18 - Bible Commentary | Karuna Sadan

देवा, पर्वत जन्मण्याआधी आणि पृथ्वी व जग निर्माण होण्याआधी तूच देव होतास देवा, तू पूर्वी होतास आणि पुढे देखील असशील (स्तोत्रसंहिता ९०:२)

स्तोत्रकर्ता देवाच्या सनातन स्वरूपास जाणतो. समतल भागाच्या वर डोंगर उभा राहण्याअगोदर आणि देवाने पृथ्वी आणि विश्वाची रचना करण्याअगोदर देव अस्तित्वात होता.

तुझ्यासाठी हजारो वर्षे म्हणजे कालचा दिवस, कालची रात्र. (स्तोत्रसंहिता ९०:४)

देव वेळेच्याही पलीकडे अस्तित्वात आहे आणि कालावधीचे मानवाचे मोजमापाचे त्यास काहीही महत्त्व नाही. मानवी मनाला, हजार वर्षे ही अविश्वसनीयरित्या मोठा काळ असे दिसत असेन, परंतु देवाच्या सनातन अस्तित्वाच्या असीमितपणाशी तुलना केली तर देवाला त्याचे काहीही महत्त्व नाही. जसे प्रेषित पेत्राने याची नोंद केली, त्याच्या उलट देखील खरे आहे, "देवाला एक दिवस एक हजार वर्षांसारखा आहे.' (२ पेत्र ३:८)

तुला आमच्या सर्व पापांची माहिती आहे. देवा, तू आमचे प्रत्येक गुप्त पाप पाहतोस. (स्तोत्रसंहिता ९०:८)

मोशे हे जाणतो की देव हा सर्वकाही जाणणारा आहे आणि त्याच्या दृष्टीपासून काहीही लपलेले नाही. वाक्प्रचार "तुझ्या मुखप्रकाशात' हे देवाच्या उपस्थितीचे प्रकाशमान करणारे सामर्थ्य सूचित करते, जे सर्व काही अंधारात लपलेले आहे त्यास ते प्रगट करते. आपल्या गुप्त पापांचा अंगीकार करणे हा यातनामय अनुभव होऊ शकतो, परंतु खरा पश्चाताप आणि पुनर्स्थापनेसाठी हे आवश्यक आहे.

मोशेची प्रार्थना ही देवाबरोबरील आपल्या संबंधातील आपला प्रामाणीकपणा आणि एकनिष्ठेच्या महत्वाचे स्मरण आहे.

म्हणून योग्य समय येईपर्यंत म्हणजे प्रभु येईपर्यंत न्यायनिवाडा करु नका. तो अंधारामध्ये दडलेल्या गोष्टींवर प्रकाश टाकील व अंत: करणातील हेतू उघडकीस आणील, त्यावेळी देवाकडून प्रत्येकाची प्रशंसा होईल. (१ करिंथकरांस ४:५)

आम्ही कदाचित् 70 वर्षे जगू आणि जरा सशक्त असलो तर 80 वर्षे. आमचे आयुष्य कठोर परिश्रम आणि दु:ख यांनी भरलेले आहे आणि नंतर आमचे आयुष्य अवचित् संपते आणि आम्ही उडून जातो. (स्तोत्रसंहिता ९०:१०)

अनुवाद ३१:२ आणि ३४:७ मध्ये, अशी नोंद केली आहे की मोशे एकशे वीस वर्षे जगला. तथापि, हे लक्षात घेतले पाहिजे की मोशेने मनुष्याच्या आयुष्यासाठी ७० वयाच्या मर्यादेचे आश्वासन किंवा निश्चिती केली नाही. त्याऐवजी त्याने ठराविक आयुष्यमानाचा काव्यमय अंदाज म्हणून ७० क्रमांकाचा वापर केला, जीवनाच्या क्षणभंगुर स्वरूपावर जोर दिला. जरी कोणी या अंदाजाच्या पुढे गेला आणि ८० वर्षे जगला, तरीही त्याचा शेवटचा परिणाम हा कष्टमय व दु:खमय असेल.

बायबलमध्ये एक पिढी किती वर्षाची आहे?

७०. हनोख आणि जुबिलीच्या पुस्तकात देखील ७० वर्षांच्या पिढीचे अनुमान लावले आहे आणि ते स्वयं बायबलच्या जुबिली पद्धतीशी अत्यंत सुसंगत असे आहे. (दानीएल ९)

अध्याय ९०