്തീരും. നിങ്ങളുടെ മുന്നേറ്റത്തെ വെല്ലുവിളിക്കുവാന്‍ ആഗ്രഹിക്കുന്ന എല്ലാ തിന്മയുടെ യാഗപീഠങ്ങളെയും നശിപ്പിക്കുവാന്‍ നിങ്ങള്‍ ശക്തിയില്‍ വളരേണ്ടത് ആവശ്യമാണ്‌.
തിന്മയുടെ യാഗപീഠങ്ങളുടെ പ്രവര്‍ത്തനങ്ങളെ നിങ്ങള്ക്ക് എങ്ങനെ അറിയുവാന്‍ കഴിയും?
1. തിന്മയുടെ യാഗപീഠങ്ങള്‍ നിങ്ങളെ ജീവനുള്ള ദൈവത്തിങ്കല്‍ നിന്നും അകറ്റിക്കളയുവാന്‍ ലക്ഷ്യമിട്ടുള്ളതാണ്.
"എഫ്രയീം പാപപരിഹാരത്തിനായി അനേകം യാഗപീഠങ്ങളെ ഉണ്ടാക്കിയതുകൊണ്ട്, യാഗപീഠങ്ങൾ അവന് പാപഹേതുവായിത്തീർന്നിരിക്കുന്നു".
(ഹോശേയ 8:11).
2. തിന്മയുടെ യാഗപീഠങ്ങളില്‍ നിന്നും ലക്ഷ്യസ്ഥാനങ്ങള്‍ക്ക് കാലത്താമസ്സം വരുത്തും.
3. തിന്മയുടെ യാഗപീഠങ്ങള്‍ക്ക് ലക്ഷ്യസ്ഥാനങ്ങളെ നശിപ്പിക്കുവാന്‍ സാധിക്കും.
4. തിന്മയുടെ യാഗപീഠം ലക്ഷ്യസ്ഥാനത്തെ മലിനമാക്കും. (യിരെമ്യാവ് 19:13).
5. രോഗവും, ദാരിദ്ര്യവും, ഒരു വംശപരമ്പരയിലേക്ക് സാത്താന് പ്രവേശനവും നല്‍കുവാന്‍ തിന്മയുടെ യാഗപീഠത്തിനു സാധിക്കും.
തിന്മയുടെ യാഗപീഠങ്ങള്‍ക്ക് എതിരായി എന്താണ് ചെയ്യേണ്ടത്.
- യാഗപീഠങ്ങള്‍ക്ക് മേല്‍ പ്രാവചനീക വചനങ്ങള്‍ അയയ്ക്കുക.
അവൻ യഹോവയുടെ കല്പനയാൽ യാഗപീഠത്തോട്: യാഗപീഠമേ, യാഗപീഠമേ, യഹോവ ഇപ്രകാരം അരുളിച്ചെയ്യുന്നു: ദാവീദുഗൃഹത്തിന് യോശീയാവ് എന്നു പേരുള്ള ഒരു മകൻ ജനിക്കും; അവൻ നിന്‍റെമേൽ ധൂപം കാട്ടുന്ന പൂജാഗിരിപുരോഹിതന്മാരെ നിന്‍റെമേൽവച്ച് അറുക്കയും മനുഷ്യാസ്ഥികളെ നിന്‍റെമേൽ ചുട്ടുകളകയും ചെയ്യും എന്നു വിളിച്ചു പറഞ്ഞു.
ദൈവപുരുഷൻ യഹോവയുടെ കല്പനയാൽ കൊടുത്തിരുന്ന അടയാളപ്രകാരം യാഗപീഠം പിളർന്ന് ചാരം യാഗപീഠത്തിൽനിന്നു തൂകിപ്പോയി. (1 രാജാക്കന്മാര്‍ 13:2,5).
നമ്മുടെ നിശബ്ദത തിന്മയുടെ യാഗപീഠത്തിനു നന്നായി പ്രവര്‍ത്തിക്കുവാനുള്ള അനുവാദം നല്‍കും. നാം അത് ഭൂമിയില്‍വെച്ച് പ്രഖ്യാപിക്കുന്നില്ലെങ്കില്‍, സ്വര്‍ഗ്ഗത്തിലും അത് നമുക്കുവേണ്ടി ചെയ്യപ്പെടുകയില്ല. വിശ്വാസികള്‍ എന്ന നിലയില്‍, ദൈവത്തിന്‍റെ ഹിതം ഈ ഭൂമിയില്‍ വഹിക്കേണ്ടവരാകുന്നു നാം.
നിങ്ങളുടെ നിത്യതയെ പ്രയാസപ്പെടുത്തുന്ന ഏതെങ്കിലും തിന്മയുടെ യാഗപീഠങ്ങള്‍ ഉണ്ടെങ്കില്‍ അഗ്നിയാല്‍ ഇന്ന് അത് നശിച്ചുപോകട്ടെ എന്ന് നിങ്ങളുടെ ജീവിതത്തെ നോക്കി യേശുവിന്‍റെ നാമത്തില്‍ ഞാന്‍ കല്പിക്കുന്നു.
- ദൈവീകമായ ഒരു യാഗപീഠം പണിയുക
ക്ഷാമകാലത്തിനു ശേഷം മഴ പെയ്യുവാന്‍ വേണ്ടി ഏലിയാവ് പ്രാര്‍ത്ഥിക്കുന്നതിനു മുമ്പ്, അവന് ആളുകളെയെല്ലാം ഒരുമിച്ചു വിളിച്ചുകൂട്ടി "അവൻ ഇടിഞ്ഞുകിടന്ന യഹോവയുടെ യാഗപീഠം നന്നാക്കി" എന്നത് വളരെ താല്പര്യജനകമായ ഒരു വസ്തുതയാണ്. (1 രാജാക്കന്മാര്‍ 18:30).
നമ്മുടെ യാഗപീഠത്തിന്‍റെ അവസ്ഥ കാണിക്കുന്നത് നമ്മുടെ ആരാധനയുടെ അവസ്ഥയെയും നമ്മുടെ ദൈവവുമായുള്ള ബന്ധത്തെയുമാകുന്നു. മൂന്നു തരത്തിലുള്ള ദൈവത്തിന്‍റെ യാഗപീഠങ്ങള്‍ ഉണ്ട്; നമ്മുടെ ശരീരങ്ങള്‍ (1 കൊരിന്ത്യര്‍ 6:19), നമ്മുടെ ഭവനങ്ങള്‍ (മത്തായി 18:20), അതുപോലെ സഭ (കൊലൊസ്സ്യര്‍ 1:24).
പ്രാര്‍ത്ഥന
ഓരോ പ്രാര്‍ത്ഥനാ മിസൈലുകളും നിങ്ങളുടെ ഹൃദയത്തില്‍ നിന്നും വരുന്നതുവരെ ആവര്‍ത്തിക്കുക. അതിനുശേഷം മാത്രം അടുത്ത പ്രാര്‍ത്ഥനാ മിസൈലിലേക്ക് പോകുക. (അത് ആവര്‍ത്തിക്കുക, വ്യക്തിപരമാക്കുക, ഓരോ പ്രാര്‍ത്ഥനാ വിഷയത്തിനും കുറഞ്ഞത്‌ ഒരു മിനിറ്റെങ്കിലും എടുത്ത് അപ്രകാരം ചെയ്യുക).
1. എന്‍റെ ഭാവിക്കെതിരായി പ്രവര്‍ത്തിക്കുന്ന എല്ലാ തിന്മയുടെ യാഗപീഠങ്ങളെയും ഞാന്‍ യേശുവിന്‍റെ നാമത്തില്‍ നശിപ്പിക്കുന്നു.
2. എന്‍റെ നല്ല ഭാവിക്കെതിരായി തരംതാഴ്ത്തി സംസാരിക്കുന്ന എല്ലാ അപരിചിതമായ യാഗപീഠവും യേശുവിന്‍റെ നാമത്തില്‍ നിശബ്ദമായിപോകട്ടെ.
3. ദൈവത്തിന്‍റെ ദൂതന്മാരെ, എന്‍റെ നിത്യതയ്ക്ക് എതിരായി പ്രവര്‍ത്തിക്കുന്ന എന്‍റെ പിതാവിന്‍റെ ഭവനത്തില്‍ നിന്നുള്ള തിന്മയുടെ സകല കുടുംബ യാഗപീഠങ്ങളേയും പോയി നശിപ്പിച്ചുക്കളയുക യേശുവിന്‍റെ നാമത്തില്‍.
4. എന്‍റെ ഭാവിയെ പരിമിതിപ്പെടുത്തുന്ന എല്ലാ തിന്മയുടെ യാഗപീഠങ്ങളെയും യേശുവിന്‍റെ രക്തത്താല്‍ ഞാന്‍ നശിപ്പിക്കുന്നു, യേശുവിന്‍റെ നാമത്തില്‍.
5. എന്‍റെ ദൈവനിര്‍ണ്ണയ സ്ഥാനത്തിനു എതിരായി പ്രവര്‍ത്തിക്കുന്ന തിന്മയുടെ യാഗപീഠത്തിലുള്ള എല്ലാ തിന്മയുടെ പുരോഹിതരുടെ പ്രവര്‍ത്തികളെയും ഞാന്‍ ബന്ധിക്കുന്നു യേശുവിന്‍റെ നാമത്തില്‍.
6. തിന്മയുടെ യാഗപീഠത്തില്‍ എനിക്കെതിരായി ചെയ്തുവെച്ചിരിക്കുന്ന ദോഷങ്ങള്‍ യേശുവിന്‍റെ നാമത്തില്‍ അനുഗ്രഹമായി മാറട്ടെ.
7. എന്‍റെ നല്ല ഭാവിക്കെതിരായുള്ള അപരിചിതമായ യാഗപീഠത്തിന്‍റെ ശക്തികളെ യേശുവിന്‍റെ നാമത്തില്‍ ഞാന്‍ നിര്‍വീര്യമാക്കുന്നു.
8. തിന്മയ്ക്കായി എന്‍റെ പേര് വിളിക്കുന്ന സകല ശക്തികളും യേശുവിന്‍റെ നാമത്തില്‍ നശിച്ചുപോകട്ടെ.
9. ദൈവത്തിന്‍റെ ദൂതന്മാരെ, തിന്മയുടെ യാഗപീഠങ്ങളില്‍ നിന്നും എന്‍റെ മൂല്യങ്ങളെ, മഹത്വത്തെ, അനുഗ്രഹത്തെ, സമ്പത്തിനെ വീണ്ടെടുക്കാന്‍ ഞാന്‍ നിങ്ങളെ അയയ്ക്കുന്നു യേശുവിന്‍റെ നാമത്തില്‍.
10. തിന്മയുടെ യാഗപീഠത്തില്‍ കിടക്കുന്ന എന്‍റെ എല്ലാ അവകാശങ്ങളേയും ഞാന്‍ യേശുവിന്‍റെ നാമത്തില്‍ അവകാശമാക്കുന്നു.
11. പിതാവേ, അങ്ങേയ്ക്ക് വേണ്ടി ദൈവീകമായ ഒരു യാഗപീഠം പണിയുവാന്‍ എന്നെ ശക്തീകരിക്കേണമേ യേശുവിന്‍റെ നാമത്തില്‍.
12. എന്‍റെ ജീവിതത്തിനു വിരോധമായി പ്രവര്‍ത്തിക്കുന്ന തിന്മയുടെ യാഗപീഠങ്ങള്‍ക്കെതിരായി ഞാന്‍ പ്രാവചനീക വചനങ്ങള്‍ അയയ്ക്കുന്നു, അവ അഗ്നിയാല്‍ നശിച്ചുപോകട്ടെ യേശുവിന്‍റെ നാമത്തില്‍.
13. തിന്മയുടെ യാഗപീഠത്തിലെ തിന്മയുടെ പട്ടികയില്‍ നിന്നും എന്‍റെ പേര് യേശുവിന്‍റെ നാമത്തില്‍ ഞാന്‍ മായിച്ചുക്കളയുന്നു.
14. എനിക്കെതിരായി മരണത്തിനായി തയ്യാറാക്കപ്പെട്ട സകലത്തില്‍ നിന്നും യേശുവിന്‍റെ നാമത്തില്‍ ഞാന്‍ രക്ഷപ്പെടുന്നു.
15. ദൈവത്തിന്‍റെ ദൂതന്മാരെ, എന്‍റെ സാമ്പത്തീക മുന്നേറ്റങ്ങള്‍ക്ക്, വൈവാഹീകമായ സ്ഥിരതയ്ക്ക്, അനുഗ്രഹങ്ങള്‍ക്ക് എതിരായി പ്രവര്‍ത്തിക്കുന്ന എല്ലാ സാത്താന്യ യാഗപീഠങ്ങളെയും പോയി തകര്‍ത്തുക്കളയുക യേശുവിന്‍റെ നാമത്തില്‍.
16. എന്‍റെ ഭാവിക്കെതിരായുള്ള സാത്താന്യ ആരോപണങ്ങളെ യേശുവിന്‍റെ നാമത്തില്‍ ഞാന്‍ നിശബ്ദമാക്കുന്നു.
17. എന്‍റെ അനുഗ്രഹങ്ങള്‍ ബന്ധിച്ചുവെച്ചിരിക്കുന്ന ഏതു ശക്തിയായാലും, യേശുവിന്‍റെ നാമത്തില്‍ ഇപ്പോള്‍ത്തന്നെ അതിനെ വിടുക.
18. നാശത്തിന്‍റെ പട്ടികയില്‍ നിന്നും ഞാന്‍ എന്‍റെ പേര് പിന്‍‌വലിക്കുന്നു യേശുവിന്‍റെ നാമത്തില്‍.
19. പിതാവേ, എന്‍റെ ജീവിതത്തെ ബുദ്ധിമുട്ടിക്കുന്ന ആളുകളുടെ ഇടയിലേക്ക് ആശയക്കുഴപ്പത്തെ അയക്കേണമേ യേശുവിന്‍റെ നാമത്തില്‍.
20. എന്‍റെ വീടിനു, എന്‍റെ ബിസിനസ്സിനു, എന്‍റെ ജീവിതത്തിനു ചുറ്റുമുള്ള പൈശാചീക പ്രതിനിധികളുടെ പ്രവര്‍ത്തികളെ ഞാന്‍ നിശ്ചലമാക്കുന്നു യേശുവിന്‍റെ നാമത്തില്‍.
Join our WhatsApp Channel
Most Read
● നിലനില്‍ക്കുന്ന മാറ്റങ്ങള്‍ നിങ്ങളുടെ ജീവിതത്തില്‍ കൊണ്ടുവരുന്നത് എങ്ങനെ - 1● പരിശുദ്ധാത്മാവിന്‍റെ പേരുകളും ശീര്‍ഷകങ്ങളും: ദൈവത്തിന്‍റെ ആത്മാവ്
● നിങ്ങള്‍ അസൂയയെ എങ്ങനെയാണ് കൈകാര്യം ചെയ്യുന്നത്
● കുടുംബത്തോടൊപ്പം പ്രയോജനമുള്ള സമയം
● ദൈവത്തിങ്കല്‍ നിന്നും അകലെയായി നിങ്ങള്ക്ക് തോന്നുമ്പോള്‍ പ്രാര്‍ത്ഥിക്കേണ്ടത് എങ്ങനെ
● ദൈവീകമായ ക്രമം - 2
● ക്രിസ്തു കല്ലറയെ ജയിച്ചു
അഭിപ്രായങ്ങള്‍
ഞങ്ങളെ ബന്ധപ്പെടുക
വാട്സാപ്പ്: +91 8356956746
ഇ മെയില്: [email protected]
മേല്‍വിലാസം :
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
10/15, First Floor, Behind St. Roque Grotto, Kolivery Village, Kalina, Santacruz East, Mumbai, Maharashtra, 400098
ആപ്പ് നേടുക
മെയിലിംഗ് ലിസ്റ്റിൽ ചേരുക
പര്യവേക്ഷണം നടത്തുക
© 2024 Karuna Sadan, India.